bb晚晚都喊得好犀利

可能你屋企有靈體

掃風唔洗係咁拍佢背 輕輕45度以上躺臥 有時佢都會自動嗝氣
冇嗝氣都好 都要掃15分鐘以上 做多d腳仔操 幫佢放屁會好d
太細個要包實d 岩岩出世冇乜安全感好易喊

望一望d回覆 心諗咁正常
原來係家庭台

兩歲好玩!?..開始識行周圍走搞搞震,又怕佢拉嘢整親又怕佢亂擺嘢入口..出街同佢放電BB瞓過覺就恢復返,但老竇老母起碼死一日

其實係
因為夜間分泌既母乳係有melatonin，因為阿媽都好眼訓
所以千其唔好將日間泵既母乳夜間餵，或者夜間泵既母乳日頭餵，因為成份係唔同

有Apps扮依D聲音比BB訓..唔使真係走去開抽氣扇同風筒

呢個世界咁樣仲生仔，正人渣

未必要掃風，打圈慢慢搖佢上半身都可以出到氣

BB 啱啱出世咩都唔識, 咩都唔知,
仲處於極度無安全感嘅階段,
偏偏你就用一個令佢更加無安全感嘅方法對佢,
做你個仔真係慘
利申: 2個女

埋身餵最好啦

間屋有好兄弟

11個月喇，已經好醒，識得扮訓
又係度周圍抆野玩

唔知有無實際作用，但佢成日痴住隻公仔訓
之前隻公仔個肚識得郁，模仿呼吸，不過壞咗，所以先比我塞咗盞燈入去

梳呀, 我見你寫頭一星期仲以為初生第一日就咁癲添
咁 11個月又真係好醒,
聽得明好多野但又會扮唔知

我個仔頭1年都係咁，喊到唔轉氣，塊面喊到紅色再變灰色
大個d就唔怕架啦

正常BB 都會喊, 如果擔心佢健康有問, 就錄低佢喊嘅樣, 走去問醫生, 幾舊水唔好慳

BB 出世時個胃個車厘子咁大, 好快肚餓, 一餓就喊, 所以每隔2,3個鐘喊一次係正常

要佢少D 喊可以比多D 安全感佢或者睇下係咪有嘢令佢唔舒服

點樣有多D 安全感好多ching 都講咗方法

係咪有嘢令佢唔舒服, 就要逐樣試, 例如係咪換床單, 衫, 係咪有光, 又或者太暗, 建議每次只係改一樣嘢, 睇下點令佢訓耐D

最後你記得唔好問D 長老點解BB 喊得好犀利, 我妹夫咁問我外母, 我外母燥咗

我個仔兩歲時好好玩，牙牙學語，又話有自己性格做啲搞笑野。因人而異

係連登問
你只會得到無限咁多答案

試下用包被 我個仔又係咁 之後我個fd叫我試下sleepsacks包被 用左又真係ok 冇再喊 可能缺乏安全感

抱下佢啦

我果陣時做法係晚晚要同一時間做同樣嘅野,
咁佢地就會有心理準備,
差唔多時候就會打喊露,
好易容就自己瞓埋

我果陣係 9:00 沖涼 > 沖完涼睇陣書 > 9:30 睡眠音樂響起 > 俾佢瞓慢慢較暗啲光 > 佢自己瞓著
首音樂會播到佢起身先停,
就算瞓晏覺都係播呢首,
所以佢一聽到就自動連結左要瞓覺

BB 個胃好細
係要密密食，但量唔需要好多。
如果只靠瞓前一支大奶，其實唔係幾好

初生半夜要起身餵，仲要掃好風先再瞓。

當BB 有返一個月到，會有安全感問題。平時就要抱多啲，夜晚喊就去抱同哄。試下輕輕掃下個額頭同眉心，輕拍下屁股，同慢慢行下。

邊行邊瞓係BB原始記憶。

唔好唔理佢，否則長遠會變得更易喊

加油呀

肚餓或屙咗屎要換片