唐記點心啲人係咪當我哋香港人係唐氏？

小弟做過唐記包點食物廠
做左3個月quit左
食物廠即係唐記主要生產食物既地方
簡單講 唐記d鳳爪、包餡、排骨、鵪鶉蛋、章魚等全部都係廠度整完再運去唔同舖
地點係觀塘某工廈

1）食物污糟
唔好以為唐記舖面簡潔乾淨就以為好衛生
事實係廠到試過d排骨、肉類掉落地下，跌左係坑渠蓋上面，佢地就咁用手拎起掉返落去 我就會用水沖下先放返落去，因為掉左佢會比人鬧，但我都覺得好仆街

2）唔戴口罩
工廠嘈係人都知，我地同事傾計都要大大聲，距離又遠，成班大老粗口沫橫飛，不過呢個唔算太影響衛生，輕輕帶過

3）滴汗
唔講唔知，唐記嘅鳳爪仲用緊人手去撈，將醬汁同鳳爪撈埋一齊。大熱天時工廠冷氣雖然唔算好細，但勞動起上黎大家都大汗淋漓，而撈鳳爪係要烏低身撈嘅，見過幾次d同事下巴尖d汗一滴滴咁滴落鳳爪度，從此唔再食

4）去完廁所唔洗手
大家都知好多廢老/大陸人去完廁所都無洗手習慣，恰好我做緊個陣廠度有8個男同事，7個都唔洗手 剩低嗰個就係我，當然我有洗。睇住佢地屙完屎尿唔洗手就去掂d肉，

仲有好多不能盡錄
我知做飲食一定會有呢d事，會有巴打話「間間餐廳都係咁架啦」，但係小弟都做過幾間食肆，當中以唐記最差，而元氣衛生程度最高。如果想問元氣，遲d得閒有機會就開po講。

我只係想話真相比大家知，唐記好唔好食好睇人，但衛生一定差。