究竟卡通同動漫有咩分別

前幾日去見工（模型店）
佢問咗一個問題
卡通同動漫有咩分別

佢最後界定個答案係
動漫係成年人掩飾自己幼稚嘅行為
對唔住呢份工佢請我我都唔做啊

動漫 = 動畫 + 漫畫 ，唔係動嘅漫畫
之前見人討論過動畫同卡通，最尾都係畫唔到條界

日本仔出=動畫
其他地方出=卡通

卡通同動漫有咩分別

卡通係動畫嚟, 動漫係動畫加漫畫

窮人同待富者既分別

明既就明

如果係動畫原作本身無漫畫又算唔算卡通？

簡單而言，卡通一詞強調表現風格 (Style)，而動漫一詞強調表現方式 (Anime , Comic / Manga)。如果意指相關次文化，則卡通或動漫一詞都可以使用，例如：他是一個＿＿愛好者，搜集了很多相關產品。

卡通為英語Cartoon的音譯，是指圖畫，包含各種非寫實風格以及超脫現實的圖畫藝術，或是故事連環畫和四幅一組的漫畫。卡通可以分成：政論漫畫、滑稽漫畫、科學漫畫、口袋漫畫和連環漫畫書。

由於卡通被改編製成動畫影片，因此衍生卡通動畫這個詞，係藉由動畫的技術在螢幕播送的影集。但是卡通因連載漫畫與早期的動畫電影之關係，而使「卡通」一詞新增動畫電影的意涵。

動漫
動畫 漫畫

卡通
得動畫一個意思

多啦a夢係卡通定動漫？

咁咩叫幼稚都係要佢自己介定嘅啫


見過唔少人都係夾硬嗰將一啲東西界定為幼稚，主要就係用嚟抬高自己/證明自己好成熟，反而你問佢自己做咗啲乜嘢令到自己覺得自己好成熟，佢哋又未必講得好清楚

原來講外國，
香港講開卡通都係動畫黎，
英文既卡通就可以both，
外國o個隻靜止畫，香港叫開四格漫畫。

所以香港既卡通同外國既cartoon使用習慣唔同。

界定

佢其實算唔算動漫
先有漫畫，後有動畫

以前細個叫開卡通片
係而家啲人簡化先冇咗個片字

西方用Cartoon都多數係講西方動畫，日本動畫叫番Anime
如果用黎講漫畫多數係講個風格多過講漫畫本身

咁佢又開模型店 賣動漫野
唔覺自己幼稚?

老夫子、hello Kitty 、米奇老鼠係咪動漫？

Anyway
我幾鍾意睇多啦a夢
人大咗覺得多啦a夢入面有份簡單嘅美好

動畫咪動畫+漫畫，不過多數ACGN全包
至於動畫同卡通定義上就真係無分別

唔知點解硬係有人會覺得話動畫係卡通就等於話動畫係幼稚
咁動畫/卡通呢個category咁闊，入面有d幼稚既都唔代表全部都幼稚姐

無分別
仲有電影同動畫有咩分別? 都係無分別

你應該反問佢黃子華同艦長有咩分別

如果你話動作電影, 同紀錄片
咁就有必要分類

講落又係wo

日本仔個d就叫動漫
迪迪尼就叫卡通

續，首先 animate 呢個字係賦予死物生命
所以animation應該泛指虛構製作(畫)出嚟會郁令你相信係真實嘅影片，拍攝現實人事物嘅影片就唔計
而animation嘅題材、風格、製作技術可以好闊，都好難劃條界去區別，所以

animation = 動畫 = cartoon = 卡通
comic = 漫畫
動漫 = 動畫 +漫畫 ，一個詞包晒費事煩

用動畫係咪由本身有套漫畫作品產生出嚟而決定叫動畫定動漫係冇意義，唔通EVA係動畫，巨人就係動漫？噉Nier動畫係咪叫動遊？
反而用係咪日本出品去分有啲意義，因為日本作品通常都有嗰堆特性

anime =日本動畫
manga = 日本漫畫

至於卡通係咪幼稚，如果將沙士比亞文學變成動畫，風格嚴肅，有冇人敢話佢幼稚？所以動畫只係個格式，幼唔幼稚係睇題材同表達手法，雖然日本動畫多數少年向，但亦包含唔少道理同社會隱喻，可謂比電視台啲肥皂劇更有深度