校園驅魔師-校園驅魔實錄（故事）

［你係都要趕盡殺絕？］

［我係人，你係魔，要怪就怪上天咁唔公平。］我將皮鞋踩係佢充滿污漬同汗漬嘅恤衫。

［就算我冇作奸犯科，你都要置我於死地？呢啲就係所謂方家家訓？］

［如果你有作奸犯科，你會死得慘過依家一百倍。］

［我祝你愛嘅人都會無辜慘死。］李子朗冷笑一聲，鮮血從嘴角邊流出。

［呢句就係你嘅遺言？］

我將掌心法印對準李子朗額頭，隨時冒出絲絲黑煙，但伴隨嘅唔係一聲慘叫，而係佢失控狂妄嘅笑聲。

手掌心散發一陣不尋常嘅劇痛，法印隨著李子朗迷糊嘅意識一同消散。

lm

我都係第一次失去手中法印，當我試圖又召喚手中法印時，就好似小朋友模仿日本戰隊變身咁樣，除咗口訣外，就未見任何異能跡象。

究竟......佢係點樣做到？附係佢身上嘅，又係咩嘢魔？

我暗自期望一覺過後，法印會隨明日正午嘅太陽再次出現。

［各位同學早晨。］

［方sir早晨。］

［請坐。］

［喂，張主佑，尋日冇咗你呢班上堂好靜喎，搞掂我唔係好慣，你今日返嚟就好。］

［緊係啦。冇水嘅就叫沙漠，冇我嘅就叫寂寞，有我喺到，大家就唔使怕寂寞。］張主佑嘻皮笑臉，全班響起友善嘅噓聲。

一班入面總係要有識得搞氣氛嘅小丑，上堂先會開心。

當然如果呢d小丑唔係搞氣氛，而係搞事嘅話，就要嚴肅看待，睇下佢地發生咗咩事，就好似李子朗。

晏d出故

李子朗一如被驅魔之後嘅人，意識迷糊，心智尚未習慣缺少魔之後嘅情況，依家嘅佢就只係一個等待填滿嘅空樽，等待人去填補。

［子朗，今日搞咩咁靜。］張主佑拍一拍目光呆滯嘅張子朗。

［啊？有d攰。］李子朗回應冷淡，冇尾音。

［李子朗，你唔舒服就去校務處休息下先。］佢嘅意識比我想像之中強，今日竟然仲返到學。

諗返起上個月比人捉咗魔魂嘅同學，足足發咗3日燒先至返到學校。

［知道。］李子朗一拐一拐行出班房，我示意班長陪佢去校務處。

呢一刻嘅班房係最寧靜，大家都比李子朗異常平靜嘅舉動嚇親。

而我，仲等待一個機會同佢進行驅魔後嘅後續儀式。

被驅魔魂嘅人，性情同記憶會缺少咗同魔魂相關嘅部份，例如暴戾、淫慾、奸詐等等。

而驅魔師係依個時候，就要再用法印徹底清除佢身體嘅妖魄，以防再次變成更惡佈嘅魔人。

可惜嘅係，經過一整日休息，掌心之中嘅法印依舊消失不見......

依個時候，我就要搵返失去靈力嘅原因。

趁仲開頭，樓主可唔可以用返正確嘅標點符號。

例如「引號」。

******第一章 神秘老人的湯藥******

6點30分，我習慣改完哂簿，完成所有行政工作後先會返屋企，我深信將工作帶返屋企係會嚴重影響work life blance。

我唔夠膽講自己好辛苦，因為好多人都比我辛苦，可以係教書同驅魔之間搵到平衡嘅，全港大概只有我一個。

所以，唔少驅魔師都會選擇其他較自由嘅行業，叻啲會自己做老闆，由於驅魔係世代相傳嘅職業，自然有唔少驅魔家族都有傳家基業世代相傳。

至於比較平凡果班，都係會送下外賣，做下保安，就好似我阿爸咁樣。

「爸，我返嚟啦。」我習慣係開門前先通知阿爸，因為我曾經撞破佢係廳望住電腦打飛機。

我一啲都唔尷尬，畢竟阿媽都過咗身咁耐，反而我係怕阿爸尷尬。

正如父母撞破阿仔打飛機，其實都會理解佢嘅需要，尷尬嘅通常係比人撞破果個。

「全層樓都知你返咗嚟。」阿爸著住件保安制服，入面嘅白色背心底衫清晰可見。

好的

阿爸扭開保溫壺蓋，將熱湯倒入兩個湯碗。「快d換衫出嚟飲湯。」

「下次唔好咁辛苦煲湯啦。」


阿爸每次煲老火湯都會出事，一喺就太咸，一係就太淡，基本上冇一次個味道係準確。

「知你想講咩啦衰仔，係樓下陳伯送比我地飲架，人蔘烏雞湯好補。」阿爸將人蔘同烏雞渣夾落我個湯碗。

但係，我實在冇哂心情食。

「煩緊咩啊。」阿爸語帶平淡，飲一啖湯問。

每一次阿爸見我唔開心，佢都會異常冷靜咁問我發生咩事。

細個以為佢唔緊張我，但逐漸長大嘅時候，先明白阿爸想係我冷靜啲，所以先會擺出一個異常平淡嘅態度去了解發生咩事。

「我冇哂法力。」我唸唸經文，嘗試從掌心中召喚法印，但依然冇任何反應。

阿爸輕輕咁縐一縐眉，我就將尋日發生嘅事一五一十話比佢知。
「可能係魔氣入侵，嚴重嘅會比魔反噬。能夠反噬驅魔師嘅，一係本身佢嘅魔力好強大，一係果個人被更強大嘅魔族設置魔法，作保護之用。」

「通常只有親屬關係嘅魔，先會設置依種保護魔法。因為每設置一次反噬魔法，施法者就會損失十年修為。」

「佢係後者，以佢嘅行文對答，並唔似一個飽經歷練，魔力強大嘅魔族。」

「點都好，等我幫你驅走身體入面嘅魔氣，睇下會唔會有好轉。」父親氣定神閒，口中唸唸有詞嘗試召喚手中法印。

10秒過後，阿爸掌心未有任何反應。

推

阿爸輕輕咁縐一縐眉，我就將尋日發生嘅事一五一十話比佢知。
「可能係魔氣入侵，嚴重嘅會比魔反噬。能夠反噬驅魔師嘅，一係本身佢嘅魔力好強大，一係果個人被更強大嘅魔族設置魔法，作保護之用。」

「通常只有親屬關係嘅魔，先會設置依種保護魔法。因為每設置一次反噬魔法，施法者就會損失十年修為。」

「佢係後者，以佢嘅行文對答，並唔似一個飽經歷練，魔力強大嘅魔族。」

「點都好，等我幫你驅走身體入面嘅魔氣，睇下會唔會有好轉。」父親氣定神閒，口中唸唸有詞嘗試召喚手中法印。

10秒過後，阿爸掌心未有任何反應。

我同阿爸對望一眼，佢大聲而清晰地逐字讀出咒語，但掌心依然冇任何反應。

就連阿爸都同我一樣失去靈力......

推

「發生咩事......」阿爸難以置信咁望住自己嘅手掌。


「你有冇驅過魔？會唔會驅魔期間被魔氣感染？」

「冇可能，依一個星期唔好話驅魔，我連魔都冇見過。」

「你對上一次用靈力係幾時？幾時先開始冇靈力。」

「今朝拜祖先嘅時候都仲有，我仲用靈力點咗幾枝香比佢地.......」

「你岩岩做過咩嚟？」只要慢慢縮窄範圍，謎底就會一步一步咁樣解開。

「我......都係冇嘢。」阿爸將就嚟講出口嘅說話收返埋。

「個湯。」我嘅目光落咗喺隻雞腳。

以阿爸嘅性格，佢唔會輕易將責任歸究於他人，更何況係他人嘅心意。

「但冇理由架，陳伯嘅湯點會有問題......」阿爸用湯匙搞拌湯渣，嘗試搵出一啲端倪。

［剋靈草......點解我咁大意......］

細個聽阿爸分享驅魔師嘅故事，剋靈草係遠古相傳嘅草藥，生長係陰氣極重嘅地方，但具體地點無人記錄過，甚至有傳剋靈草需要魔族嘅魔力飼養先可以生長。

唯一對剋靈草有具體記錄嘅係佢嘅外形，長而幼，兩端發黑，中間泛白，唔會因為烹煮而改變，無味無臭。

一旦服用，接劑量會暫時失去靈力，短則一日，長則十年。

「黑色，白色。」阿爸從湯渣入面拼湊出剋靈草嘅原形。

「落去搵陳伯！」我衝出門口，由後樓梯趕到陳伯門口，只見門口貼上一個笑哈哈嘅符號，似係嘲笑緊我地父子。

「如果佢係有心陷害我地嘅，又點會留係到比我地捉？」阿爸嘆一口氣。

方家，第一次喺香港冇哂能夠驅魔嘅人。

「叫阿哥返嚟？」我小心翼翼問，生怕觸動阿爸嘅神經。

「你阿哥係外國學法，如非必要，我都唔想驚動到佢。」阿爸斬釘截鐵，冇任何商榷空間。

「佢學咗15年，咩都學夠啦！佢係時候要返嚟付返作為方家子孫嘅責任！」

15年嚟，一直都係阿爸同我苦苦堅持，阿哥就有足足15年冇返過屋企。

驅魔師唔係神仙，陽壽有限，冇可能不停揮霍光陰。點解阿哥可以逍遙自在去外地學法，而我就要留係香港？

我，從來都冇得揀。

「你阿哥喺外地平安生活，就已經盡咗方家子孫嘅責任！」

「咁我地呢？我地分分鐘會比人上門尋仇啊！仲有邊個可以保護我地？唔通旨意茶樓班人？」

各家自掃門前雪，莫管他人瓦上霜。

茶樓名義上係一個驅魔行會，各個家族嘅驅魔師可以喺依個空間聯誼。

每當同行有困，例如慘遭滅門，各家族都只金錢資助遺孤，要佢地挺身而出，拔刀想助，阻止悲劇發生簡直係妙想天開。

「總之，我唔會叫你阿哥返嚟。」

到底，係阿爸心目中有幾錫阿哥？寧願要我同佢一齊承受滅門嘅危險都唔肯叫阿哥返香港幫手。

事到如今，迫不得已只能寄望茶樓果班人。

自推

第二章 李子朗2.0

整夜輾轉反側，就好似冇瞓過覺一樣，只係不斷游走於短層睡眠之間。

晨光穿透薄紗白窗簾，我睜開眼第一件事就係嘗試召喚出掌中法印，依舊了無反應。

早已預料嘅結果並無令我失望，失去法力做返凡人其實一直係我想嘗試嘅事，我已經對驅魔感到厭倦。

更令我擔憂嘅係，唔知班魔幾時會上嚟尋仇。

以前嘅前輩都會因為唔同嘅原因而被魔伏擊成功，更何況我呢d失去魔力嘅驅魔使。

我對魔嘅憎恨並無減少，但我寧願放係心入面憎恨佢地，都唔想自己要犯險對付佢地，過住呢種擔驚受怕嘅日子。

「李子朗呢排有d怪。」隔離位嘅Miss歐講。


「我都覺得係，佢上中文堂嘅時候竟然冇瞓覺，剩係呢一點都奇怪啦。」謝sir冷笑一聲。

「係囉，正常佢一係就嘈，一係就瞓，佢上我堂竟然唔嘈又唔瞓，真係一反常態。」Miss歐邊改簿邊講，紅筆落墨聲不絕於耳。

有時我都好羨慕班同事可以邊做嘢邊吹水，因為大多數嘅人都係唔做嘢剩係吹水。

好似我前面嘅謝sir，左邊戴住耳機，隻眼就望住部ipad，重溫尋日歐聯精華。

「方sir，李子朗上歷史堂有冇咩特別？」Miss歐問。