U23亞洲盃外圍賽 香港0：10烏茲別克　主帥向球迷致歉：感到羞恥

香港22歲以下代表隊正於烏茲別克出戰U23亞洲盃外圍賽，球隊於分組賽第二仗以0：10不敵烏茲別克，賽果及表現令主教練揚言感到羞恥。

港隊上周三（6日）分組賽首戰已吞伊朗三蛋，昨（9日）鬥上屆亞軍烏茲別克，在半場已落後0：3下，最終輸0：10，兩連敗後已肯定出局，周二（12日）晚上會鬥阿富汗，爭奪小組第三。

港隊主教練司徒文俊於賽後記者會的第一句，便向廣大香港球迷致歉，「我想向香港的支持者道歉，我對賽果、對球隊表現感到羞恥。」

他表示，港隊早段雖然曾成功以雙箭頭阻止對方從後場開始組織攻勢，但戰術至上半場中段已無效果，令球隊被逼改踢較保守的陣式。

他又指，部份港隊球員10日內需踢4場比賽，體力消耗下最後一場對阿富汗，或難以應付對方體力化的踢法。

值得一提，司徒文俊同是港超球會「香港U23」的主教練，該球會於2021年由現任足總主席霍啟山創立，志在培養年青球員，當中包括為港隊備戰U23亞洲盃外圍賽及亞運。

今次港隊成員中有10位現役「香港U23」球員，而龐焯熙、陳潤潼、林樂賢亦曾效力該隊，但成績仍未如理想。

「香港U23」營運至少3季的承諾於今季尾終結，季前被問到球會來季會否繼續征戰港超，霍啟山曾稱季中會由足總董事會檢討，並咨詢其他港超球會，決定球隊來季去向。

洗左咁多錢，倒頭來又係咁垃圾

十個人沿住禁區邊死守，照計都輸唔到十球咁多掛

唔緊要

打901無可能輸10粒

香港已經淪為澳門隊

本身買左佢諗住支持下 輸咗都覺得唔緊要 但輸得咁樣衰就真係幾醜

其實烏茲別克青訓好勁。。今年u20世界杯入左8強

16強先啱

打唔到901，司徒蛇冇揀到防中入去

心態好差

u23 已經係球員黃金時期，好難想像第時大國腳會係點

陳潤潼咁嘅料仲大港腳

上一代徐宏傑羅梓駿u23已經坐穩主力

學界搵11個人去踢都未必輸10:0

中國香港足球隊

廢撚到連埋港超執左佢算啦愈攪愈廢

無眼睇

多謝班進攻足球膠捧到班港腳心雄以為自己真係有料

魚腩唔該比返啲魚腩既樣出嚟 乖乖地泊大巴

唔係咁易
烏豬求其吊個高波入去都頂得入

係咪又要輸少當贏 雖敗猶榮

40:0不是夢

根本無料打進攻足球，睇下港超就自high以為打得起 反入藉果堆仲好笑 唔用鬼輸多10球8球啦，依家U23全本土啦開心未