事源前幾日去左日本旅行,有一日想去清水寺睇日落,頂住人山人海逼左上山,好彩風景真係一流,仲要天朗氣清,真係不枉此行。
打算拎部相機影下相之際,聽到好熟悉嘅語言「廣東話」,人在異鄉見到同路人總會想望望會唔會撞到熟人。一回頭見到一個女仔擺緊pose比朋友影相,研究緊點影嘅佢地笑得好開心,而您嘅笑容真係瞬間吸引嘅我嘅注意力,真係笑得好靚好真摯,我都忍唔住影左張相,可惜炒曬粉,到宜家都好後悔無去問你可唔可以再比我影一張就走左。
然後我就繼續係周圍影下相,但您嘅笑容依舊係我腦海中揮之不去,都有見到你同朋友係仁王門影相,但我都只係繼續行程就直接入左寺影日落了。
話說清水寺人多都要去睇一睇日落,都真係幾治癒,值得嘅。
有時幸福就係黎得甘突然,突然到你根本反應唔切。係走嘅時候,心血來潮,原本唔多中意買手信嘅我,都行左幾間,直至到去到一間賣抹茶產品(好似係,見到你果刻我心中已經亂到七彩),我一入到去抬頭就見到你單獨買完野比完錢出黎,同你對望左眼。由第一眼見到你果下已經有無數嘅幻想,再見到面一定要主動同你講句野可唔可以做個朋友。只係到左呢瞬間我腦海中卻只剩下空白一片,呆呆甘望住左你,到反應過黎嘅時候,你已經離開了。
我係間鋪頭到踱步左一陣,決定追出去搵你,然而當我見到你嘅背影時候,我卻唔知道點可以再主動同你講野。係最後嘅轉角,你地要番轉頭時,原諒我係你朋友差啲跌倒時本能地彈開左無去扶佢,我哋就此一別。
係番香港之前我都仲有幻想過會唔會再撞到,當然最終都只係幻想。「上世五百次回眸,才修得今世一次擦肩而過」,人生會遇到好多人,都好現實,好難會再遇到同一個人,發呢篇文只係圓下我嘅念想。
如果真係甘有幸,你睇到呢個post,希望你唔會覺得反感,同埋繼續充滿笑容去過每一日。
附上TG,如果你對我都有啲印象,亦都唔介意做個朋友傾下計嘅,可以聯絡我,多謝
https://t.me/kyoto199990