有牙周問題嘅入嚟

之前friend話我啲牙好長都冇為意

最近發現啲牙原來真係好長 比一般人長超多
之後先發現懷疑其實好似係牙肉萎縮 牙周病 牙根唔知好似就嚟外露etc

宜家每一日都好擔心 仲擔心會唔會啲牙甩

係咁上網揾資料又話牙肉萎縮冇得救 但可以做牙齦補肉牙術 牙周手術嗰D

有冇巴打師姐都有類似煩惱? 或者知道做相關治療or手術幾錢?

咁擔心唔去睇牙醫走黎問連登仔

影上黎睇下有幾長
應該有牙周病

試過牙周病，有一隻牙鬆咗，搵專科牙醫做一次深層清潔$10000，啲牙全部保得住。之後keep住半年返去洗一次牙，sofar無咩問題，鬆咗嗰隻牙都實淨返

驚嚇親大家
不了

利申:長正常人隻牙一倍

咁師兄啲牙長唔長 有冇牙肉萎縮問題嗰啲?
牙周病係嗰牙醫同你講?

長，因為本身食煙啲牙肉就會縮。我係因為有隻牙鬆咗去睇，照x光同度牙周袋確定牙周病

你睇吓有冇牙鬆咗先。如果有牙鬆咗，唔好on99去睇普通牙醫，佢哋9成叫你剝咗佢鑲牙，自己去搵牙周專科醫生

牙鬆咗？ 啫係未洗牙前都會feel到郁定咩

未洗牙前都好似細個換牙咁前後搖得郁

暫時冇牙鬆 唔知算唔算好彩 但唔知之後咁搞法會唔會再惡化落去

btw咁做完深層清潔之後牙肉萎縮問題有冇改善? 定只係保住啲牙唔好甩?

牙肉縮咗就返唔到轉頭。如果真係牙周病，你唔理只會一直縮落去。

同埋話牙骨都會流失，支撐唔到隻牙就會鬆/甩

好的 我決定都係揾日去check下先

咁想問做深層清潔係要揾牙周專科醫生定普通醫生? 因為我見上網有啲平過$10000 唔知效果都係咪一樣

我嗰時直接搵牙周專科搞，費事嘥多次錢

介唔介意透露少少喺邊啲度洗或者個醫生叫咩名?

我嚴重情況 睇牙醫 俾佢轉介左去睇牙周專科，全口腔深層牙周清治療（即係清潔），3萬2（應該都係睇個人嚴重情況定價）
開頭上網睇 啲人又話要𠝹開牙肉又剩，個專科話依家有新技術 算係微創 唔洗開刀….
分兩次做 左右兩邊，係檢查果時有啲痛 佢會搵野插入牙肉度睇你牙肉縮成點 咩程度，之後治療果兩次都無感覺 佢麻醉藥落得好足 先搽一次藥落口 先再打麻醉針
本身因為牙周病攪到有冷熱敏感，仲好驚佢洗完之後敏感會嚴重左（因為洗走左啲牙石），點知又無，成個口正常翻曬，但本身縮左既牙肉就係縮左 佢唔會幫手攪，同埋本身鬆左既牙都係一樣咁鬆，同埋牙縫大左（因為牙肉已經委縮左） 食野好易涉左入去

做完牙周治療之後無曬冷熱敏感，之前經常牙肉腫痛都無埋，係爽既，但講明要自己刷牙keep得好，依家每次刷牙都攪成15分鐘…..


牙肉縮左其實有其他方法補救，但好似唔係度度有得做 同埋好似都要睇你情況有無需要先幫你做，我就嚴重啲 某啲位有填充番

Thx師兄

我其實之前懶一直冇洗牙 係呢幾年開始注意牙齒健康
之後最近發現好似有牙肉萎縮問題 唔知有冇牙周病
但我早排洗牙個牙齒衛生員又冇同我講有呢樣問題
定係其實要特登去檢查 就咁洗牙係唔會同你講?

我上網睇過有個手術叫牙肉覆蓋手術 好似將口腔上排啲肉補番落冇咗嘅牙肉度

師兄係做咗?

原來係咁 我都睇過資料會度牙周袋幾深之類
咁即係要揾一次就咁揾牙醫檢查咗先?

其實有牙周病既話都會好明顯下，牙石 牙肉萎縮 刷牙流牙血 再嚴重啲既牙會鬆….
我諗你洗牙或者見開牙醫果時可以問下佢 你有無牙周病 嚴唔嚴重，或者你直接問佢 你覺得你牙肉好似縮得幾嚴重下喎 叫佢幫你睇睇係咩問題
我又係衰懶 好多年無洗牙

我唔係做依個

我之前刷牙有出血 但最近冇 係用牙線就有
唔知係咪過咗第一階段
上網睇話牙周病有唔同階段