有冇人屋企經歷過家道中落？由有錢/中產變做窮撚

以前好多廠佬，無上市都轉到營

原來如此
呢個就真係冇得考究了
阿爺老人癡呆左好耐
我阿爸係佢個輩最大都唔知道
只知道傳聞鋪位係深水埗
可能係住附近掛

我就係咁 本身都唔算話好有錢，不過都叫中產以上。細個嗰陣司機出入，禮拜一至四住九龍apartment放假住新界house，不過08金融風暴加上屋企離婚就變咗窮L其實又冇乜大感覺，純粹好多濕碎嘢變咗要自己做，同埋大洗慣咗好易洗過龍

以前睇邊樣好食就食邊樣
依家睇邊樣易飽就叫嗰樣

呀爺個老豆做中醫
呀爺細個屋企有工人 有奶媽
然後打仗 呀爺去當兵 全家失散
打完日本仔就比共產黨追殺 走佬黎香港
聽講全家死剩佢同一個兄弟
之後香港做左公務員 好似係文職黎
好少聽佢講身細 大左識歷史先知點解
不過都係呀爺既事 我既視角已經係公屋出身

細個住間屋三房大廳 （應該算中產？）
後來老豆唔生性 做生意俾人呃仲賣埋層樓還錢
搞到後來要租屋 仲成日要搬嚟搬去
最低潮試過要問親戚借錢先有錢過年

溥儀？

原本都唔知
因為佢哋d墓全部都葬左翻去大陸
係前幾年新年家庭聚會先聽阿嫲講
我同我堂大哥聽到呆曬
三十幾歲人先知自己家世都幾搞笑

大白兔糖個老細都係咁

都幾cctvb劇情
本身屋企都算ok
老豆最顛峰好似有七至八間分店
我出世之後
老豆生意開始衰落
後尾破埋產

同埋因為我係意外懷孕
老母一直想落咗我
係我老豆堅持話要
所以成日覺得老母因為咁遷怒於我
由細比佢打到大鬧到大
亦都試過好多好誇張嘅嘢

不過都好
至少唔洗經歷有錢變無錢嘅階段

走數可以走到台灣首富收皮 實力幾勁下

曾經係清朝既正黃旗，但比共產黨鬥到地都冇埋

所以中國退步左2000年
起碼要2000年後先有機會追到

你老豆嗰時有冇將做生意賺返嚟嘅錢，揼落一啲安全穩定少少嘅投資？

呀爺以前香港做醫生
有大屋
文革批死左，家道中落
間大屋變賣左養家搞生意，但收曬皮
去到我老豆已經變左個地盤佬住公屋
但老豆好愛國，我睇唔透到底咩心態
結果黎講，我出世個陣已經好窮，所以都冇咩感覺

咁汪精衛都有人平反，漢唔漢奸就無人知，只可以話文革比人鬥死係事實，而原因係點，就點都比到個你。

阿公都走左10幾年，只不過講到家道中落就想起佢，因為阿公用好古怪手勢渣筷子，原來因為細個有人喂飯食，大左連筷子都唔識渣(屋企人講)唔知原因堅定流。當然佢中晚年都算OK好似10萬蚊內買到樓，屋又唔係大不過都夠養成家不過因為共產黨無晒所有野落黎都算家道中落

阿嫲同阿爺以前係上海勁有錢人家
辦洋行
阿嫲仲要係混血兒，半個法國人
有錢到洗頭師傅日日上門幫你洗頭set頭嗰種
結婚嗰陣法租界日租界都有高官去參加
文革嘅時候嫲嫲嘅二哥嚟香港
另外一個大哥去咗台灣，任民國政府財政部副部長

走左既就仲好富貴
但嫲嫲同佢老公走得太慢俾人抄咗家
唔使講又係文革俾人批鬥
阿爺俾人捉走咗從此音訊全無
上海淮海路間大洋房而家喺上海市政府用來做辦公室

嫲嫲同爸爸俾人趕去農村養雞養豬
後尾爸爸香港個舅父透過港英政府啲關係先搞到爸爸出嚟香港，再白手起家

咁我爸爸都好勁，90年代有樓有鋪身家過億
點知同媽媽意外身亡
財產俾佢合夥人食晒
搞到我同嫲嫲要住唐樓

到我呢一代又再白手起家囉

講真覺得嫲嫲好慘
千金大小姐跌落農村
好唔容易個仔賺到錢做返闊太
跟住又變返做貧窮老人，仲要照顧個孫女

Share幾張我嫲嫲同佢哥哥細個影嘅相

我老母本來同個有錢佬一齊之後我老豆溝咗我老母咁就同個有錢佬離埋婚分到一半身家加一層樓
仲有未計三個同母異父嘅家姐嘅贍養費

個陣我老豆喺九十年代都搵到成三萬幾蚊一個月又買咗幾層樓
喺我出世前兩年佢兩個唔知搞咩生意撞正97年同03年玩到賣樓還錢
我老豆喺03年個陣話樓價仲有得跌所以唔入市
等下等下就一家六口加我呀嫲住間二百幾呎嘅公屋
我老母又唔知喺邊度差人錢還債還到我升中學先還完

我本來自己有間大房去到瞓覺都要同人逼住瞓個種打擊我呢世都記得
所以我一讀完書就自己一個搬出嚟住

真

果個年代大陸死亡率幾高 只係人口基數大

多謝分享

終於見到d有相佐證既真人真事