【護膚品選購攻略】你宜家用緊嘅產品係咪真係啱用？（5）

你要去黃、退紅、提亮定遮瑕？物理定化學？

Skin aqua 好唔好用？

Skin aqua nexta 幾好搽落唔似防曬
但佢成份d防曬劑濃度好似好少 雖然話spf 50 pa++++ 但我唔信 所以想試其他

同Biore 似, 搽落唔似防曬
你個隻有冇色?

我係巴, 我就快用晒biore, 想問有咩有色防曬岩用.?

你要去黃、退紅、提亮定遮瑕？物理定化學？

去黃、遮瑕 多~~
both 物理 化學 ok 呀

無印 防曬調色妝前底霜 紫色 SPF50+ PA+++
ONLY MINERALS 礦物美肌飾底乳 紫色 SPF27 PA+++
WHOMEE 調色底霜 紫色 SPF21 PA++

如果要退紅就用藍色，紫色會紅上加紅，無印同WHOMEE都有
塊臉唔紅千祈唔好用藍色，會好似青鬼
遮瑕度要自己實測下，唔夠就遮瑕液搭救
調色防曬始終遮瑕力有限

分享下自己用法，我同時用緊無印紫同藍，因為我有皮薄微絲血管明顯嘅泛紅問題

精華後直接搽兩層藍色，每層五毫子左右
搞到成臉青曬蒼白之後，再臉豬鼻頭高光位搽一層紫色補番血色

就咁睇個成份表頭個幾個都唔係防曬劑

調色提亮版物理防曬：酸化亜鉛、酸化チタン
原版混合：ビスエチルヘキシルオキシフェノールメトキシフェニルトリアジン、メチレンビスベンゾトリアゾリルテトラメチルブチルフェノール、ジエチルアミノヒドロキシベンゾイル安息香酸ヘキシル、酸化チタン

Po錯圖呢個先岩
https://jp.rohto.com/skin-aqua/nexta-essence/

ビスエチルヘキシルオキシフェノールメトキシフェニルトリアジン、エチルヘキシルトリアゾン、メチレンビスベンゾトリアゾリルテトラメチルブチルフェノール、ジエチルアミノヒドロキシベンゾイル安息香酸ヘキシル、酸化チタン

Tinosorb S, Uvinul T 150, Tinosorb M, Uvinul A Plus, Titanium Dioxide

落齊曬幾隻唔同波長嘅紫外線吸收劑肯定有SPF50

https://en.m.wikipedia.org/wiki/Bemotrizinol
https://en.m.wikipedia.org/wiki/Ethylhexyl_triazone
https://en.m.wikipedia.org/wiki/Diethylamino_hydroxybenzoyl_hexyl_benzoate
https://en.m.wikipedia.org/wiki/Bisoctrizole

如果係足夠就好
呢隻好用過所有我用過既貴防曬
唔會乾唔會泛白唔會悶到生瘡
我上個月去日本由朝到晚日頭補左兩次夜晚機冇洗面番到香港都冇生瘡

考慮緊用origins定peter thomas
其實個list上面嘅product分別係唔係唔大？

都有分別

origins個牌子行香薰療法草本萃取路線，好視乎你中唔中意隻精油組合氣味，中意就會好放鬆使用感佳，覺得臭就少折磨
origins落好多好多複合草本萃取，優點係全方位多功能大包圍，缺點係敏感肌發炎肌不友善
origins都幾重精油，一方面係為調香，另一方面為療效，但係重精油未必個個受到

PTH就唔臭都偷笑，胜肽濃度係origins嘅八倍，種類係三倍，冇易致敏植萃或精油
胜肽精華要臭可以好臭，始終搽落塊臉，鼻哥窿就喺正度直接刺激
但係刺唔刺鼻好個人，有巴絲包膠TO藍銅同SKII好似洗腳水，我又覺得TO冇咩味而SKII幾有米香，鼻哥好c伏

https://dermalogica.com.hk/products/neck-fit-contour-serum
想講呢隻胜肽頸部按摩精華真係好臭
都唔知係佢啲胜肽臭定精油臭
本身打算母親節做禮物，試完即刻打消念頭，莫講話按摩，連搽上頸都頂唔緊

至於質地同吸收速度要落sephora實測先知，會唔會同本身用開其他精華打交出擦子膠都要試咗先會知

origins同PTH呢兩隻孕婦都唔啱用

有冇邊隻冇咁臭

日本黑科技防曬，架仔不斷開發緊新防曬劑配方，與時並進，冇舊時嘅咁刺激同影響荷爾蒙
原料係德國研發，配方係日本開發，軸心社畜工作狂強強聯手
醫藥真係架仔強項，諾貝爾攞到手軟
Skin Aqua母公司樂敦（aka曼秀雷敦）又係日本首屈一指嘅大藥廠，用曬本國尖端科技領先世界都好合理
歐美品牌好多都仲用緊舊果代證實咗會影響內分泌嘅化學防曬劑
不過新防曬劑冇長期觀察報告，副作用都講唔定，美國FDA唔批准用，啲西方廠商自然唔研發

天秤一邊係肯定有事，另一邊係未出事

臭唔臭好個人
天拿水都有人覺得香
食煙嘅覺得二手煙唔臭
去香水post睇下就知冇萬能key

或者我應該話邊隻最無味/最淡味
因為我對氣味好敏感 無論香定臭都會刺激到個鼻

咁origins肯定唔啱你
sephora有大部分提及嘅brand，擠出嚟聞下穩陣

240p唔係好睇得出發生咩事

佢好似豆腐花咁，定咗形，搖佢都唔冧

有冇油水分離或者豆腐渣？

無分離，無渣
掂落去都似cream嘅，但在container入面係“瓊”住哂咁
因為睇YouTube，人哋開係普通night cream咁，顏色都無咁黃
第一次買唔識

外盒有冇批次號碼或者生產日期
如果係臨期貨，影到顏色唔同，亞馬遜應該會換貨

係，已經話咗會寄replacement 比我
外盒有lot no，生產日期應該無
只有lot no 可唔可以check到？

search 到：Production date 2022-09-12
應該唔係擺太耐唔係過期
所以咁嘅狀態係正常 ？

想問已經用緊Differin, 仲可唔可以用埋胜肽精華?
會唔會太多

擺咗一年可能個倉好熱