今日個00後同我講未聽過「柯可」呢個字

偽正字
康乜鳩熙字典啫 個字典咪話讀段囉 徒玩切點撚樣有個wo1音 係都係揾廣韻啦

你好out 唔似我咁in

屌 8 90後都唔講呢d啦

即係依家話d野好kick一樣意思

唔係解奇怪咩

如我知錯...

嗚呼（a-ha）

但要用上古漢語讀

而家啲所謂正字，就係翻查幾本古典大辭典，搵到個生僻字發音相近，字義有得扭，就話係正字，字源演變呢啲佐證完全欠奉唔緊要，貼得上網自然有人廣泛流傳，唔係都變係

一頭話保育廣東話
另一頭就嫌啲用語古舊，阿爺嗰代先用
呢舖真係窩可嚟計

係 我地00後講開oldschool

唔知你係根據乜嘢話 wo1/wo5 作「毈」同埋 wo1 ho2 作「贕毻」，到底係引述文獻是原創研究？

我首先搞唔清楚嘅係，究竟你係想講「鍋可」係寫做「贕毻」？定係想講寫做「毈毻」？因為你一開始話：

樓主原文應該係講「贕毻」
細個聽人讀 鍋可 （wo1 ho2)，主要理解係指一啲野唔成事，達唔到理想結果。

咁即係「贕毻」啦？但之後你又話：

好，再重溫一下個WO字點寫：
毈

贕從「𧶠」，毈從「段」，係兩個完全唔同嘅字，讀音亦不同。

但你之後引經據典講 毈 字點解，咁我先假設應該係 毈 啦。咁照我睇，要證明「鍋可」寫做「贕毻」，起碼要解決以下問題：

1. 讀音問題。

「贕」根據你所引嘅字典解釋：

「【唐韻】【集韻】徒玩切，音段。【說文】卵不孚也。【玉篇】不成子曰毈。【淮南子·原道訓】獸胎不贕，鳥卵不毈。【高誘註】胎不成獸曰贕，卵不成鳥曰毈。【揚子·法言】雌之不才，其卵毈矣。【張華·禽經】鸛，水鳥也。伏卵時數入水，冷則不毈。 又【集韻】杜果切，音惰。義同。」

呢段解釋係嚟自《康熙字典》，本書畀咗兩個讀音，(1) 徒玩切，音段 (2) 杜果切，音惰。《康熙字典》直音一般不足為訓，不過呢兩個例子照用直音係 OK 嘅。徒玩切音段 [dyun6]，杜果切 即係 徒果切 音 惰 [do6]。問題係冇一個音係讀 [wo5]。係，杜果切今讀 do6 係濁上變去結果本讀上聲 (即 [to5] 妥)，但都仲爭個聲母，大纜都扯唔埋。解釋唔到音變原理，個寫法就流於穿鑿附會，唔見得比「窩可」「鍋可」合理（窩可都叫啱音）。

2. 點解 wo5 = 贕 代表 wo1 ho2 係 贕毻。

呢條 thread 講嘅係 wo1 ho2，樓主問及此詞寫法，你覆話係「贕毻」。但你成個焦點都集中喺「贕」道，講緊嘅其實一路亦都只係 [wo5] 嘅讀音同你認為嘅寫法，而冇任何說明去解釋點解個 [wo5] 係同 [wo1 ho2] 有關連。

3. 點解 wo1 ho2 個 ho2 係「毻」。

我學你引《康熙字典》話：「【廣韻】湯臥切【集韻】吐臥切，𠀤音唾。【博雅】解也。謂鳥獸解毛羽也。【揚子·方言】隋、毻，易也。【郭註】謂解毻也。【郭璞·江賦】產毻積羽，往來勃碣。【註】毻，音唾，落毛也。與𣮆同。【庾信·老子廟應詔詩】毻毛新鵠小。 又【玉篇】他果切，音妥。又【廣韻】他外切【集韻】吐外切，𠀤音蛻。義𠀤同。」此字有三讀：湯臥切 音 [to3 唾]，他果切音 [to5 妥]，他外切音 [teoi3 退]。首先都係嗰句，三個音都同 ho2 有頗大距離，點拉到落個 ho2 音道呢？

4. 「毈毻」意義問題。

你話（wo1 ho2) 寫做「毈毻」，繼而根據字典解釋話「毈」係「以為隻蛋可以孵到雀仔，點知後尾戇鳩鳩生勾勾，毛都冇條。咁就係WO咗」。但同樣以字典為據，「毻」個解釋係「謂鳥獸解毛羽」，又或者據《廣韻》，解釋係「鳥易毛也」（《康熙字典》話三個讀音「義𠀤同」，係三個讀音都係咁解法）。好嘞，「贕」係「雀仔毛都冇條」，「毻」係「雀仔換毛」，點解雀仔「毛都冇條又換毛」可以解成係件事衰咗、玩完呢？（其實「毛都冇條又換毛」唔係好啱，個解釋應該係「孵唔到雀仔嘅蛋嘅雀仔換毛」）

我就見 wo5 作「毈」喺《粵語同音字典》(1974) 有提過，原書「𢰸」字釋云「粵字，敗壞：『𢰸蛋』。俗又借毈（本音段）代用，因《集韻》又音惰，義同，與和之低上聲相近。見《俚語俗字攷》及《廣州方言研究》。」原書冇提《俚語俗字攷》、《廣州方言研究》作者版次，《俚語俗字攷》唔知佢講緊邊本（佢參考書目冇寫），《廣州方言研究》就有兩本，但由於參考書目冇寫，唔知佢講邊本，唔知原文如何。但無論係點，佢都只係話「俗又借毈代用」，都係借字一個，既然係借字，又唔通用，何必標奇立異呢？

所以都係嗰句，究竟呢個「贕毻」邊道嚟，提出呢個寫法嘅人，又有冇解決以上種種問題？

呢個字《廣韻》徒玩切，都係讀「段」。

噉咪唔係wo1音囉

啊下

oho 之後要跟mukatte kuru no ka

然後就會有個18歲嘅大隻佬過黎同你隻抽

贕毻賀氣！可否爭翻一口氣！

真係唔識(._.)

原來又係孔仲南嘅《廣東俗語考》，下卷 P.14 廣東方言卷九釋性質：


但比起之前啲「正字專家」拎《廣東俗語考》出嚟「教正字」（但又唔引出處），今次呢個 wo1 ho2 變「毈毻」更加不知所謂。

（１）之前講過，毈 根本就冇讀 wo5 嘅基礎，孔仲南話「杜果切，音禾上聲」，講到好似「禾上聲」係根據「杜果切」得出，唔識反切可能會被佢誤導。當然作者喺凡例有話「…其亦有引廣韻集韻某某切者，所以證明語音與韻書相合之意，或聲轉聲變」，但首先「杜果切」同「禾上聲」一定唔係「與韻書相合」，至於「聲轉聲變」殊欠解釋，即係任佢噏，已為識者多笑。陳伯煇《論粵方言詞本字考釋》就有講到：


可見講「本字」唔係話咩都用「一音之轉」就可以帶過。

（２）好嘞，我就當《廣東俗語考》係廣東話正字權威。但「毈」隔籬就係「毻」，呢本權威天書話「毻」音「妥」喎？咁「毈毻」應該讀「wo5 to5」先啱噃，我畀埋你口語變調、畀埋你個妥者用返韻書個 to2 音，都只能係 wo1 to2，點 wo1 ho2 法呀？當然啦，你可以「音之轉耳」自圓其說，問題係，而家個「妥」音，唔係根據韻書而嚟，而係孔仲南用粵語紀錄嘅讀音嚟噃？

（３）同埋，我唔識訓古，但我覺得孔氏對「毻」個解釋非常牽強。佢話呢個字係「鳥獸解毛羽也，衰敗之象，故人作事不成曰毻（妥）。」佢個解釋嚟自「【博雅】解也。謂鳥獸解毛羽也」（康熙字典有引），但係同樣係康熙字典，呢個字嘅解釋仲有「【揚子·方言】隋、毻，易也」，另《廣韻》《集韻》都係解做「鳥易毛」。即係話，所謂「解毛羽」亦可以因為「換毛」，咁換完毛咪煥然一新囉，點衰敗法呢？如果你唔解釋點解換毛係錯，「解毛羽」後唔會生返，咁「毻」個意思恐怕只係斷章取義。

（４）於是，成件事似乎就係：先有孔仲南曲解音義，於是「毈」變成「單嘢禍(wo5)咗」嘅 "wo5"，「毻」變成「作事不成」嘅 "to5"；然後有人望文生義，穿鑿附會，認為「毈」「毻」都係「事不成」，wo1 ho2 又係單嘢衰咗，咁 wo1 ho2 實係寫做「毈毻」，於是又「考」咗一個「正字」出嚟，跟住就有人以訛傳訛，你 Google Search 「毈毻」就會見到有某樂隊用「毈毻」做歌名同歌詞（當然係唱窩可啦），有啲片仲好貼心咁「教」你「毈毻」即係「窩可」，原來音樂真係起到「教化」作用，真係厲害。

當然啦，「毈毻」究竟能否成為「正字」，呢個就好取決於大眾嘅知識水平嘞。大家可以睇下呢個 post 提出「毈毻」嗰篇文有幾多 like，應該可以略知一二，立此存照。

我上面引用過 1998 年陳伯煇《論粵方言詞本字考釋》，最後再 quote 一段簷伯慧寫嘅序畀有興趣嘅人參考：

我又試下穿鑿附會講下 wo1 ho2 嘅「正字」。嗱，其實 wo1 ho2 應該寫做「窩坷」先啱。點解呢？因為

窩：烏禾切，音倭，穴居也。
坷：枯我切，音可，坎坷也，凡人行不利曰坎坷。

嗱你諗下，一個人生意失敗，境況淒涼，非常坎坷，只能終日喺屋企自傷自憐。所以「窩坷」就用嚟形容事敗無成嘞。至於點解係穴居嘅「窩」？你試下用古人角度諗下，以前啲人係喺個窿道住家嘛！所以終日喺個窿道好坎坷，咪「窩坷」囉！

上面呢個穿鑿附會，唔單止意思解（扯）得通，連讀音都啱𠻹（坷讀 ho1 係今讀，本讀 ho2/可），話啲人住喺個窿道，更加暗示咗呢個詞由來已久。缺點係用字唔夠生僻，睇怕取悅唔到啲人嘅獵奇心態。

+1

我算是，在 住家艇，住咗十年，早背囉魚老。
其實上面回覆對 喎呵 解釋差不多

開鑊 有冇人知？

可惜呢啲學者之言，終歸都抵不過互聯網威力
就算個「正字考」理據幾咁薄弱，只要有人放上網，就會輾轉相傳。當對某個「正字」提出質疑，啲人就會貼條 link 出嚟就當證據，十年八載都唔使，就唔係都變係

廣東話、港語俗語嘅起源考據，都有相同現象