幫朋友問，兼職嘅選擇。

幫朋友問，兼職嘅選擇。

佢想用空餘時間 (平日星期一至五，一日六個鐘左右) 搵份兼職。
咁佢有兩份兼職都有興趣想做，就想問吓有做緊或做過嘅人嘅意見。
睇下邊份會比較好做。
(我無做過，所以都俾唔到意見俾佢。)

1. 奇趣天地
有收銀員、售貨員、包裝/執貨員 三個位置選擇，
佢會揀包裝/執貨員。
不過時薪方面同工作時間，官方都無寫出嚟，要見工先會講。
剩係知比較唔好嘅係，要一星期至少返四日。

所以，有無人知道 奇趣天地 嘅兼職，時薪大約幾多？
有無話一日要返至少幾多個鐘？ 好唔好做？


2. 冒險樂園
兼職時薪$49。
聽之前嘅人講，話份工其實好多限制又好辛苦？
返工時間唔可以睇手機？
做兼職都一定要返星期六/日？ (又話彈性工作時間？)
一定要整渣打銀行户口？ (而家都仲係咁煩？)
未正式開工就要俾錢買制服？ 要幾錢？



如果剩係以以上呢兩個選擇，邊份比較好？



PS. 本來 文具佬 都係選擇之一，
但個朋友話本身個人事部WhatsApp問哂資料後，
就話晏啲會打俾佢做個Phone Interview，個朋友話無問題，
點知等咗整日都無打俾佢，WhatsApp又無回覆。

奇趣啦
冒險樂園有波波池個啲若果有小朋友瀨尿都係要職員抹

你幫你朋友打埋工？

我平時同朋友經過嘅話，都幾鍾意行 奇趣天地 ，有時都會買吓公仔之類。
不過行還行，做嘢還做嘢。
同埋始終佢哋嘅招聘都無寫明時薪係幾多⋯
不過斷估點都唔會低過 冒險樂園 ？
感覺上，我會想揀 奇趣天地 多啲。

我始終無做過，唔肯定嘅嘢，我就唔想俾太多意見。
所以直接幫手問吓你哋仲好。

呢兩份工，男女老少都請，會有咩分別？

Btw， 冒險樂園 份工，以下嘅嘢係咪真？

返工時間唔可以睇手機？
做兼職都一定要返星期六/日？ (又話彈性工作時間？)
一定要整渣打銀行户口？ (而家都仲係咁煩？)
未正式開工就要俾錢買制服？ 要幾錢？

如果係咁麻煩，我諗我朋友都唔會接受到。
時薪$49，仲要搞咁多嘢？

文具佬都唔會高得去邊，新入去得50，有經驗少少就55，如果做左好多年經驗eg萬0惠康就可以叫到60

你啱！
個朋友都send過張 文具佬 招聘俾我睇，都係玩文字遊戲啦。
時薪$50，“最高可達”$75。
最高可達 呢四個字，愈嚟愈難呃到人。

不過都要幫口重申，佢搵多份兼職都係用空閒時間幫補下咁。
人工差唔多嘅話，重點就係好唔好做姐！

$50-$60，要做到隻狗，同可以hea做，已經兩回事。

Hea唔Hea做真係要做過先知
就算唔Hea 有班好同事日子都快過d

補充，上面巴打提到啲大機構，
如果大家要搵兼職嗰陣，都要考慮多一樣嘢，
就係“惡劣天氣“嘅安排！

近件，班大機構好似愈嚟愈癲，以我所知啦，
惠康、百佳、麥當勞、甚至日系嘅Uniqlo、無印良品、壽司郎等，
全部都視”八號風球”、”極端天氣警告”如無物！
之前已經俾好多人插，升到九號、十號風球先話關閉，
落返八號風球又話要開返！ 都痴線！
(係咪強迫員工一定要返就唔知啦⋯)

當然，打風無得返，對兼職嘅人都係無得益，都無錢收，
不過重點係，我唔會為咗份兼職，搵命出去搏。

啱，最好當然係，壓力唔大又有好同事，
但要兼顧呢兩樣嘢嘅工，可遇不可求。

所以事前只可以嘗試問吓其他人嘅睇法。

同埋唯有實際啲，睇“返工地點”、“返工時間”、”時薪(人工)”呢三樣，
符合到自己嘅話，咪試下做囉。

做外賣師啦
夕陽行業都高過60蚊

無車、唔想踩單車，而家剩係做步兵嘅話，
真係仲得咩？
同埋我朋友只做6小時/一日。(早至下午)

如果有巴絲打有做過 奇趣天地 嘅話，
希望你哋都可以分享下。