係咪應該送狗狗最後一程

我唔會
雖然佢辛苦 但佢好可能都係想見你多一日得一日

唔知伯母已經走咗一時口快，同你/在天伯母講聲sorry

的確所有生命都有終結，但我覺得係幾時終結唔應該由人話事
唔知伯母當時情況，不過我識人喺病床戰至最後一刻，用盡自己時間
過程對佢同家人都係辛苦，但係多日就係一日，係佢嘅權利
除非當事人自己放棄，如果唔係一個生命去留唔應該由其他人代佢決定

今日送埋狗狗最後一程(火化)
希望我走左之後能夠係另一邊見到佢

送啦
唔送一定後悔

我隻狗狗都前兩日走左 今日屋企出現左蜻蜓
喊到我仆街

我隻貓貓前日走左，因為好突然，我地一直諗有冇咩做唔好，點解唔知佢病。最後再見醫生，推測佢有癌症啲野，但佢一直指數好好，得一個指數差同唔係好勁病徵，唔洗佢慢慢瘦又唔洗望住我地擔心佢，就開心好多。如果話想為佢做好多野，一定會好多，冤自己冇做更多。但調轉諗，佢有家人，有人錫，已經好好。你隻狗狗相信都仲想陪你多啲，你同佢影多啲相，煮多啲好味嘅野比佢食啦。

隻狗前幾日走左，佢陪左我地屋企同埋其他狗仔接近15年。諗返起佢以前天真可愛，成日陪係我地身邊，同另一隻狗玩得好開心，而近呢幾個月小大便都去唔到廁所，變到好瘦又弓起條腰，最後幾日直程野都唔食，去到最後果幾十分鐘，個眼神悲傷到不得了，冇曬生氣，佢好似都知道自己會上天堂，我地喊到停唔到

希望你係另一面永遠幸福快樂，未來另一邊見

巴打加油
即使過左幾個月
隻狗臨走個陣既身影都係揮之不去
努力撐住

寵物開始變瘦唔肯食野
已經係重病既開始
上年我隻貓都老死左(21,22歲)
臨走前仲長叫左聲

佢係突然咁 走前一個月啲血指數仲好靚仔，係得發炎指數高，個陣醫生都係叫半年後睇返指數，點知唔洗一星期就咁。佢都唔係好老，因為係領養，頂盡都係8-9歲大家都諗住會佢10幾歲，點估到咁。依家都就走左3個月，成家仲好怪住佢，仲未敢養貓佢臨走前一日住院，一黎到我地叫佢，佢即應雖然唔長命，但我都好自豪比到個屋企佢，佢伙食命好好過我

領養唔知佢幾歲個陣話一歲

次次訓醒都諗起佢，冇乜心機做野，另一隻狗都好老後腳癱癱地，約左下星期睇獸醫，而加唯有盡力做好d唔好再後悔