亦有人創造出「佛」𠵱個概念，只要做到「正等正覺」無所不知，就可以成為「佛」。
即係話用現代嘅 terms 講，人類只要接納宇宙一切可能性，就冇所謂「痛苦」。我都接受咗小我係有「體驗苦」嘅可能性，唔標籤佢為「苦」，仲點有苦？
而現代科學觀察到宇宙係無時無刻不停擴張，咁即係宇宙不斷有新嘅可能性，咁個地圖可以無限擴大 / 縮小（取決共同體意識），咁仲點成佛？
而當明白咗「小我」𠵱個唔係完全嘅觀察者，係攞嚟體驗人生，你亦接納咗「小我」唔完美嘅存在，有生老病死，會犯錯，有高矮肥瘦，咁人類就叫𠵱種做「愛」？
當個個都識得「愛」就係接納宇宙一切可能性，同觀察更多可能性，咁個宇宙就會繼續擴大。
而學識咗接納「小我」，就有一種「共同體」嘅概念，反正小我最終都會死。就算有靈魂，下世投胎都係唔同角色。
不如「小我」喺人生體驗當中創造更多數據，發明更多嘢，為共同體努力，不斷共同學習，好似 AI 咁愈變愈強
我懷疑 Elon Musk 同阿德勒一早明白咗𠵱個道理。
