懷疑抑鬱症

大家好，最近懷疑自己患上咗抑鬱症，應該去搵咩醫生睇同點去搵醫生睇？有啲無助，又好驚俾身邊人知。

可以試下約見輔導員先

https://sites.google.com/bethelhk.org/bpcc/service/register?authuser=0

其實真係好普遍
如果未係好影響日常生活
試下搵信賴嘅朋友或家人傾下
睇下除咗食藥以外有乜選擇
如果真係影響到生活
甚至有少少唔想生存
就搵個精神科睇下

通常都要三兩千蚊睇一次

政府普通科門診轉介政府專科
價錢平但要排期

私家精神科
貴但唔使等

呢鋪我撐你
有人傾
講出嚟係非常重要

https://www.hk01.com/%E9%9A%B1%E5%BD%A2%E9%A6%99%E6%B8%AF/924109/%E8%87%AA%E7%99%92%E4%BF%82-%E7%B2%BE%E7%A5%9E%E5%81%A5%E5%BA%B7%E6%80%A5%E6%95%91%E5%8C%85-%E7%9C%8B%E7%B2%BE%E7%A5%9E%E7%A7%91%E9%86%AB%E7%94%9F%E7%9A%84%E6%B3%A8%E6%84%8F%E4%BA%8B%E9%A0%85%E5%8F%8A%E6%B1%82%E5%8A%A9%E8%B3%87%E6%BA%90



可以睇下呢個

其實抑鬱比你想像中更多人有同平常
唔係啲咩難開口嘅問題, 如果情況許可， 可能同屋企人講講？
有需要就去睇GP再問問拎referral

我就係搵唔到人傾，因為我唔想佢地擔心，我唔想因為自己既軟弱令到老婆、囡囡同身邊既人擔心...但同一時間我呢排既情緒又極之唔穩定，我好驚長久落去會影響埋家人之間既關係。

我都有少少同樣問題

以為我開post

知道自己需要人幫手已經做得好好👍

你覺得自己有咩症狀

開始去到有自我毀滅既想法

首先list out哂你近期嘅煩惱同困難先
再每一個細項睇下
其一 自己真係面對緊 可能係adjustment disorder
其二 自己FF最壞情況出黎 未發生亦冇咩可能發生 但無時無刻都諗起 可能係depression
Adj & depression 2者都有可能
如果情緒真係處理唔到 建議盡快求醫

傻啦 你諗下如果掉返轉係你老婆囡囡係咁樣 你寧願佢哋收收埋埋定同你講先
你唔想佢擔心時 佢都想成為可以支持你嘅力量架嘛一家人有咩唔可以一齊面對？
不過都理解你嘅concern嘅 你會主動向外求助係好值得鼓勵的 如果驚出去面談很貴 會唔會考慮下啲可以online傾傾嘅platform探下路先？如果ching英文counseling都接受到 可以睇埋外國報價格下價先wor

唔使太擔心先，呢個問題係香港，絕對比你想像中普遍，有呢個問題嘅亦唔係異類。
我都係最近發現自己有事，食左個零月藥己經穩定返好多。
我明白由發現、接受自己、睇醫生、接受食藥、向別人坦誠去傾自己嘅狀況，每一樣都係好大關口嚟嘅。
唔使驚家人接受唔到，真係愛你嘅人係唔會因為情緒病嫌棄你嘅。
雖然我伴家人開頭都會不知所措，但好快佢哋就Pickup到，仲好快同我一齊面對。
香港男人，習慣孭起所有嘢自己解決，我都係咁，明嘅！
但咁樣落去遲早出事，反而有時舉手話自己搞唔掂，會令你減輕好多壓力。
你而家有無面對咩困難？例如：想初步測試自己狀況？唔知搵咩人幫你？唔知點入手睇醫生？講嚟講吓先。

你好!
在你的文字中感受到你正面對着很大壓力和愁煩。自己一個人承受着，真的不易。如果你不介意，讓我們陪伴你一會，好嗎?
你可以進入網站內的『Chat窿』 https://chatpoint.org.hk/ （星期一至五：下午4時至凌晨1時；星期六、日及公眾假期：晚上８時至凌晨１時），和我們的義工傾傾吧。

我們願意聆聽你的心聲，伴你一起走過這段艱難的時候！

應立即去急症室

急症會受理？

受理，先會接受觀察，上病房，當值精神醫生會見你

其實有抑鬱症唔代表你軟弱ar，就好似感冒咁，凡是人都有機會中招咁。所以唔好怕，最重要係找醫生去睇睇，等醫生去判斷你的情緒情況。其實同家人坦白溝通都好重要，你要俾機會佢地去幫你，如果你唔講，有咩事發生佢地都冇法子儘快去幫你AR，到時你家人可能會好自責的。

好少見連登一個post入面咁溫馨