（AV女優Event遊記）三日，四十個女優，台北國際成人展TRE 2023

Hello兩個月冇見大家好我係喺8月頭啱啱去完台灣返嚟嘅新東寶

因為疫情問題而停辦咗三年嘅台北國際成人展TRE，隨住疫情完結以及各國終於開關，今年終於可以正常復辦

好多事務所一早已經磨拳擦掌，要將呢三年失去嘅女優人氣同曝光，以及海外嘅生意，全部攞返哂返嚟；有唔少未見過咁大場面嘅新人女優，仲有出咗道幾年都未嚟過海外成人展嘅女優，都想見識下呢個號稱亞洲地上最強嘅成人展，到底有幾犀利所以今年嘅陣容可以話係有今生無來世，詳細陣容會喺呢篇遊記入面同大家講解

所以由佢公布咗今年決定會舉辦開始，我就知道8月呢轉台灣冇得唔去基於2019年嘅經驗，TRE嘅女優見面活動嘅性價比俾我嘅感覺一直都唔高，差唔多嘅價錢去日本玩會開心好多，所以今年我去TRE嘅方向同心情係：

1. 淨係想買張入場劵入去影下女優
2. 睇下攤位有冇現場飛可以join （因為之前未試過玩攤位）
3. 同嚟自亞洲各國唔同嘅毒撚一齊呼吸同一啖混濁嘅空氣
4. 喺人逼人嘅情況下同肥毒撚交換身上嘅汗水

然後，帶住又俾TRE水咗一年嘅心情返嚟香港

今次又會係一篇多圖少字嘅成人展遊記，如果你下年都想試下用最低嘅成本，諗住淨係買張入場劵去睇女優，又想知入到去可以做啲咩，不妨參考下我呢幾日嘅安排


（TRE大會官方數據話，呢三日一共有20萬人次入場，但呢個場只有香港會展平時個hall嘅三份一左右大）

唔知應唔應該叫做好彩，今年TRE參加嘅女優陣容入面，miru、香水じゅん（香水純）、古川ほのか（古川穗花），呢三個我自己鐘意嘅女優都有參加，佢地三個亦都差唔多係我呢程trip影得最多嘅女優。好彩葵つかさ（葵司）冇得嚟，唔係嘅話我就未必可以周圍行去影其他女優了

循例喺上機前同啲立牌影啲合照呃下like先：



TRE嘅展期係4/8-6/8，因為我想早啲準備所以早兩日到埗，亦都好彩早兩日出發，因為撞啱3號嗰日台北就打風。




（撞正個時間唔係入境高峰時段，排咗唔駛十分鐘就出去拎行李了。）


（交通方面，依舊係買一張台北機捷來回+72小時捷運任搭嘅組合套票，冇記錯係600台幣。）

今次住嘅係一間Airbnb$16XX住5晚，有咁大地方一個人可以喺兩張床度碌嚟碌去



安頓好行李之後，落街買件雨褸以備聽日打風不時之需，另外買多兩塊色紙for玩攤位嘅時候俾女優簽名用，之後就去搵嘢食呢一餐揀嘅係喺民宿附近嘅壽司郎。





台灣嘅壽司郎質素只能夠講係非常普通香港嘅壽司郎我未試過，但咁樣食咗十碟都係唔駛400台幣，應該算係抵卦

旅程嘅第二日，TRE舉行嘅前一日，本來大家仲擔心TRE會唔會因為打風而延期，但官方拍心口保證話會照去咁就姑且信住佢講先。



台灣打風係會有風假放嘅，本來仲以為會好似香港掛八號風球咁，停工停諜就咩餐廳咩店鋪都唔開，點知基本上條街所有店鋪都繼續營業，商場亦都冇人喺玻璃度痴大交叉，所以基本上除咗大風同落雨之外，成個台北打風俾我嘅感覺，都同香港嚴陣以待嗰種做法完全唔同




既然唔方便去遠嘅地方，咁就搵啲娛樂消遣咗呢一日時間佢啦於是就搵咗另一個又係呢幾日會嚟TRE嘅香港朋友，亦係我一直提過miru嘅死忠香港FANS，下晝出嚟一齊去睇戲食飯直落

台北戲院打風仍然會繼續開門，西門町亦都有好幾間戲院可以揀，兩個麻甩仔最後決定去睇又有愛情線，又有動作戲嘅歐美愛情動作故事，MI7 。





除返開每個人都係400台幣左右，有爆谷有汽水又有兩個幾鐘頭嘅愛情動作片睇，爆谷仲有齊三隻味，又係香港做唔到嘅價錢，喺香港搵錢然後拎去其他地方駛嘅感覺真係好

睇完戲之後，因為落雨嘅關係我地都唔打算搵室外地方行，本來仲諗住去夜市睇下會唔會有機會撞到啲AV女優出嚟行街，不過諗諗下落雨應該都唔會出嚟，於是我地就向台北嘅地下街出發。




夜晚想食小籠包，因為驚鼎泰豐會好多人，於是我地就去咗喺台北都好出名嘅點水樓，成間餐廳都係非常中式酒樓嘅感覺。




除咗小籠包之外，當然仲有叫其他嘢食：






飲飽食醉就各自返歸酒店，準備連續三日嘅TRE大戰了

唔想睇廢話直接開始睇女優請㩒呢個置頂

4/8，TRE嘅第一日，當日8點左右起身已經收到消息，話現場已經有超過200人排緊隊等人場，似乎大家真係又緊火又餓咗好耐本來都預咗今年人數會好癲，但冇估到癲到呢個程度。


（呢個係當日早上8:20嘅排隊等入場嘅人龍。）

我同另外幾個香港朋友都唔敢怠慢，因為唔知道大會會唔會截人唔放人入去，所以約埋一齊搭的士去會場，反正除返開每個人都係十零蚊港幣。

去到現場，當然比起想像之中仲要多人。





入場前要check袋，第一日嘅安排係相當混亂，嘢食嘢飲無論係有冇開封，都唔可以帶入會場，而會場入面亦都冇食物飲品賣，要買就要出去會場出面買完之後，再排隊入去；除咗止汗劑酒精消毒噴霧一律都唔俾帶之外，連雨傘都唔俾帶入場，包括縮骨遮都唔得。講緊前一日仲打緊風，連一把遮都唔俾帶喺身會唔會過份咗定真係覺得會有人入去拎把遮打啲女優

點都好啦，要入去就要跟規矩喺會場外嘅草叢扔滿一地嘅長遮同縮骨遮，門口有幾箱唔俾帶入場嘅止汗劑同酒精搓手液，搞掂哂之後終於入到會場。


（垃圾桶前面嗰筒長遮只係冰山一角。）

由於喺出面都耽誤咗唔少時間，結果第一日入到場個開幕禮已經開始咗一半，當時已經有大概二十個女優排排企定定喺台上面。






簡單咁同大家講一講今年嘅女優分級，企喺後面一排嘅全部都係由參展攤位搵返嚟嘅女優，而前面一排就係主辦JKF自己俾錢請嚟嘅女優，所以唔駛好奇點解有啲名都未聽過嘅女優有得企前排，七沢みあ同石川澪呢啲就要企後排，其實只係因為佢地唔係由主辦請嚟

而喺主辦請返嚟嘅女優入面，又會再分成銀卡、白銀卡、金卡、白金卡，四個級數嘅女優，前排著黑色同紅色裙嘅女優，都係銀卡同白銀卡嘅陣容；而著白色裙嘅就係金卡同白金卡嘅女優。





金卡女優由左邊開始數，分別係：天使もえ、小宵こなん、桜空もも、新ありな、三上悠亜、河北彩花、深田えいみ、涼森れむ、うんぱい、明里つむぎ。

而當中，只有三上悠亜同河北彩花，係白金卡級別嘅女優，亦係呢堆女優分級入面最TOP嘅級數。

40個女優兩排企好哂之後，就開始每個人自我介紹，嚟唔開都係用國語講「大家好！我是OOXX！」，然後嘰哩咕嚕一段日文，當中有啲比較識玩嘅，就會用啲網絡梗，又或者唔同嘅語言嚟自我介紹，例如：


神木麗係用台語打招呼嘅。


揸緊咪呢個叫Nia，係台日混血嘅新人女優，所以佢全程都係用啱啱好聽得明嘅國語介紹自己。


仲有成人台白卡仔聲稱最鐘意嘅本鄉愛，因為浸過咸水嘅關係，佢一開口係講流利英文，「Hello everyone, my name is Ai Hongo, thank you so much for coming! 」，全場嘅台仔即刻喺度嘩嘩嘩。

未到自己自我介紹嘅時候，曾經嚟過TRE嘅女優、又或者識玩嘅女優、又或者冇俾台下咁多人嚇親嘅女優，就會擺下pose俾台下FANS影下相，又或者同其他女優互動下，例如：







當然亦都可以喺自我介紹嘅時候，擺多啲表情吸引下鏡頭，好似香水じゅん咁：



又或者好似明里つむぎ咁，企喺度唔駛點做嘢，你個鏡頭自然都係focus喺佢度：

當然緊張到講唔到嘢都係一個令人留低深刻印象嘅方法好似八掛うみ咁，第一日嘅自我介紹講唔夠兩句就已經喊咗出嚟：


（隔離石川澪個表情好好笑。）



（三上：等我扮下關心後輩先，係呢你叫咩名嘩？）

而呢幾日全場嘅焦點，大部份都係落喺即將引退嘅三上悠亜，同埋第一次遠征海外就已經備受關注嘅新一代AV天后，河北彩花。

三上悠亜喺台上面嘅介紹，咁多年嚟玩嚟玩去都係「一哭二鬧三上悠亜」，我其實都好懷疑佢本人到底知唔知前面「一哭二鬧」呢幾隻字係點解

至於河北彩花，作為出道以嚟第一個海外大型活動，同埋擺埋同三上悠亜一齊同級數嘅層面，都完全冇怯場嘅感覺，相當值得一讚


（另外唔駛問三上悠亜係咪整過嚟，佢自己本人喺Youtube都講過自己有去過做微整形，所以個樣唔同咗係正常。）


（河北妹真係好淡定我依然係睇好佢多過新ありな，會成為下一個AV界嘅頂級天后。）

40個女優如果我逐個講嘅話應該講到1001都未去到Day 2大家有邊個女優想再聽多啲嘅留個言，我睇下有冇咩可以補充啦睇埋呢幾張合照我地去下一個環節

自我介紹完就請哂啲女優返入後台先，呢個時候應該返去參展攤位嘅女優，同埋屬於金卡、白銀卡、銀卡嘅女優會去各自嘅booth度，等台下面預約咗時間嘅嗰班麻甩仔去搵佢地台上面就會輪住有唔同女優上嚟，揀FANS上台玩遊戲。

Day 1基本上我喺台前面由開幕禮企到最後一個遊戲，所以都有唔少相可以分享首先係第一組上台嘅女優，分別係本庄鈴同埋神木麗：




本庄鈴都算係SOD而家嘅中流砥柱之一，講樣我諗除咗李佳芯之外都冇咩人可以同佢比較至於神木麗今次我都係第一次見真人，一個字就係好大份要我形容就係好似日本妹版She Hulk嘅感覺，169cm高仲要個人咁橫玩龍舟掛鼓會俾佢掛返你轉頭







玩嘅遊戲就係抽一位FANS上台，工作人員會收埋一個襟章喺FANS身上，然後兩位女優就要鬥快喺FANS身上摸嚟摸去，搵到個襟章出嚟，係咪聽到都覺得好好玩呢有興趣嘅自己上網應該搵到唔少片睇，めぐり（惠里）喺Day２嗰日玩到摷入FANS件衫入面同摸褲浪果然薑係老嘅辣


（係吖阿麗姐係行嗰邊落台吖。）

之後就換第二輪女優上嚟玩遊戲，分別係改咗名嘅山岸綺花（以前叫山岸逢花）、伊藤舞雪、同埋miru。



（伊藤舞雪條腰真係好癲）

今年嘅山岸唔知係咪髮型同化妝問題，比起我19年嗰時喺TRE見佢，同埋最近一次1月見佢嘅時候都有啲跌watt，開始有啲老態出咗嚟



伊藤舞雪今次係我第一次見真人，外型同我想像中嘅都冇咩太大出入，依然俾人嘅感覺係一個好豪爽嘅女優





至於miru，今年係第一次嚟TRE，而佢本人係target自己今年可以上到金卡女優嘅行列，最後落選。聽講佢本人因為呢件事好唔開心，但都無阻佢呢幾日喺TRE嘅表現我個人覺得作為第一次嚟TRE嘅女優佢已經做得相當好，希望下年官方會考慮佢做金卡女優啦





玩完搵襟章遊戲之後，三位女優又準備落台了。




（題外話miru喺今日揀上台嘅FANS就係嗰位香港嘅忠實FANS）

玩完兩輪女優遊戲之後，大台活動就係三上悠亞同FANS嘅合照環節，因為對上上上實在完全冇興趣再加上聽講攤位嗰邊嘅現場劵名額剩低唔多，所以決定去攤位度買咗Day 2見面會嘅飛先，順便周圍逛下


（會場會不定時派印咗AV女優個樣落去嘅folder，基本上唔企第一二排係唔會搶到，搶嘅時候亦都冇咩竅門，總之同人鬥野蠻就有機會搶到了。）


（Folder就係咁嘅樣，另外嗰張黑卡就係抽上台玩遊戲先至會有嘅紀錄品。）

首先係去一劍浣春秋（即係我地俗稱嘅劍大）嘅AVWay攤位，上次參加完香水純攝影會之後，啲工作人員都仲認得我呢個咁多嘢講嘅香港人我同佢地講本來買咗盒餅諗住拎入嚟送禮，但官方唔俾入



俾咗2500台幣報名參加Day 2 嘅八掛うみ（八掛海）嘅活動，除咗八掛之外，劍大呢個攤位仲請咗七沢みあ（七澤美亞）、七ツ森りり（七森莉莉）、河西れおな（河西麗央奈），一共四位女優，其中七沢みあ係最快售罄，Day 1就已經賣哂3日嘅所有現場劵嘅名額


（現場仲有賣八掛同七森嘅事務所專登為今次TRE而整嘅毛巾。）

AVWay呢個攤位仲有一個快閃攝影時間，四位攤位女優會不定時出嚟俾大家免費任影，限時一分錢，會出邊個女優唔知道，睇下你好唔好彩，好似我咁唔好彩就會撞正係河西出嚟嘅時間：




（呢個S1新人出道嘅時候我仲以為係一個戰鬥格嘅女優，但今次睇真人係相當失望。）

既然免費嘅就唔好咁多要求想影到七沢一係就企喺度成日等運到啦

然後就去另一個AV Cult嘅攤位，呢個攤位同Mines事務所嘅關係好密切，所以多數請嚟嘅女優都係Mines事務所嘅人。今次我報嘅係上次6月去日本嗰時有見過嘅八木奈々（八木奈奈），價錢都係2500台幣，而且仲有一張1000台幣嘅商品兌換劵，可以喺攤位度買其他product用，變相個event只係1500台幣就可以玩到，相當抵玩




（AV Cult另外三位女優係小倉由菜、桃園怜奈、栗山莉緒。）

最後就係去愛愛屋嘅攤位報名，愛愛屋係一個專賣成人用品嘅攤位，所以買product買夠2000台幣就可以參加。攤位女優方面本來有兩個，分別係小野六花同松本いちか（松本一香），但因為小野六花病咗嚟唔到所以只有松本一個人擔大旗，於是含淚報咗一場松本

呌一呌先夜啲再繼續會同大家詳細介紹下今年嘅金卡女優

留名一身蟻
有D見到真人都幾瘦下
又有D整容整到ver. 唔知幾咁
日本李佳芯都好似爭緊D咁
可能我J開嗰D都比較舊

我要古川啊

呢啲先係展 咩電腦展

我要 川島和津實

lm

就算出到嚟都應該係督住拐杖

唔使，自帶三隻腳

等到啦

lm
想問一下新東寶巴打用咩相機影女？

今次用新買嗰部二手富士XT3出嚟效果好好多果然係一分錢一分貨

亦都因為咁我呢三日夾埋影咗超過14000張相淨係揀相都用咗好多時間呢個都係其中一個遊記咁遲先出嘅藉口理由

東寶sir BNB住邊區