【科幻】《造個好夢》(2)

上回講到Ice簡單咁講解入侵對像係咩人！
一個叫李俊來嘅七十歲阿伯！腦部冇受損傷！又冇用過藥物同造夢服務！單單有一晚瞓著就唔識醒喇！
好人好姐點解會咁㗎呢？
Ice唔係要Link去救醒佢！而係要喺呢個阿伯嘅意識中搵把黃傘出嚟！
因為呢把黃傘裡面收埋咗對Ice好重要嘅嘢！
點解又會知呢？
因為派過人入去渣！但全部受精神污染！變做植物人！
咁大鑊？！
Link話而家就入去睇睇先喎！
有啲嚇到Ice喎～
咁Ice都想睇吓Link嘅料子啦～而且Link都有必要入去睇睇！
可以立即安排！不過時間就唔多！
一入到去！係Level 5！
果然係咁！
Link就要搵搵李俊來嘅意識喺邊！
越係完整...越係覺得...有啲奇怪...
當Link帶住好奇嘅心...行多兩步...行入一條完整嘅行人路！
『呢度係...』Link望望條街，『尖沙咀？』
人來人往...係尖沙咀...但係就唔多似係Link熟悉嘅尖沙咀...
擦身而過嘅行人...身上嘅衣著都...好老土？
都唔止係衣著...就連髮型都老土到唔敢梳出街！
男嘅係咁...女嘅都係咁！
仲要好有自信咁...好似覺得自己好潮咁...用啲好奇怪嘅目光打量住Link！
家陣你哋係動物園啲遊客定Link先係動物園啲動物？
Link打量住身邊嘅途人...唔覺唔覺就行咗出馬路...
“嗶嗶！！！”一架紅色的士就喺正Link身邊！
Link立即Say晒Sorry咁後退返上行人路！
“吼！吼～”望住架紅色的士絕塵而去！死氣喉仲要噴出黑煙！
係用柴油嘅的士？！
Link再望住眼前啲車輛駛過！好多都係用汽油發動！
竟然唔係電動車？仲係用汽油嘅年代？
咁講法...呢度係舊香港？！
跟住嘅劇情發展又會係點呢？



準備出文