想學下點樣開鎖， 有冇連登仔推介下邊度課程抵啲同埋快上手啲

想有一技之長傍身我就揀咗開鎖
水電我就怕污糟同嘅危險
剪頭髮我就唔係好想
我對開鎖有興趣，覺得開鎖外國都有得做， 但一定冇水電咁吃香

香港500蚊開一單， 唔知去到英國會唔會500磅一單

巴打你打算自學

我學過 攞埋張cert

咁勁，難唔難學？？

曾經都有諗過走去工聯會鎖匠班
點不知分左好幾個課程
圍到黎都唔野少
最後都係慳返

老實講，如果唔係真係想做專業開鎖佬，唔洗去學，因為如果你係一個新手初哥第一次報一定係新手班，教你開市面一般常見同簡單開個啲鎖，例如信箱鎖，十字鎖等等，學完先知其實呢啲鎖係好簡單就可以開到，甚至有啲係求其懟支野入去撩2下自己就會開到，進階少少就係挑下珠仔自己就開到，真係唔難，你有工具自己自學都可以。

學完基礎想學開進階個啲鎖，例如電腦鎖個啲又要報佢個課程，開鎖其實唔難，如果你有啱既工具係可以幫到你快啲開到把鎖，好既工具又要自己比錢買，外國開鎖又唔同玩法，外國用開啲鎖同香港既鎖又會有唔同，你又要自己花時間去練點開。

lockpickinglawyer

學汽車開鎖配匙，一定搵到食

佢果set工具開啲廢鎖
望落真係簡單到牙婆都開到一撩就開

但自學嘅話冇證書難啲搵食， 聽你咁樣描述真係唔難學， 我會去試下多謝你

汽車鎖同 一般門鎖分別很大？

主要係你要識電腦配匙，同讀code解鎖

咁係咪要讀少少it成份嘅東西

Little click on one, nothing on two…..

係要有路搵到份腦同授權，應該唔係淘寶可以搵到。香港上門幫人配匙解鎖果幾間，做到無停手就知搵到食

配一條匙，坐底三四千，貴車，新車另計。

好似幾有趣

有趣你又 撳 推文不回覆，見到你啦

其實我思考緊呢開鎖可能係夕陽行業，因為而家好多鎖都轉曬做it嗰啲電子鎖， 但其實諗深一層又唔係， 電子鎖都要開鎖㗎嘛所以而家個就係傳統嘅鎖要識之餘仲有電子鎖都要識埋

做過5年鎖
我話你知夕陽行業
依家指紋鎖太多，匙都唔洗，洗鬼搵人開
同樣道理，安全理由，新鎖好少自己鎖
多數要你用鎖匙上鎖先會鎖
除非你響街跌咗，就算跌居
仲有除非你獨居
無帶匙咪等屋企人回來
到於壞鎖，一係裝工出錯/你買太cheap
一把鎖用十年八年都無問題

多謝分享巴打

一齊出去學？

比返個鎖人