入嚟講吓你係點同初戀一齊

咁你應該係幾靚
佢呃你啫，唔代表所有人都淨係想搵sp
唔好咁輕易同人瞓咗先，至少拍咗拖先瞓
祝你早日放下，畀啲信心自己

井多少少

試過呢種感覺都夠回味一世

初戀真係完全唔記得點一齊
淨係記得一齊玩
玩玩下就一齊左
btw 興幸係我地仍然做到朋友
久唔久會食飯
係真心當對方係朋友果種
so far 得同佢ex 做到
無打友誼波，唔洗問

睇曬
好sweet
呢啲真係要讀緊書先會遇到


利申:a0

睇嚟你哋有冇一齊過，都係會做到對方好朋友嗰種
你哋現任介唔介意？

都係啲朋友推波助瀾先遇到
祝你早日遇到

我而家無現任，有果陣，就真係唔同人有唔同反應
試過有一次佢失戀打嚟，晨早流流，之前條女仲瞓係我隔離問邊個咁早搵我
我好老實話初戀失戀，約我食飯傾謁
佢無乜問題，叫我朋友有事去左先
我諗都係互信嘅
咁有時我好sad 都會搵佢食飯
講真，條關係都過左十幾年
而我都發覺咁先係最好
人大了覺得搞野好易，long term friend 先最難keep

同班咗成年冇講過野 後尾佢講返原來一路暗戀我
第2年又再同班 佢朋友同我朋友拍拖 變左四個一齊玩 終於有機會講野就順理成章一齊咗
但中學生拍拖好快分咗手 不過後尾傾返計做返朋友到依家
感恩我地依家可以用另一種方式陪大家成長 一路關心對方
諗返起都係一段好青春好開心既回憶 慶幸有一個咁好既初戀

唔表白直接出手，仲要結埋婚
恭喜你地

覺得成世人可以有機會經歷一次呢啲野 其實真係好好彩屌你樓豬夜麻麻開個咁嘅po 搞到諗返起之前啲野

你之前條女好大量，好講道理
好似兩個ex性格都幾好

你哋會寧願做好朋友，而唔做情侶
係咪因為冇愛情嘅感覺？

差啲睇錯第2年佢同你朋友拍拖
聽落好幸運，有好嘅初戀有開心回憶，仲一直做到朋友

sorry, 拉埋你落水
我睇完你句一望住佢就忍唔住甜笑
就忍唔住諗起類似嘅畫面，尤其是佢怕羞個樣

不過佢後尾真係同過我既朋友拍拖 但我見到佢拍拖都戥佢開心
佢比純朋友又多返少少野 但又唔係戀愛既感覺 總之佢有一個好特別既位置
佢仲識晒我啲朋友 我啲朋友都同佢frd埋 個個都讚佢人品好又靚仔所以真係好幸運 初戀唔係啲不堪回首既人

望望望望望望望望然後唔知點解就一齊左

我係偷望佢望到忍唔住甜笑，之後佢又會望返過嚟對住我笑，跟住就兩條友隔住半個班房笑到成個白卡咁喺到互望嗰時仲未一齊，不過都已經覺得好sweet

都成10年前用we7玩漂流瓶 個陣用和尚icon鳩打句經文
佢又覆番我下一句 之後大家鳩up就識左
仲記得第一次傾電話佢以為我係仔黎 好搞笑

其實無話寧願什麽而選擇什麽
當初細個我嫌初戀蠢，唔明白我所以分開
可能好仆街咁講，我係無後悔的
反而好似啱啱提過（當時瞓係我隔離嘅ex)，我就寧願我地係一輩子朋友
佢都影響左我好多
甚至當我出現中年危機，因爲曾失去過佢，我都做過好多傻事（仲差啲閃婚）
回頭一看，如果係真係最愛，失去左之後，會寧願當初只做朋友
起碼，都可以名正言順傾下謁，食下飯，關心下
講明：災星另計，會寧願無識過

IG dm識
利申：我同佢係冇共同朋友嘅

男朋友話係一見鍾情，之後返學相處咗一段時間之後表白。
一開始我仲未對佢有feel，佢都落力追咗我大半年又叫我啲fd約我一齊出街為咗見我，又同我日日send sms同半夜煲電話粥，個陣個個月俾老母屌電話費貴雖然話係追咗半年，但其實佢咁認真追我一早就沉咗船，所以中間好多時間都係曖昧更多第一次拖手仔隻手僵硬咗唔識拖實，只係捉住，緊張到聽到自己心跳聲。但男朋友話佢個刻只係覺得點解我隻手成個小朋友咁細
中一相識，大家都係對方初戀，到依家都11年嚕，每次我地傾返個段曖昧時期都仲係會feel到當初心動既感覺，好懷念大家都咁純。唔知第一個有冇幸係最後一個，但佔咗我半個人生同成個青春既人都唔會再有第二個。
一講起呢啲就好愛男朋友多謝你愛我

咁你都好好，會戥佢開心

你哋互相都擁有對方呢個咁信得過嘅朋友