[突發］Tomfatki肥仔宣佈退團（2）

B612星球的小王子 2023-09-05 00:52:07

推

黃色雪糕 2023-09-05 00:52:20

推

HI1998 2023-09-05 00:52:29

我知道呢幾日福正搵過好多人，想搵我出黎，首先我想同大家講我安全，令大家擔心我好對唔住，我性格需要好長時間去消化一d對我打擊好大既事，多謝大家體諒

我決定退出tomfatki

福正係中學開始認識既，我最好既朋友，以前成日周圍去玩成日係條街諗橋，果陣真係好開心，後來有埋阿奇，我地三個一齊成長，到後期認識埋何圖東城一丁 Billy Gary ，我地一齊玩，一齊做野，仲越黎越多人鍾意我地。果陣我地唔理有無人睇都好，最緊要係我地成班Homie一齊做作品

到早兩年疫情開始，我地完全失曬方向，果陣時福正開始同肥蛙拍拖，我知佢比左好多意見想法我地，提出左一d可以係studio拍到既方案，令到件事可以繼續發展落去，我知果時需要行動力，但係肥蛙成功既方式同我地成班Homie成功既方式係一定唔同，無辦法將佢既方法複製落我地到，但係我尊重，因為福正除左係tfk之外，都係一個男朋友，我明白點解要提出呢d方向，所以我同阿奇一樣，選擇左迴避同沉默，唔講傷害左大家關係既說話。我好感激你地既付出，我同阿奇因為個人感受拒絕，其實我地都好慚愧，要你拉住我地行咁，對唔住

而時間越黎越耐，大家既核心思想唔同左，以前係成班人去邊到演出都一齊係好開心，後來福正覺得越黎越多人加入我地係壞事，會分薄左利潤，但我最享受既係一班人一齊玩一齊做野，而且我相信我地一班人力量大咁多，可以做到既野亦都唔係我地三個自己可以做到既，反而有機會可以令我地行得更遠，何圖東城一丁 Billy 佢地幾個好支持我地，我都好想努力回饋番比佢地，做到好成績大家一齊上

年頭大家去日本，我以為可以修補到大家團隊關係，我地有機會real talk，講左好多收埋係心入面好耐既野，當時真係以為我地好番，可以好似以前咁繼續一齊玩一齊做野，但係一返到黎香港，所有係日本傾既野都好快都打回原形，呢一下我真係深受打擊，而且我自己屋企都發生左d 事，真係處理唔到咁多野

兩次演唱會，我地都要面對有成員覺得我地漠視過佢既意見，提出退團，呢個決定都令我好心痛，兩次每個部門都做到無覺好訓，點解可以一句話唔黎就唔黎，而你覺得我地對你做成傷害既感覺，對於我黎講更加係一種痛

導致我地唔可以再繼續玩落去，係當我地發現原來有自己人一直容許女朋友登入佢既WhatsApp. 一直監視住我地個group同其他對話，而我地全不知情，嚴重侵犯我地私隱，發現左之後我地根本唔夠膽再繼續溝通，就算見面傾，竟然唔係錄音就錄影，我見到一個最親既兄弟做到呢一步，我除咗嬲到唔識比反應，我甚至會反思究竟我地係咪真係對你咁差令到你會咁，我個人係內向，好多野唔識表達，但我好珍惜我地既友誼，我想一班人一齊做歌，一班人一齊拍片，一班人一齊進步，咁先係對觀眾最好既回饋

TFK無辦法再行落去我好心痛，好唔開心，收埋左自己一段時間，今次應該係我打得最多字既一次，我都唔想搞到咁，但我更唔想再繼續咁，對唔住各位，希望大家體諒

就是爛 2023-09-05 00:52:55

同埋就算肥仔真係有叫又點