[全劇終！] ViuTV原創劇《Food Buddies》集中討論區(13)

大結局冇3 pair人一齊影婚紗算係咁啦

撞鬼🤪我好耐冇睇viutv呀

搞唔掂，最後兩集悶到瞓
所有野都太突然

14集一開頭bj感情受挫坐係街到望樹枝真係做多咗勁odd

全部人都係絕世好人散完就唔會諗返ex，bj唔會諗kelly，jan唔諗阿德，kelly唔會諗bj。當然都明係單元劇講埋會仲亂，但作為觀眾係有啲難睇住角色上一分鐘仲講到幾鍾意上個，下一分鐘就只愛新伴侶

bj做開fuck boy仲要鍾意ntr但唔想比人話拋妻棄子希望比多少少解釋點解有呢啲觀念

jan又係食完鹵水就接受到自己係好媽媽，發生緊咩事入唔到戲

BJ同Kelly對話果段有好淡然咁交代
如果當初點點點，結局會好唔一樣
唔可以講佢地心中完全冇對方
況且BJ都講左唔止一次，就係因為之前錯過左愛既人
所以唔想錯第二次
冇係咁掛口唇邊話後悔同Kelly一齊唔到唔代表佢係呢秒好愛下秒失憶

BJ去到學校搵Jan果時都仲係慣性fuckboy溝女mode
所以佢先要反思（+被Jan質疑）自己係咪ready做老豆
唔覺係好突然既轉變

最後滷水果度，係佢多年心結
而Jan一直選擇逃避，當同屋企人斷絕關係就係同童年既自己切割
其實內心係一直責備自己（細路女既佢話大人既佢唔ready做人媽媽）
解左個心結發現從來唔係佢問題
過去既自己都可以原諒自己，做個怪人但都可以對小魔怪負責任
唔係咩食個滷水就突然可以做好媽媽
其實一直佢個心都係唔捨得就咁放走小魔怪
只係口硬，俾好多藉口去逃避
最後面對自己先知真實想法係想好好照顧bb

有無呢套劇既歌單?

睇完live 原來1、3單元一個班底，第二單元一個班底
唔怪之得個劇情節奏等等都有明顯分別
第1、3都好睇 但個人最鍾意睇第二個單元

不過咁雖則好多觀眾都係BJ Kelly Team(連Chloe 都係）, 但正如柯煒林係live入面咁講BJ份人唔迫得 就算佢地一齊左其實都未必會last 到好耐

終於追哂，幾好睇
近年好鐘意嘅港劇

Just wanna said I miss BJ a lot.

岩岩2晚追返晒15集 80分

唔好意思而家先見到
多謝巴打你覆得咁詳盡冇諗過發洩文有人認真覆

我就係覺得嗰段好淡然，已經唔係因為想復合或者遺憾問，已經感受到過去嘅已成過去，觀眾係冇過渡期。多謝你提出呢一段，我都冇咩印象啦本身睇完呢一段

我指嘅係點解佢會想做爸爸，佢係喺反思前已經想負起責任做爸爸，理由唔係驚錯過，係唔想拋妻棄子。有伴侶同突然要做老豆真係兩件事黎。呢到我係到諗佢可能係口咁講但其實係因為對方係呀jan所以令佢咁講？但總之我睇嗰陣感受唔到係呢個原因，都係後期腦補

我就係唔明點解食完滷水就解到由細到大嘅心結？係因為個滷水係bj整定點。不被家人或周圍嘅人認同，家人打壓女性身份嘅佢，點解食完就解開到，同埋就算解開心結，同作為“怪人”要養一個b做好媽媽係另一個問題。個b都係可能因為佢而被其他人欺凌（前面佢都提到bj做老豆對個b會在外在環境壓力）。我都感受到佢好想養，但佢呢啲都唔算咩藉口，係一個好實在嘅理由呀

再次感謝你咁認真覆

睇咗4集
都係假開放
話係poly 兩女都係情人
但從來無佢地拍拖情愛片段 乜都要關條仔事
乜都係女呷條仔關心第條女多啲醋
男最大選擇權

普通後宮男人打J劇
好似啲sheshe av咁 一定仲要塞個男為中心
無男就死都要話兩女係friend/直女玩緊 怕hurt到男人心靈
睇到躁

之前追那年盛夏嗰時見到呢套個廣告仲心諗講乜 估唔到呢套個追看性仲大過那年盛夏 頭5集每集我都係O住咀咁睇

好多人都鍾意BJ Kelly 不過我自己就好鍾意BJ Jan呢個結局 因為冇Kelly既岀現同錯過 唔會令BJ有定落黎既諗法 睇埋live先知Will同談咁fd唔知拍親熱戲會唔會好尷

岩岩睇晒
近年難得一套好劇
鏡頭 劇情流暢 新鮮感 都好好

唯一可惜嘅係如果講Jan面對童年陰影嗰度再著墨多少少就好了
最後有少少突然間就睇開咗嘅感覺