血清素 SSRI 副作用問題

食Zoloft 肥左10公斤

唔洗擔心 唔好亂停藥
要一段時間先慢慢見到效果

食左兩個星期，情緒上係穩定咗，無之前咁易焦慮同驚慌（嚴重果時連簽收順豐件都會心慌，返屋企搭緊𨋢時都緊張，好多時都無原因地心慌同焦慮），不過啲副作用都幾難頂，手腳無力同震，其實係啲肌肉會有輕微震顫，feel到條月利同眼皮有時都會，總之成個人間歇性會好唔定巴打有無類似情況，大概要維持幾耐先會減輕或者消退

要1，2個月咁耐

食左16日SSRI，上星期出多左街同做返運動，個人好番好多，少左“突然無原因”嘅緊張感，屌，但呢個星期氣管炎，痰多到抖唔到氣咁滯，運動又無街又無出，放左工就返屋企攤係度胡思亂想，點知呢兩日又黎料，頭先臨出門口落樓下剪頭髮前個人突然勁緊張，心跳變快，標手汗，手震好在出到去同個髮型師吹左陣水分散左注意力個人變返正常，呢個病真係唔可以咩都唔做，一定要搵多啲嘢分散注意力

我3年幾 由一日一粒到依家一星期一粒 基本日常生活已經回復正常
之前係坐唔到巴士
依家呢段時間就靠藥物幫助住先 長遠建議你搵下情緒輔導或者心理醫生 有啲技巧上嘅野可以幫到手
記住驚慌呢個感覺唔係壞嘅野 其實佢係黎幫你 人人都會有呢種感覺 只不過你身體比較敏感 容易有false alarm 你唔好嘗試趕走佢 試下接受佢同佢傾下計 慢慢同心入面嘅小朋友熟左就會慢慢控制到

想問樓主最後食咗幾耐先適應副啲副作用？

我啱啱開始食頭一個星期同你啲副作用好似

利申：食sertraline

食咁耐都無退過啲副作用，個療程成三個月，完左去做吓運動，做吓其他唔同嘢令自己忙啲作用更大