1962年9月1號，颱風溫黛正面吹襲香港，超過180人遇難

1962年有冇風膠？

迷信撚: 鬼門關大開，必有異象

而家咁多高樓大廈，水利設施又改善咗，變相風力會有遮擋，同時再冇咁多漁船，又減少咗好多傷亡

爸打提到618 再震撼啲，可唔可以講下第一身視角 ?

果時沙田真係得田

打風來來去去都係夏天月份
撞都唔出奇啦

淨係知1962年係香港史上人口湧入最多既年份

lm

應該喺新馬師曾

以前落後，去到千禧年油尖旺都仲係會大水浸，全靠董特首起好D大渠，自此香港應付颱風好好多

我住嗰到後面係山，面向司徒拔道，天主教墳場。6。18 前一晚已經落好大雨。後花院既泳池係黐住山邊。嗰日朝早發現原本乾涸既泳池已經滿晒水。大概十點幾，我亞哥大聲哎有石冧緊落嚟。我沖去窗口，見到泳池山上有舊十幾呎既石跣緊落嚟。唔使半分鐘，舊石飛落山撞爆泳池邊。差兩呎就會撞冧我樓下面牆。 面向墳場既石欄全部冧晒落街。
我姨媽重大鑊。 佢住旭龢大廈。我老母晏晝同姨媽講起嗰朝差啲俾冧山大石撞冧間屋。我姨媽仲話佢嗰度新起既就安全啲。 點知嗰晚十一點喺酒店打電話嚟話佢差啲無命。。 佢八點幾聽到boom一聲，望出窗口，佢隔離棟大廈冧咗。 嚇到即刻揸車去酒店。住咗兩個禮拜先敢返屋企。

全靠港英政府起好基建，關特狗咩事

爸打，我想問多少少其他香港歷史
想你用第一視覺描述一下
1962年，係大逃港時代最激烈一年
當時因為中國大躍進後餓死幾千萬人
廣東省開放左邊境比人逃亡離開
所以香港一兩個月內多左50萬人口
當年係香港，其實係知唔知道餓死左咁多人??
定係大陸官方信息都係歌舞昇平?
當時香港既人對於接收難民，態度係咪同情定反感?

當時HK人係無反感嘅。而佢哋好快就融入社會。七，八十年HK經濟起飛，佢哋係功不可沒。當然港英既法治同政策亦係主因。如果唔係差啲俾土製菠蘿炸死，我全家都唔會閃到美，加，澳啦

https://www.youtube.com/watch?v=E120-EQGQnI
https://www.youtube.com/shorts/IQ26EvvNqKw
https://www.youtube.com/watch?v=gENuPkUtBUY

咁我想問下
當年活在香港的新聞資訊
其實知不知道大陸正在爆發飢荒??
中共還是在官方大外宣到歌舞昇平呢?
多謝巴打
我好鍾意研究呢啲歷史
最好由第一角度講仲正

口傳就有。啲難民會同人講。我都聽唔少。但係無辦法証明。嗰陣我未識睇報紙。收音機得幾個電台。電視得麗的呼聲，好似無乜大陸新聞。後來我鍾意聽電台既回魂夜，大丈夫日記，十八樓C座。不過林彬俾左仔燒死之後就冇聽囉。

有個游水落嚟既同我講佢既經歷。嗰陣50,51 年。啲幹部叫晒附近幾條村既地主喺祠堂開會。佢同幾個𡃁仔喺附近山上偷睇。人到齊後，一隊人帶槍入去。最後抬晒出去。 幾年後，佢做咗生產隊長。個個都鬥報大產量。而稅係以產量上繳。好多上繳完都無得食。佢話上面話除四害 打麻雀，所以要捉哂啲麻雀。點知第二年蟲禍失收。

https://www.youtube.com/watch?v=17oo8VzzqTA

多謝分享

巴打家族屋企環境都唔錯
多謝你講咁多野俾我地知

我哋咪係佢哋嘅窮親戚囉!

618 嗰陣家父住秀茂坪，冧山泥後去左現場睇熱鬧，之後就大病一場

大蓄洪池全部都係特區時代興建，港英政府完全不作為，去到九七年一到夏天就四處水浸

嗰陣我喺淺水灣見到五花大綁浮屍
https://www.facebook.com/vanishedarchives/posts/2447751278648351/?locale=zh_CN
【浮屍】
大規模的浮屍從大陸漂來是1968年中的事。廣西悟州、肇慶武鬥，不同派別動用槍械，將敗將五花大綁再丟下海。這之前是1967年6月廣州械鬥，8月有「#屠殺勞改犯事件」。當年的港聞記者合伙租船出公海拍攝，各人共同分擔費用。
六七暴動時出任《#華僑日報》採訪主任的張鼎光，今年87歲，當年他曾經密集地和行家出公海拍攝浮屍。以下是他的記錄《縱橫報壇半世紀》頁68-69
港海浮屍累累 具具五花大綁
67年四、五月間，正是大陸文化大革命，鬧得如火如荼之際。一日清晨，本港大嶼山附近，海面一帶突然出現多具「五花大綁」的浮屍，隨海漂流，屍首有男有女，他們都是雙手被麻索反綁，並繞過脖子，身上有子彈傷痕，似是被行刑造成。水警接報後，立即派出多艘水警輪，前往打撈。
我們聞訊後，以事非尋常，立即僱船出海採訪。談到當年僱船出海採訪，是一件大事，因為僱一艘可以出海的機動船，費用以小時計，起碼要幾百元，差不多一位高級記者的月薪。因此，同行們遇到此情況時，大家都會約同，平時多有來往的行家，合伙租船，分擔費用。因為這類新聞，都是公開的，無獨家資料可言。故大家可商討如何分工，合作採訪。這是我們那輩記者，彼此能建下深厚友情。出海後，我們也毫無頭緒，大海茫茫，何處尋找到拍攝的對象呢？真是大海撈針。唯有聽船家的經驗，循著海潮的流向，由本港海域，朝著珠江口方向尋找。因為我們估計浮屍，極可能從大陸方面漂流出來的。首日，花去大半天，無功而返。祇好重新計劃採訪。而警方卻連續接報，發現多具男女浮屍。因為海上船隻發現浮屍，立即向水警報案。我們靈機一動，認為祇有能隨水警輪出海，才可以拍到打撈浮屍的圖片。於是乃向警方求助，終獲答允記者，在接到發現浮屍消息後，可跟隨水警輪出海，採訪及拍攝打撈浮屍新聞。這是絕不好受的採訪，因為屍體，在海上已漂流了一段時日，已開始腐爛，發臭，有些更被輪船，撞擊或遭縲旋機打過，傷痕累累，狀甚恐怖。因為參加過一次採訪的記者，回來後，被此恐怖情況驚嚇，吃不下噎，也不能入睡，大都不願再被派往，擔任此項工作。
每一具浮屍都是遭「五花大綁」，由衣著觀看，都是大陸人，有男有女，他們極可能是，當年文化大革命時期，被紅衛兵行刑殺害，棄屍河中，隨水漂流出珠江口，進入香港水域，被漁民或途經船隻，發現報警的。在那些日子中，港海共發現數十具男女屍體，（數字可能不祇此數，有些可能已流出大海，又或屍沉海底），但卻苦了一群突發記者，有幸參加過採訪的記者，會畢生難忘啊！

https://www.youtube.com/watch?v=KqxE0uS5GjM
https://www.youtube.com/watch?v=z82wgcNyI94
https://1967riot.wordpress.com/tag/浮屍/