［LIVE] [徒步縱走］多洛米蒂 Dolomites Solo Trek Alta Via I

第一晚camp位(Le Piciodel)就係冇data，依家喺Rifugio Mario Vazzoler都冇data(但有山屋wifi)之後基本上都冇試過收唔到

其實係睇你用邊張數據卡，我係用three，個人覺得還好，啲人話用Vodafone好似山區都收得好（有plan俾你成個歐洲都用到）

琴日嘅遊記一早打好 但相就upload唔到唯有後補

Day 6 To Rifugio Sommariva 今日將會係最tough一日，22km 1300 elevation仲要訓營希望順利，早咗半小時出發

喺前往今日嘅山屋 Rifugio Mario Vozzler嘅路上，途中會經兩間山屋，分別係Rifugio A. Sonino Al Coldai同Rifugio Tissi其實Tissi係唔經嘅，上去嘅斜坡都係非常之甘但時間非常充裕，所以就走上去睇睇

天色一開始好好行下行下終於開始上斜走上Rifugio A. Sonino Al Coldai，而亦進入咗迷霧之中



其實山上風景真係千變萬化，下下都晴天你唔悶我都悶啦樓豬都幾鐘意雲海或者霧裏面上山嘅景色，沿途都好多人慢慢攀上



上到山屋之後個天又再次開返於是稍作休息之後就去咗前少少嘅Lago Coldai睇下，又幾靚




之後目標就係Rif Tissi，個條又短又斜嘅斜路真係好辛苦，但原來山屋係面向整個Dolomites最高嘅山Mount Civetta上到去雲霧又再次散開，幾棟好似巨人咁高嘅山脈整齊咁排列，真係好靚

呢張幾正佢哋望住我心諗我影乜飛機



上到Rif Tissi嘅頂就同咗個意大利叔叔傾計，佢話佢鐘意Southern Parts of Dolomites因為比較Raw，佢又好感嘆意大利人喺北邊明明有座後山都唔珍惜，反而就鐘意去啲大城市同多人嘅地方入到山屋諗住買張Postcard點知山屋事頭婆又話唔收我錢

其實點解啲人成日話意大利人閪我只知道山上好人並不少

屌好多相唔知做乜撚出唔到連登搞乜

（續）

我只知道山上好人並不少

自己經驗係 歐洲山上同鄉下地方比較多好人
城市都有 不過較少

我都去過 好壯觀

我冇過夜 trek左5個鐘上山 喺呢度頹食都別有一番風味

就快完

Agger
山上嘅人通常都比較nice

樓主已進入最後直路：落山地獄！gogo!

咁嘅天氣，晌山頭起營，唔擔心俾雷劈？
認真問，唔係玩嘢，因為我都想玩下呢啲徒步，但係 0 露營經驗

空曠地係危啲，但係歐洲天氣預測都幾準
所以都可以睇下有無機會雷暴再決定起係邊

如果你係打算歐洲玩長途又未露過營
可以考慮plan山屋到山屋，唔洗買過成set camping gear
不過就貴嘅同無咁有彈性

我就唔驚因為呢個位低位嚟，要驚劈死咁就由佢劈，反正自己已經盡力減低危險性，要中我都冇佢符

完走感動之旅結束，覺得自己好好運，無論係人同景都完美timing…實在冇嘢好講


想講多樣嘢，Solo trekking其實都唔簡單，請各位量力而為，而樓豬今次就明白到自己太多不足，下次再solo一定要再計劃好啲


人在火車上，今晚安全返到住所再詳細用相同文字update大家

咁都頹樓豬除咗山屋包嘅正餐，陣係食過一餐晏晝因為唔想用咁多錢，窮撚師經常咬bar食gel當一餐

行完一次就會想再行㗎啦

成日話意大利人閪係因為香港人大部份都只係去北意d大城市+羅馬
愈郊外 or 愈南部既意大利人就愈友善熱情同好客

好似係

省錢協會
幾錢一餐呀如果要食

lm

想講呢幾日前後左右都係山，已經分唔到邊座打邊座

如果正餐就就8-25歐都有，通常8-15歐就係早餐，晚餐會貴啲我食咗個鹿肉意粉（好撚好食）要13歐

我會輕食啲甜品或者頭一兩日有飲杯嘢咁，都係5-6歐

順帶一提，山屋包嘅晚餐係唔會包你餐飲，要飲就要額外加錢（3-6歐）但啲餐飲係你未見過，味道好正值得一試

Day 5續

行多個幾鐘，喺就到Rif Mario Vazzoler前，突然遇到一大班羊群眼甘甘咁望住我前方隨即傳出狗吠聲，原來有隻牧羊犬喺度趕羊啲羊即刻衝走哂，咁嘅景色真係第一次見



隻牧羊犬好乖咁俾我影相又跟住我尾，直到佢主人喺遠方叫佢突然就衝返去主人度，好搞鬼究竟山上工作嘅人係點生活嘅呢？好想試下



喺山屋食夜晚嘅時候同咗一位德國叔叔吹水，點知好投契一吹就吹咗2個半鐘原來佢啱啱去咗玩我望住嘅個座Mount Civetta嘅Via Ferrata

(即係險線，險線喺Dolomites有分載個頭盔就行得嘅線，同埋極難需要運動攀登技巧同裝備嘅線）

痴撚線落雨又濕嘅天氣佢都夠膽單挑以下圖示上Mount Civetta有兩條險線，而佢挑戰個條就係長啲難啲個條




而竟然呢種天氣之下，險佢話線上嘅山屋都有4個人（險線上都有險線嘅山屋）山上面真係咩人都有

同佢傾咗好耐德國同香港嘅嘢，第一次咁深入哋同一個歐洲人吹水，聽完佢講更多有關德國嘅事，更感嘆制度嘅分別呢位叔叔話喺歐洲，啲人基本上想放大假就可以放，得閒又可以由德國嚟轉Dolomites，聽到我一舊雲



就係咁，呢日真係充滿回憶嘅一日

張卡通圖好得意
佢哋齊裝上險線嘅 唔會好似腥港啲人咁攞膽零裝玩險嘢

一陣會po多啲山屋相，每間山屋都好靚好別緻同日本嘅山屋又有啲唔同，歐洲比較細間溫馨，容易同人有交習