點解大廈天台要整個警鐘門唔俾人上？

大部份嘅大廈天台都裝咗警鐘門推出去就會響
又會裝埋閉路電視影住
天台風景咁靚又好風點解唔可以俾人上去享受下🤧
整道門鎖咗佢真係浪費晒
想跳樓嘅人係屋企都可以跳唔一定要走上去
加上有圍欄
就算係火燭情況都有打破玻璃報警嗰個掣可以報警
就咁整個開得嘅防火門都得
諗唔到有咩安全理由唔俾人上去吹下風睇吓風景
點解要浪費咗個天台

驚人跳樓？

開得嘅防火門

而家呢度咪開得嘅防火門會響咁解，如果唔開得你 PM 我搵人過嚟出消除火警危險通知書

會有唔係住客，白撞上天台睇風景，要看更趕返佢哋落嚟

就係驚你地呢d平民呀豬呀狗都上黎睇風景

賣個複式單位連天台比人仲好

正常有得推巴門嘅天台都唔係有個別業主業權嘅地方（連天台）
如果唔欄一欄啲友仔擅自走上去
就算唔係跳樓
喺天台範圍整親跌親都有機會責任歸咎於物業管理 / 法團

推門響鐘嘅就係設計上天台只係緊急用途例如避火層
非緊急下推門自己走上去自己有咩發生就唔係設計失誤
不屬於物管公司 / 法團責任

點解人地要比你享受

自己住嗰度個景幾靚
以前都有上過去因為以前天台啲防火門爛晒
只係用繩綁住可以解開個結 有啲又爆咗玻璃可以爬
但係近排管理處換晒啲新嘅門會響
天台走廊又新裝咗幾部CCTV影住晒
以後都冇得再上去🥲🥲

咁係咪就算喺地下大堂或者每一層走廊等lift仆街都可以歸咎法團😂
自己發生意外唔係自己負責嘅咩

其實係
所以啲周圍啲小心地滑標示就係要嚟避責
有證據證明到係發展商設計上失誤 / 物管公司管理問題以致受傷
無任何相關標示，正常使用下受傷係告得

而好多屋苑天台只係緊急用途
非正常使用下有咩事一般唔會上身
但如果可以隨時自出自入就係設計上問題
管理公司有責任避免非正常使用嘅情況
例子係見人爬緊出去係有責任制止
如果一棟大廈無任何標示
天台直接行到出去自出自入無任何alarm
無任何危險呀小心攀爬呀之類告示
除非係三無大廈，如果唔係發生事好大機會告得入

工作上有嘢成日要同啲物管經理呀project manager夾
佢地物管角度其實好大部份只係避責
就算真係玩空中飛人標示足夠保障自己就得
例如請勿攀爬，但唔會見會有防止自殺會電話貼出嚟或者貼珍惜生命
因為設計上目的就唔係玩空中飛人
而設計上失誤 / 物管公司管理問題而發生問題係有機會坐監

天台啲防漏膜喎想你整爛，行得多，垃圾多好快壞

大陸大廈天台連曬被曬衫設備都整埋俾人用,又唔見有治安衛生問題

大陸本身嘅問題都唔係問題

因為d人會喺天台打波
D波飛晒落街

其實樓主知唔知連登唔應該用emoji

點解唔可以開放天台俾人上去 然後周圍貼晒請勿攀爬😂

懶得搵呢啲emoji

試過我天台開門響警鐘 之後同frd 好撚驚咁分幾層lift 走 嚇到癩屎

因為上面好多機房，又係逃生路線

一響會有保安上去check 咩事，

通常有埋cctv

因為直接唔開放天台對管理者黎講更簡單更低成本