一千萬左右買廣播道好定sea to sky海景？

廣播道除左電視台搬走晒外,居住環境幾十年都冇變過;可見將來都唔會大變。
如果唔玩會所, 住九龍中部去邊都好方便。
樓齡問題, 價格已經反映左。

使撚行咩 樂富有接駁車

個頭游水（唔係打卡）附近大把標準泳池，去九龍公園都唔遠

近黃大仙油尖旺同康城比

廣播道我見有啲單位係一個廢老連工人住1000尺

得1千萬買唔起佢住嗰啲

本身冇車呀
但係個單位連車位
我放個車位出去？

咁咪索性唔好住

接駁車照早9點去到夜晚八點幾

有睇過 唔係好鍾意

會爆玻璃

800萬買康城領都山景
多左個200萬慢慢用，或者去買個車位

介紹下廣播道嘅優點。利申住咗差不多三十幾年嘅老街坊，十二歲住到而家四十幾歲，唔介意你話我係廣播道打手。

揸車:
位於巿區兩條主要幹線交界，龍翔道東往觀塘，西往荃灣以至大西北; 獅隧經吐露港往北區，向南經公主道過海，如果唔塞車香港大部分地方可以喺半小時內去到 (去機場半粒鐘，大西北45分鐘內)。大部份單位連車位，泊車慳返筆，就算要租車位巿價都係二千幾，有價有巿。

公共交通:
揸車同搭公共交通工具完全無衝突，除非你一個人住又或者屋企每人一車。步行15分鐘除咗可以去到樂富站之外，仲可以行到去另一個更加重要嘅站: 九龍塘站。九龍塘站又係一個主要轉車站，尤其是會展站開咗，沿東鐵線過海唔駛三個字。

我知未必人人願意花15分鐘行路去地鐵站，尤其是大熱天時，未出街先出汗嘅日子。呢度有綠van直達上述兩個地鐵站(去九龍塘站班次會比較密)，住得廣播道都唔應該介意俾幾蚊坐車啦。真係介意嘅話正如樓上有師兄講到有免費穿巴去樂富站，由0900至2040每廿分鐘一班，好易就時間。

唔鍾意坐地鐵？有綠van去紅磡，有208巴士去油尖旺，行兩步去聯合道浸會同埋窩打老道有更多巴士選擇前往各區。

環境:
幽靜，除非面向龍翔道嗰邊。

附近購物地點:
高階啲有又一城，平民啲有樂富商場。呢幾年領展嘅商場的確係越來越唔平民，唔介意遠小小可以坐兩三個站巴士去九龍城。

休憩:
廣播道有兩個細公園，隔條街有聯合道公園，去到樂富有摩士，照顧到不同需要。

睇病:
小病去樂富有醫生睇，急病浸會醫院就喺隔離。

其他優點:
無水浸，無山泥傾瀉。幾年前山竹嚟到無事，上幾個禮拜黑雨無事 (出面窩打老道變咗窩打老河，龍翔道更加唔駛講大家都知咩環境)，停車場浸咗幾厘米無影響。

咁缺點呢？
好多人都講咗，樓齡大囉。不過是正實用喎，同樣700呎樓，呢度差不多俾足你，而家啲新樓會計埋好多你未必有機會用到嘅公家地方喎，話700實際連500都未必有。呢度係有少量新樓嘅，不過一千萬筆直就唔駛諗㗎喇。

廣播道呢啲舊樓因為校網好之餘又有豪宅區呢個光環，對部份名校嚟講確實係加分嘅，所以一直深受有學前兒童嘅家庭歡迎，樓價亦因而企得比較硬。但係到咗現在，除咗大家都知嘅經濟因素之外，出生率一直創新低都對呢度產生影響，連根德園都要執粒就知道有幾大鑊啦，我實在諗唔到呢度仲有乜嘢升值嘅理由。我認同樓上所講呢度租好過買，舊錢留嚟搵其他投資機會仲好。不過呢度舊樓唔好住頂層，無𨋢到要行多一層㗎。

廣播道環境清幽舒服得嚟交通又便利，優點遠多於缺點，住過真係好難返轉頭。話畢架山道好啲嘅人睇過上次黑雨嗰條片未？我真係笑而不語。

晉海啦，一係就最新果幾期，起碼仲可以博下執漏

康城咁多盤，個市又跌緊，

入手小心啲，好多水位

啲單位有啲大都唔平

唔該師兄好詳細
有冇sea to sky 住戶可以打篇嘢出嚟比較吓？

梗係廣播道 九龍塘區
D女聽到你住九龍塘都濕晒

住將軍澳一聽知你係窮撚

移民好

住廣播道，鍾意炫耀嘅可以話自己住九龍塘，無錯呃蝦條一流。喜歡低調嘅亦可以話自己住樂富附近，進可攻退可守。