頂盡都係5,6枝蠟燭一齊點
之後好大火就已經淆底 吹熄佢
小五嗰年中秋同左隔離班d人去籃球場玩
之後有班中學生過左黎
佢地一開波已經好嘈 係咁講粗口
當年仲係小五嘅我 已經覺得佢哋班人好恐怖
之後忽然傳左幾下爆炸聲
原來班癲佬扔火機落去
就係咁砰 砰 砰咁爆
跟手其中一個攞住罐台灣菠蘿啤話要倒落去
之後就越搞越大火
再有其中一條癲佬攞住罐噴漆定唔知咩野
總之一向火噴就成條火柱咁出黎
媽啊 好恐怖
跟手有個看更攞左滅火筒黎噴熄佢
原來話上面有人見到好大火 同有爆炸聲
就打黎投訴
心諗 終於完啦 可以放心玩
點知個看更一走左
班癲佬就爬上去籃球架上面
重攞住人地阿伯塊大木棋盤
墊住係個籃球架上面燒
一開始已經點火 噴野 又搞到勁大火
之後又倒酒又唔知加咩
最後真係勁大火 我同另一個fd覺得唔對路
就話快d走啦
終於就番左屋企
到左聽日落返球場
半塊籃板燒爛左
背面已經係爛曬 前面都燻黑曬
