【十月新番】香格里拉．開拓異境〜糞作獵手挑戰神作〜

個嘴唇麻麻

呢個真係全世界知名嘅Pkmon都市傳說

最出名係而家重玩緊嘅魔獸世界
場場大raid都40-50人打
攻人城成百人以上都有

無玩魔獸世界 所以係咪打raid或者打攻城戰會有特殊劇情/稱號/物品之類?

今集由其他玩家反應就知 如果掌握到特殊劇情
係會俾其他玩家追住嚟問 係會有玩家守住重生點伏擊

以呢家網上生態嚟諗 俾人響現實世界針對/騷擾都有可能

你都真係未見過美國佬打機
一唔gur衝去人地屋企辣低對家嘅新聞都見過

同埋打大型副本出稀有裝都常有
分配裝備呢啲都成日出事

再加之前魔獸出左個bug可以傳染
俾傳染病學家攞去研究現實嘅傳染病傳播鏈
加得罪全世界嘅
真係會俾成村人伏你重新點玩無限pk 玩到你死

個人覺得重生點/城市唔係安全位呢個設計真係有啲ON9

已經得咗個結論 就係有人未玩過啲極高內容嘅game 所以覺得香格裡拉做唔到

魔獸世界係大至坐騎 細至小玩具 都係有海量嘅數量畀你拎 小玩具係指 撳一撳可能將你個人變色3秒 或者你會做一做個小動作 嗰種無聊道具 數量係有極多 可能要打稀有怪 可能喺啲好神秘嘅地方拎 可能要做少少任務 而數量係多到足夠你玩幾年 都可能仲未拎曬 因為佢會一直出新嘢

如果想講返近年嘅game嘅話 就似柏德之門3 又係啲支線多到 隻game你玩一年可能都未玩齊曬所有劇情

所以 香格裡拉 佢只係出得一年 有好多嘢未發掘到我覺得係好正常

有女主就開始好睇了

我記得通常係一改版 出新patch就有一堆人去沖啲稱號 咩伺服器首殺嗰啲 （ 講緊副本） 攻城又好似冇 係通常2v2/3v3/5v5嘅pvp 會有成就/稱號可以衝， 特殊劇情呢就應該 喺世界地圖搵出嚟嗰啲支線劇情 不過通常都係送啲玩具， 勁嘅裝一定要係打多人副本 （ 當年魔獸出咗五年左右嘅資訊

魔獸係會畀敵對陣型守屍 但因為兩方陣型喺遊戲傾唔到計 所以好少將衝突延伸到現實? 台灣伺服器係咁我唔知美國嗰啲點

所以之後衍生咗g團 裝備拍賣形式分配 然後 如果冇錢嘅話可以入去乜嘢裝備都唔要 齋分錢

唔想睇小劇場淨係想睇多啲劇情

為左留返下集咁樣用無關痛癢既小劇場黎塞時間好低手

你留意番個時長
正片對比其他動畫冇短到架

隻兔真係npc嚟？

天堂 笑鳩你



引龍或引成堆蟻 蝎入新手村 屠村

你都識講依啲係小玩具無聊道具喇，一嚟開發成本低，二嚟多玩家拎得到

依套嘢係講緊一大段隱藏劇情全game得一個人玩到，入面有城鎮地圖有npc有boss有獨特道具
你拎兩者嚟比

不過算喇，你哋覺得合理就合理喇，所謂神作就係開發團隊不計成本淨係服侍主角一個，咁先方便讀者代入主角打飛機

全game得一個人玩到呢樣的確係唔現實
萬一嗰個人觸發完任務就棄game
咁就永遠冇人玩到
嘥晒開發成本
不過呢套野係講緊未來世界
用ai不斷gen 特別劇情比每一個玩家都唔係冇可能做到
第一集亦都有server 房鏡頭 唔知暗示啲咩

你get唔到我嘅重點呀，我嘅意思係一個game有人可以花好多心思去整咁多無聊冇用嘅支線， 咁點解又唔比另一個game係比好多心機去整一個隱藏boss呢？ Open mind! 唔係現實中你想像唔到嘅嘢等於冇可能發生，只係你未見識過

不過算啦，你覺得唔合理就唔合理啦， 井底之蛙嘅人不嬲都覺得自己個世界好大，井之外嘅嘢都係超現實， 所謂現實就係應該往利益去諗，唔應該去做一啲冇收穫嘅嘢， 冇錢點食飯呀，夢想？ 去打飛機算啦

又唔係有quota
點解會覺得條友棄game就無人會玩到
當玩elden ring初見玩到晒啲支線就得

因為現實有成本限制囉
無論你點Open mind，遊戲公司蝕錢執咗隻game就所有人都冇得玩喇

照你咁講 佢而家setting喺呢個game最hit喎 擺明唔會蝕錢 咁係咪即係合理返？可以投放好多無謂錢去整啲好難搵嘅隱藏boss？ maybe係其中一個設計人員嘅私心？况且而家套嘢都仲未做曬 做得嗰頭幾集 大把嘢都仲未講都唔知有咩係呢個方向好討論

因為設定隻game係最hit，唔會蝕錢，所以隻game嘅設定係合理
以上係循環論證

現實就係咁做賺唔到錢
如果你係遊戲製作人，你同投資者你想整段隱藏劇情全game得一兩個人玩到，你估班投資者會唔會繼續課水畀你

佢就好似覺得一隻GAME唔好玩
但係全世界爆紅，佢就屌啲人點解要去玩
覺得全世界都係痴線佬所以隻GAME先會爆紅