好後悔帶隻貓睇左呢間診所，睇番之前d comments+問朋友發覺原來佢地對易緊張嘅貓真係冇乜經驗
帶隻入屋冇耐嘅流浪貓睇醫生，本身隻貓都好乖可以摸，不過我都擔心去到新地方會緊張，見佢出左黎開始緊張，就問醫生佢地有冇洗衫袋，點知冇，之後我話隻貓可能會緊張佢地先用毛巾包番，但捉唔實最後隻貓係咁衝撞跌哂d野，好彩係冇受傷。
醫生同我講話如果知隻貓係緊張嘅，佢地會叫主人入左洗衫袋先，但係我打去約嗰陣姑娘都冇問過呢d資料，我又唔知佢地冇足夠設備（睇過其他幾間診所都會有洗衫袋，呢間係第一次睇唔知佢地冇）
我多謝姑娘最後幫手捉番隻貓入籠，隻貓整跌哂d野我都好唔好意思，同埋見到隻貓勁驚我都好心痛
但我睇番之前一d評論發覺已經唔係第一次係咁，其實診所買番個洗衫袋好難咩？貓咁敏感，就算本身好乖嘅貓都有機會太驚亂衝亂撞，買定個洗衫袋備用應該唔難？
作為主人我有責任確保隻貓嘅安全，所以一開始冇問清楚佢地有咩設備係我問題，但診所其實都可以提一提主人呢d注意事項。
同埋診所係有責任提供一個安全嘅環境俾動物睇症，而唔係就咁放哂d玻璃樽嘅藥出黎有機會俾動物撞跌，作為一間開左咁多年嘅診所呢d係好低級嘅失誤，動物冇事係好彩，如果佢亂衝亂撞嘅途中踩到d玻璃碎咁點？同埋如果姑娘覺得自己會捉唔實隻貓就直接講睇唔到，而唔係捉唔實攪到隻貓亂跑撞跌d野但最後將責任推番去主人身上。
診所俾我嘅感覺就係醫生同姑娘對惡/易緊張嘅貓都唔係好有經驗，我之前有d再緊張d同惡嘅貓都喺其他診所都順利打針睇醫生，未發生過類似嘅問題
最後因為撞跌左d藥要賠番千幾蚊，最好彩係隻貓冇事，但呢間野睇過一次就怕
