最後都係忍唔住去咗百老匯試完就買啦
因為太耐冇用耳機，諗住極興奮嘅心情用到佢壞
但用咗一個星期唔夠，就已經發現中哂伏
播播下歌會中斷咗1,2秒，
唔係大問題，但係好谷鳩氣
好無奈，買新耳機為咗開心
唔明點解我咁谷嘅試下聽聽下歌比外在因素中斷，仲要每日平均有5,6次嘅頻率
打畀職員講我嘅情況， 佢叫我熄咗“彈性音效控制”同“說話至聊天”嘅功能，如果都唔得就reset 耳機。
好啦新功能唔比用好反智但我照做啦，但問題都仲有。
係好小嘅問題，但真係好影響我聽歌嘅心情
再打返比客服講仲有呢個問題
佢叫我去客戶服務中心整，喺九龍觀塘駿業街58號電訊數碼大樓8樓01室。但我住大西北，車程來回時間成本都3個鐘都算啦，我住得遠啫，但以前客服喺灣仔，得sony產品嘅售後服務要應付，但呢家TSO客戶服務中心，服務嘅對象有Alcatel,Honor,Lenovo, Motorola, LG, Nokia, Playstation, Samsung, Sony, Sony Imaging pro support, TCL,電訊數碼,仲有apple，要應付咁多間公司嘅客戶，令等嘅時間拉長，等咗成大半個鐘。
一直冇時間出去整個耳機，就發現耳機有更多問題
令我頂唔順出去整
Sony wf-1000xm5 有個saling point係可以連接2個裝置
正常情況下，我連嘅2個裝置得輸出聲音個裝置，先會令耳機出聲
但我多次發生以下情境
情境：耳機連接咗macbook 和手機
耳機播出從手機輸入音樂持續5秒左右後，喺冇任何操作情況，突然停咗播放音樂，我check返sony耳機app係咩問題時，顯示macbook輸出聲音。呢個情況無論macbook係睡眠狀態甚至閒置狀態都會發生， 音樂持續5秒左右後，macbook 或手機輸出音樂都多次會令耳機沒有輸出音樂，顯示另一裝置播放，但事實冇掂過野
（同職員講呢個問題，佢都話第一次聽）
佢問我耳機仲有冇電量問題
咪記得返有次左邊耳機76%右耳有82%，講埋比佢聽，Mark喺report度
講埋個耳機有陣Touch control 冇反應
最後我個report 寫到滿
交咗貨比佢地check，講哂耳機嘅問題諗住整好之後順豐比我啦，唔使返去觀塘，但都冇囉(可能因為外判咗比TSO就一定要d客返去簽收)
好啦，終於等咗7日。可以攞返耳機了，總成本坐車3h+等叫飛30min+官方價。大家都買新嘅耳機，我先要付出多d。
最撚好笑嘅係報告同我講一切正常 懷疑reset完就直接比返我，見到耳機仲有污漬
好撚谷氣
只係希望唔使再返去觀塘整耳機
售後真係唔撚掂 做個果粉算
真係罪大
