[神劇] VIUTV爆頭血腥劇《那年盛夏我們綻放如花》討論｜原作《已讀不回死全家》(48)

1001 回覆
17 Like 7 Dislike
2023-09-16 04:51:00
最驚係突然同你講，盈唔夠ivan長命（ivan決定攬炒搵豪處理晒兩個撚佢嘅八婆），或者拖得太耐，jessica融入咗個制度入面，成為咗下一個ivan因為咁先有得成為一個故事
寧願有一個未知、未定，大家可以永遠幻想一個好啲嘅結局，ivan好快死，jessica玩死咗mtcc，盈出返嚟重見天日，腎可以見得返盈一個平淡到唔使拍出嚟都得嘅結局
2023-09-16 04:55:57
我自己理解就
盈係一個被困住嘅人，只可以偷偷隔住圍欄睇外面世界然後一個人偷偷喊
班相只係代表一個曾經開心嘅過去，但都已經過去晒
點解要拍呢啲場面就可能自己再解讀下啦，每個人嘅領會都可能唔一樣
2023-09-16 04:58:17
應該冇，成件事都只係一個測試嚟，想試有邊個倖存者可以真係放出去
2023-09-16 04:58:46
其實係理念唔同產生出黎既反面啦。

佢都唔明佢家姐點解要繼續幫mtcc<<<呢個先重點。
2023-09-16 05:02:50
對！你說的都對！
2023-09-16 05:03:30
唔好拍續集打爛招牌啦！
2023-09-16 05:04:18
（腦補）已讀不回死全家喺AI輝嘅角度諗
佢boot咗之後剩係知輝死之前有四條友冇覆
所以個AI好直接咁聯想到已讀不回=>輝死咗 再之後覆翻都冇用
個AI模仿輝嘅dataset全部都係發泄出嚟嘅負面嘢
佢咪開個group要你喺指定時間內覆同學（佢覺得輝死係因為目標人物覆唔切，唔係已讀不回）
所以都係因為咁佢覺得send死人message都要死
因為前提係佢已經認定咗楊扮好人 仲要人死咗先嚟覆
個人認為套嘢解讀吓AI個logic就可以再圓滿少少
聽過吓相關新聞會覺得係AI個logic bug 咗 所以jessica最後先話揾bug
但係套劇比唔夠相關線索要觀眾自行腦補會覺得輝/編劇唔合常理

講真個title講已讀不回死全家，最後都係得一條友要死全家啫
個人唔覺得套嘢冇死角 不過喺港劇標準嚟講已經算係幾好
2023-09-16 05:09:40
講野唔清楚既人屙尿？或者誹謗人既人屙尿。

例如....柯志恆屙尿？

slur- pee
2023-09-16 05:12:14
舊po其實都講過，我覺得良死後，石仔同jessica點變得疏遠啲位寫得太少，點都要有少少石仔勸家姐辭職，但jessica就屌石仔多事，可能唔覺意爆咗原來屋企有監視器，見到啲石仔收埋嘅嘢，攞嚟叫佢管好自己先，先激到石仔覺得家姐變咗而反面

以而家嘅劇情舖墊，我覺得唯有係寫石仔其實係良嘅細佬，喺良死後先俾jessica呢個大嫂接返屋企做自己監護人，而石仔本身就覺得阿哥死得好可疑，個大嫂又由唔使管個project變成接手個project嘅人，令石仔陰謀論，所以同大嫂唱反調會合理啲
但咁寫又會令其中一個小說改編過嚟嘅連結位冇咗
2023-09-16 05:17:35
點解你會覺得得一條友死全家...

billy屋企有人上去，童童阿媽失左蹤...師兄你平時睇野係咪見到乜就係乜永遠無聯想力？
2023-09-16 05:17:45
2023-09-16 05:18:02
你睇唔到14集最後一秒
2023-09-16 05:19:57
或者你搵下舊po先，好多人解釋過點解盈係已讀不回，當然我覺得呢個位真係寫得好有爭議性
但以spectre可以透過前鏡見到手機主人做緊乜，佢將見到有messege到但做埋自己嘢先再回覆呢個行為，當成已讀不回嘅一種，覺得有責任都唔出奇，可能盈見到想見你幾個字就換定衫準備，問到輝有事就會即刻彈出去，甚至佢沖涼沖到一半，沖埋先睇同覆都有機會
但對ai係一種即讀即回嘅設定嚟講，spectre咪唔明點解冇即時回覆，搞到輝有時間針咗先

另外ai如果真係乜都合晒邏輯同情理，最後就唔會被定義為有bug，要重新研究啦咁耐以嚟未見過傻鳩ai亂答問題？
2023-09-16 05:21:02
真係好佩服個班睇戲睇唔曬，但又要討論既人。

討論完，解釋完。都仲要將d唔係bug既位講到「眾人皆醉我獨醒」咁。
2023-09-16 05:22:05
我諗住上面條友佢睇唔明 就餵下面呢2張圖俾佢就算
師兄解釋得咁詳細
佢連輝打完1:11個msg自殺死左
睇唔到盈1:34打後msg都唔知
就屈左人套劇有bug

2023-09-16 05:25:28
應該入咗group先hack到前鏡
2023-09-16 05:27:48
佢地本身只係好平凡既一班學生，點解要由佢地經歷依D野，自己再諗下電實啦
2023-09-16 05:30:26
童童阿媽冇失蹤billy屋企人因為search楊悅盈之後冇相關新聞標題，所以應該上去問完嘢之後，因為咩都唔知而冇事

再整理一次時間線
童童阿媽喺開gp當日接受charlotte同傻東訪問，童童同日死咗
第二日charlotte同傻東本來要去搵童童阿媽補啲相同問多兩句，但因為童童前一晚冇返屋企，童童阿媽同所有親戚去咗周圍搵童童，charlotte同傻東俾人放飛機，同時間jessica喺mtcc幫豪回收到嘅電話洗機，洗到童童部機時阿媽打過去搵童童，但冇人聽，jessica問起係咪冇同學生屋企人講，俾豪叫佢唔好多事
再過一日，童童阿媽都係搵唔到童童，但冇嘢可以再做，所以搵返charlotte同傻東完成訪問先，途中講起搵童童唔到嘅事，同日返到office（已經唔同集數嘅事），charlotte本來想準時收工，但傻東話少咗一日搞個訪問，又就到deadline，charlotte唔ot就會趕唔起份稿，於是charlotte留低幫手執啲相，再同日（冇記錯又另一集）返到屋企見到允腎，就幫手問起佢哋童童嘅事
之後好似冇再講起童童或者佢阿媽？
2023-09-16 05:32:35
有冇人諗下what if
what if 楊悅盈自殺
what if 石曉陽 等埋嗰十分鐘
what if 柯狗 殺咗石曉陽先


諗起都覺得好有趣
2023-09-16 05:33:20
之後仲有一幕，阿東同yanny第二日約左佢，點知個日佢放左飛機。
2023-09-16 05:33:34
mtcc啲電話嘅內置功能咋嘛，admin一直只係善用mtcc已有科技，好似用鏡柱睇班人自相殘殺之後喺到笑，同埋用mad做武器綻放人
所以jessica先話個個人部電話都玩到mad，太危險，一定要熄spectre機先得
2023-09-16 05:35:24
嗱，隱喻嘅嘢，唔仔細講，無謂累一套好劇被ban
我只係描述劇情同畫面
2023-09-16 05:35:51
套野仲特登講到佢童童阿媽工作為重，好重視工作，就算童童失蹤搵唔到，都要做左野先，絕對唔會失約。

但講都無講就放左東同家姐飛機。
2023-09-16 05:38:52
第二日charlotte同傻東本來要去搵童童阿媽補啲相同問多兩句，但因為童童前一晚冇返屋企，童童阿媽同所有親戚去咗周圍搵童童，charlotte同傻東俾人放飛機
再過一日，童童阿媽都係搵唔到童童，但冇嘢可以再做，所以搵返charlotte同傻東完成訪問先，途中講起搵童童唔到嘅事，同日返到office（已經唔同集數嘅事），charlotte本來想準時收工，但傻東話少咗一日搞個訪問，又就到deadline，charlotte唔ot就會趕唔起份稿，於是charlotte留低幫手執啲相

sorry我知頭先好多字，但好多人唔知點解睇成唔同日子發生嘅事，我想盡量打晒同一日發生咩事，希望大家可以睇晒先
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞