松鼠幼犬一瞓醒就咳

接咗隻狗仔返嚟兩個星期
我哋留意到佢每次一瞓醒就會咳 好似逆向打乞嗤咁
我哋已經識咗冷氣 保持室溫25至26度
但係佢有時都仲係好似會咳到扯蝦氣喘咁
有冇人試過咁嘅情況
好擔心

帶過去睇獸醫 獸醫話佢冇乜事
的確佢係食得瞓得玩得屙得
獸醫聽佢條氣管都冇乜嘢
精神過我

但每一次一聽到佢好辛苦咁樣咳我就好擔心
有冇人有經驗分享吓

睇第二個啦，同埋拍片俾醫生睇

佢係乾咳定點？
我屋企隻bb之前接完番黎都係咳得好勁 佢係好多痰咁
後尾話肺炎 聞左幾日藥就冇事
同意樓上話錄片俾醫生睇 因為就咁聽可能唔知咩事

有錄片
第一次睇醫生就話應該係敏感
之後前2日我忍唔住
決定再睇多次醫生 （同一個
照埋x ray
就見到個肺有少少花 多痰
似細菌感染 = 好似人感冒咁

呢幾日食緊抗生素 抗敏感藥 化痰藥
情況好左少少 但都仲有咳 有待觀察

咁同我狗仔差唔多情況 係咪舖頭買？
可能食哂啲藥再睇睇佢情況
如果都係唔得可以轉醫生睇吓
聞霧化藥會好得快 不過比較貴

睇多個醫生喇 祝狗狗早日康復

係舖頭買的
我懷疑自己even開25度冷氣比佢都太凍所以凍親

謝謝你既資訊🤣🤣 下星期覆診再睇下點

我屋企兩隻都係舖頭買
兩隻細個都係番屋企過幾日開始咳
所以我諗都有機會係傳染番黎 始終舖頭多狗又污糟
知你一定好擔心 希望狗仔快啲好番！

擔心到夜晚訓唔太到 長期開住個cam望住

新手爸媽勁擔心

狗仔呢幾日點啊