視后唐詩詠自去年約滿離巢後，無約一身輕嘅佢生活過得相當寫意，並不時喺社交網分享周遊列國嘅靚相，而最近頻頻去日本玩嘅佢，其實早於2018年就透露過想喺日本置業。雖然近期日本排放核污水話題喺全球各地掀起熱話，唔少港人都選擇改去其他地方旅行，不過唐詩詠睇嚟就未驚過，近日唔止現身大阪街頭，畀網友野生捕捉嘅佢，仲相當親民咁大方合照。
有網民在日本捕獲唐詩詠，只見她以一身Tee恤牛仔褲配波鞋休閒打扮，不過戴上太陽眼鏡依然星味十足，據發文者所指，唐詩詠是包車遊日。之後她又在杜如風的IG出現，兩人在大阪相擁面貼面合照，杜如風發文指：「他鄉遇故知！好多謝我嘅好朋友傻婆阿Nat專登嚟大阪探我班，好窩心呀！❤️❤️❤️ @natalietong53錫晒你！❤️❤️❤️」。
唐詩詠參加東京烘焙遊學團三天
其實唐詩詠今次無懼日本排放核污水仍勇闖當地是另有目的，近來愛上烘焙的她，在香港已經常去學整甜品，曾試過與好友黃翠如上堂，也試過學整日式美食，她不時分享上課的照片，更見她相當專心用功，會自己抄下筆記。唐詩詠這次赴日，原來是到當地學法，有網民分享與唐詩詠在日本東京一同學整蛋糕的照片，並發文指：「今次呢個行程仲有一個驚喜，就係遇到新同學@natalietong53唐詩詠❤️🤩，Natalie真係好Nice又靚女😍，呢幾日一齊玩一齊上堂相處得好融洽😁，同學們個個都話估唔到呢個旅程仲有呢份星級驚喜超開心🌟🥳」，更稱雖然大家都好乖專心聽書，不過在一連三天課程的最後一日，都忍不住要找唐詩詠拍照留念。
