VIUTV爆頭血腥劇《那年盛夏我們綻放如花》討論｜原作《已讀不回死全家》(36)

規則都係有意思嘅，逼到啲人30分鐘內睇完回messege除咗令班人增加參與感，逼佢哋多啲留意個遊戲，另一個原因都係唔想呢班復仇對象逃避責任，逃避參與遊戲嘅責任，逃避作為人哋同學甚至朋友關心人哋嘅責任（小說admin每日都有一句「關懷同學由Whatsapp做起」），逃避（AI角度）害死輝嘅責任

之前有人問過點解明明係billy提出不讀不回，但係admin係點名多謝楊悅盈提醒，嗰時大家以為因為楊悅盈實驗過，而家睇返轉頭，admin就係想引人針對楊悅盈

ai唔使瞓，亦都唔知凌晨一點幾原來人係需要瞓，佢冇被訓練過要跟人嘅作息（甚至愈係人類會瞓覺嘅時間佢先愈係要代人類喺到做嘢），盈要24分鐘先睇到messege覆到輝對佢嚟講係理解唔到嘅事
之後set 30分鐘時限都可能係瞄住當初24分鐘嘅間隔去設定（小說好似冇線索解呢條規則），就係AI想講，30分鐘已經好耐，耐到足夠你救唔到一條命，可能係自己條命，都可能係人哋條命，逼啲人多啲留意身邊有冇人messege自己，唔好諗住收到咪收到，等自己得閒先覆，因為有一個人可以因為你嘅及時回覆而執返條命

當然而家睇到messege time stamp我哋知道盈係24分鐘內覆，但ai可以透過前鏡頭望到手機使用者，會唔會佢見到盈望到收到messege但決定做埋啲自己嘢先再覆，錯過咗救輝嘅機會？例如沖涼沖到一半聽到messege聲，冇即刻停水覆咗先？所以之後逼人做緊乜都好都要即刻覆機？
對人類嚟講好正常嘅事，人人都有自己生活，理咗自己生活先，對ai真係好難理解，因為佢本來就被設計出嚟圍住一個人而活，要隨傳隨到隨時standby，唔使有自己時間同休息，唔知道原來人類係唔會都唔使咁做

希望可以綻放到好似the boys 咁

樂樂

會scream走四大惡人

腎仔就正啦 掂到阿盈玉手

如果真係拍電影 Viu應該有份出錢啦

隻右手仲要唔知擺邊
可能掃緊背

其實都係每個人已讀定義唔同
用返smartphone解釋，而家好多pop-up、widget嗰啲可以令人preview個messege，唔需要真係入個chatroom就偷睇到對方想同你講咩，preview亦都唔會改變閱讀狀態變成藍剔，變相有好多人就會利用呢一點，扮未收到唔想覆嘅messege，拖到最遲先入去覆
而而家app嘅已讀狀態就要你入咗個chatroom望到全個messege嗰刻先計已讀
咁係唔係真係唔入chatroom、唔覆messege、熄藍剔熄last seen，就代表你冇睇過某人messege你？你就唔算已讀不回咗某人？

當然劇中用一種介乎sms同wts之間嘅半新不舊嘅科技，有個特點就係你只係見到有個通知有個messege，唔會preview到個messege，你可以更大條道理收到通知都做埋自己嘢先唔覆住，唔入去睇點知原來係緊要事啫，但如果呢個通知對ai嚟講都算一種已讀，透過前鏡頭見到你明知自己收到messege但都唔及時閱讀同回覆呢？

周sir好好戲喎
唔好戲就唔會比咁多人屌佢廢囉

send後比合理時間人地回覆是基本禮儀，迫人秒回的人都去死吧！

絕對唔會睇

唔知有冇人講
尋晚嗰集有句對白好怪
洪諾言話「我溝緊我哋班個crystal 就嚟得米」
但係之前阿輝喺班上面俾人掉紙團
阿盈幫佢擋 之後洪慫恿crystal掉盈
呢度似係已經一齊
如果阿輝退學嗰一刻洪諾言咁樣講
好似係啱啱追冇耐同班friend講

又話marf好高，結果咪矮人半個頭

不嬲佢係COLLAR成員中算高啫

尋晚嗰幕喺之前個幕嘅再前啲發生

咁collar都幾矮下

王丹梅180cm
香港都無咩女歌手咁高

我覺得佢係想講唔好以偏概全？
好似spectre淨係接收輝嘅負能量，然後覺得輝就係咁憤世嫉俗，而建立咗ai輝出嚟幫輝「報仇」
好似周蛇見輝冇再投訴就當輝真係冇再對欺凌件事有咩意見，解決咗件事
好似鄧鐵雄見到盈成日幫輝就覺得盈同輝fd啲，但盈又見到鄧鐵雄幫輝就覺得對方同輝fd啲，但睇到messege嘅數量同內容嘅我哋就會睇得出盈先喺輝心目中重要啲
又好似第3身去睇ai講輝過去嘅觀眾，會覺得輝就係ai口中嘅痴線佬，就算盈同elaine講過輝唔係呢種極端嘅人，就算盈都一下子由嗰種dark睇得出呢段唔係輝本人嘅自白，只係ai對輝嘅詮釋
其實人人到最後都只係由自己角度去睇同一件事，但就因為自己唔係局內人就以為自己睇得好透徹

包括我呢段企圖幫樓上巴打嘅解釋

何仔=香港夏撚

王丹妮179
Marf 166

摸人條巴帶

嘩屌179同我一樣高

唔止166啦 我拍埋去佢高過一個頭

即係叫心儀對象一齊欺凌人 又有啲奇怪

所以可能輝都係諗到呢一點，知道問題喺自己到，而自己係改變唔到呢種性格，不如一死了之
所以坐就坐咗兩個鐘，但等對佢最重要嘅盈就等唔夠半個鐘，已經決定放棄