咁屋企就變咗5口啦 其實佢走咗之後我仲覺得安樂咗 至少屋企唔會家嘈屋閉又闊落咗 雖然話離家出走但呢十幾年都有聯絡知佢未死 間唔時都有見過下面
咁最近呢幾年我老豆身體就變差 最近走埋
而十幾年嘅唔太見嘅家姐就好迷信 滿天神佛 講嘢低低BB 咁佢就多咗同老豆聯絡（咁我覺得好事嚟嘅多個人同老豆傾計無咁悶）
好 咁問題嚟啦 咁佢呢唔知係咪真係因為無讀埋中學定佢性格 佢講嘢成個mk妹咁 講嘢夾雜埋啲老母柒閪嘅話語 好鬼難頂
咁我老豆身體唔好啦 佢就話老豆前世欠債今世要還乜乜剩剩 （我真想d7佢係咁嘅時候仲講到好似老豆做錯時咁）咁佢就扮偉大 同咗佢個初戀男友（佢話個男人係初戀男友但我完全唔想知）就生咗件 話係幫老豆擋刧 （我真個係屌柒佢 ）自己完全無經濟能力要靠個男人養 仲要個男人搵唔得多 仲要生咗個真係cls
咁我老豆始終都走咗 隔咗半年到 佢就同我第二大嘅家姐講 佢比佢老公家暴又出去叫雞
我心諗自己攞嚟 佢成日同老豆講電話都話佢老公啲壞話 又蠢又廢 但佢係你搵㗎喎 （當初阿媽極反對 佢仲要話返阿媽轉頭）
（當初佢同佢老公簽紙個陣得我老豆阿媽同兩個家姐 我連去都無去）
咁佢就搬走啦 揀咗離我屋企好近嘅地方 個時我同兩個家姐都覺得實無好嘢 無啦啦揀咁遠嘅地方（因為佢個女讀緊嘅幼稚園都唔係我住個區）過咗唔夠1個月就話屋企隔離住咗個白卡 頂唔順 就搬哂啲嘢過嚟我屋企 初頭諗住過幾日搵其他其方搬 點知佢話要長住
對於一個10幾年都無點對過嘅人 霎時間我真係比唔到咩反應 最緊要我就無話語權 （我就最細嘅） 而已屋企人都睇住個細嘅份上都無話啲咩
但呢條友持住自己有個女 完全無比面阿媽 一啲都唔尊重佢 阿媽話開飯執檯（咁佢啲嘢就擺哂喺檯 日日飲完嘅啤酒）咁佢就講夠你擺到啲餸得啦 過程係完全當阿媽係臭四
終於到琴日 終於開波 咁佢唔知邊到攞咗個勁大床褥（佢而家瞓緊帆布床 仲要擺正門口）咁本身屋企人都勉強經過佢個床先出到門口 咁佢搬埋個床褥返嚟完全唔知jm9又唔用就咁擺咗喺客廳到到 搞到屋企人要跨過佢個帆布床先出到門口 我阿媽又年紀大出出入入勁辛苦 佢完完無諗過其他人嘅感受 咁琴日我喺間房就聽到阿媽同佢係到嘈 初時都唔想理 點知越哎越大聲 咁咪出房制止下囉
咁當時有我，阿媽，佢，佢個女同第二大家姐
出去個陣都嘈到面紅耳綠 咁我依稀仲記得啲內容
媽：你咁唔鍾意咪走囉
佢：呢到我我屋企 你叫老豆上嚟趕我走
我第二大家姐：而家你啲嘢擺哂喺到 阻住人呀 人道災難嚟呀
媽：就係你咁蠢呀 你老公先休你呀
佢:（喊哂口攞住個水樽撼自己個頭）係呀 我蠢呀 我去死囉
媽：你死 死遠啲呀
佢個女：（喊）
我：（食花生）（我最期待畫面出現了 最好快啲帶埋個女走）
之後我頂唔緊費時整到佢個女 就帶咗佢個女去我間房 之後嘈咗一輪静咗之後我先出返去 到最後佢都係無走到 我好失望 而佢坐咗係到玩手機（好似係王者榮耀） 而我最細嘅家姐就成為磨心 因為佢嗰時唔係到
到今日係屋企見到佢真係覺得尷 大家完全無講嘢
結論 一，窮人唔好生仔 二，有啲家人真係唔好成日見 仲要係窮親戚
