【颱風追擊】2309號熱帶氣旋蘇拉(09W)+2311號熱帶氣旋海葵(10W)+2312號熱帶氣旋鴻雁(11W)#36

因為個天文台長太勁 , D 風知條撚樣就算吹正都係掛三號唔L 來

東面好難掛到

海葵依家仲算唔算一開初報個種巨型颱風

有呀 特別係8轉3個陣
純粹覺得追完咁多日 生活少左d野咁
好似旅完行咁

凡亞比

而家上唔到啦

勁過天鴿邊忽廢風

廢風 同山竹完左陣樹界降臨個個場境無得比
破壞力隨時廢過黃雨紅雨

蘇拉死因有啲關行得太慢事

睇返原來呢個slot就嚟有第四個名

電白係每個南海tc嘅最終歸宿

有傻人話佢同佢大部份啲朋友覺得只係普通八號
Data tells the truth

其實正常有留意開風嘅人都知道蘇拉根本就係合格有餘嘅10號波

所以唔需要太過注意廢風呢啲字眼 純粹係啲垃圾波台狗入嚟搞事

海葵而家係咪穩定西北西緊？

係 行緊25

我覺得呢啲都係值得討論嘅

1-5我都同意

但我個人嘅睇法係1號風球天文台其實真係要跟返足來做（入800就掛），起碼可以比更加多時間應對。

而第5點可以補充少少，我覺得今次掛8號嘅時間已經係好好嘅安排，其實早掛幾個鐘同遲幾個鐘都冇太大分別，但如果跟返風力開始上升嘅時間掛嘅話（大概係中午1:00-2:00，如果我有錯請指正）絕對會令到路面大混亂，而落波係放工時間都唔會出現復工嘅問題。

而本身8號風球已經有預料嘅意思（香港近海平面處現正或預料會普遍受烈風或暴風吹襲），所以8號風球本來就係警惕市民大眾，雖然你話會令到市民輕視，但喺政府同埋天文台嘅勸喻之後仍然外出嘅市民（唔計必須返工嘅人），你覺得佢真係會理會颱風帶嚟嘅潛在風險？至少喺我身邊嘅人今次係準備得非常充足防風措施，所以都未必代表佢哋會輕視8號風球

喺天文台嘅角度（假設同商界冇關係），必須保障市民大眾嘅利益。例如當初洛克掛8號風球就係因為南海實測有烈風，加上同香港非常之近距離，根據當時擁有嘅資料，掛8號風球係合理嘅決定。雖然到最後錄唔到烈風，但起碼有一部份人都會做防風措施。

不過最大嘅問題其實都係市民會利用自己嘅主觀感覺去評估一個颱風嘅威力，正如住喺沙田嘅一樣會話山竹係廢風，呢啲都係無可避免。

#sor for 1999

有 會想keep住咁既情況 雖然好仆街 但感覺真係好正 我都唔明

首先多謝你嘅回覆，我覺得認真討論好難得
而家完咗場真係可以交流下意見，而唔係流於廢風前廢風後嘅41版廢話



我同意8號風球有預料性質，呢方面可能我未有充分考慮，我消化一下巴打嘅講法再考慮自己原本嘅觀點

早掛遲掛幾個鐘方面，或者可能係我吹毛求疵（其實都真係好 judgement call 嘅）— 我自己覺得近日出時分掛會比較合理，亦免除通宵返工都冇得早放嘅人放工無車搭嘅問題（有地鐵無巴士），當然前提係如果8號風球需要考慮咁多社會因素的話。

落波方面，當然避免復工混亂係出於好意。但始終熱帶氣旋警告喺風暴過後，唔再有預警性質嘅時候，我相信應該盡量準確地反映實際風勢。

其實講到尾我諗都係老生常談，就係熱帶氣旋警告信號同停工停課係咪應該分開決定嘅問題。


補充多一點啦，頭先可能講漏咗 — 我上面寫嘅comments無意貶低天文台喺今次風暴嘅努力同埋整體處理得當。可能因為上面5點有3點傾向負面，大家覺得我嘅意見整體係負面，但其實唔係。事實上，風暴預測係一樣好無確定性嘅事，我亦相信天文台盡咗最大努力，達致今日嘅成果。
我認為天文台喺處理警告信號方面嘅問題或者隱憂，根本原因係出於警告信號嘅定義牽涉客觀準則，但運作上牽涉過多主觀判斷同埋社會考慮。
相反，我唔同意批評天文台所謂「錯誤估計」風暴潮嘅講法 — 喺呢啲strictly基於數據同埋科學分析嘅層面，即使最好嘅預測系統同埋最有經驗嘅預報員都會有偏差，「天有不測之風雲」。

記憶中貝姬係好勁，甚至有少少感覺不亞於約克

97維克托、99瑪姬、08鸚鵡都係臨門減弱
03杜鵑就埋到嚟北跳，09莫拉菲就略略偏北

反而約克同韋爺喺南海停滯再埋岸增強同爆發都係意料之外

想問2312 而家喺邊
天文台app未見
係吹呂宋定沖繩？

今次蘇拉反而就係南咗0.1緯度
如果北番0.1 隨時風力勁過山竹
結論：香港是福地

唔係責任範圍
App 得路徑概率

比人話弱十呀

果啲人話知你吹冧棟樓都會話廢風弱十