[本地足球] 2023/24 港超聯、亞冠及香港隊討論區 (42)

【薪火相傳🔥】

香港隊🇭🇰近年有意培養家榮為下一代香港隊首席門將。由上次作客越南到今次主場迎戰汶萊都可以見到有更多國際賽上陣。相信不久將來都會接班。

葉鴻輝現年已經33歲，特別由東亞運協助香港歷史性奪得冠軍後，已經成為香港隊首席門將多年。普遍認為踢香港隊嘅賽事都有唔錯嘅穩定性。特別喺控場呢個範疇都可以帶領球隊。近十多年絕對功不可沒👍🏻

始終運動員最大嘅對手係年齡，都要讓一班後生仔去薪火相傳。而家榮當然係其中一個唔錯嘅選擇。如果較明顯嘅優勢係身形較高大，由家榮至對上幾位首席守門員都有至少1.8m高，對於國際賽事嘅對手都會有優勢。另外以24歲或以下嘅守門員家榮嘅穩定性及判斷相比之下更為成熟。特別喺上季港超比賽有較多亮眼表現。因此獲得主教練安達臣信任並入選決選名單。

除左家榮之外，其實香港隊陣中有唔少守門員有潛力去令到香港隊龍門接班。如果25歲以上，有效力理文嘅陳嘉豪。嘉豪曾於上年東亞足球錦標賽臨危受命上陣，即使面對韓國球員勁射，以顏面擋球，喺暈暈地嘅狀態仍然支持到完場一刻。其決心係令大家印象深刻。

至於U23或下嘅守門員，年僅21歲嘅伍瑋謙Ivan 亦都係未來香港隊接班門將，Ivan 喺冠忠南區已經有非常穩定嘅上陣時間。而且有更多正選上陣機會。暫時代表U23上陣。都需要累積更多國際賽經驗。

其實以守門員層面，香港隊係不失具潛力嘅球員。不過要累積更多經驗。去令佢地有更多成長。

香港隊首席門將基本上係接近「必然正選」，但自安達臣上任，喺守門員呢個範疇就有更多選擇，除左呀輝同家榮，而且有保羅及家豪都為香港隊正選上陣。變相唔會再有必然正選。版主其實除左以上嘅人選之外，其實仲有09梁興傑，即使過往有入選，都只係以後備身份。但興傑近年喺流浪嘅出色亦值得一個正選機會。多年嘅比賽經驗加上近年狀態令到香港隊選龍門有更多選擇。

對於一個打開龍門嘅版主黎講，香港隊首席門將係非常重要。除左有穩定嘅技術同狀態。更重要係有更強大嘅心理質素同爭勝心。可以以自己一人去帶領隊友。特別香港隊喺東亞或者亞洲賽嘅對手普遍喺香港之上，總唔可以對住關島或者汶萊去提升信心。以香港以往長年嘅老對手北韓或者烏茲別克。即使有艾華頓及米高入選陣中最多都係拉近差距。相對守門員要控場及帶領球隊。呀輝係有呢一個特質，大家更加期望新一代嘅香港隊門將可以延續到呢個特質，從而做到薪火相傳👍🏻💪🏻

#香港隊 #守門員