「4冠王」曼城今季勇態持續，英超開咧2戰全勝，不過球隊仲想繼續加碼，周五(25日)宣布簽入雷恩翼鋒謝利美杜古，轉會費為5,500萬鎊(約5.43億港元)，雙方簽約5年。將會着曼城11號嘅謝利美杜古，係上季歐洲5大聯賽嘅「扭波王」，超恐怖進攻數據，連雲尼斯奧斯祖利亞都要靠邊站！
曼城早前賣走馬列斯後，一直物色翼鋒人選頂替，21歲嘅謝利美杜古就係領隊哥迪奧拿嘅心水，呢位比利時國腳簽約後表示：「曼城係世界最佳球隊，加盟佢哋對我同我家人都係非常特別，能夠跟住哥迪奧拿團隊，以及同咁多世界級球員一齊踢波，我肯定我會得到好大進步。」
「雙槍將」嘅謝利美杜古可以踢晒左右兩翼，數據顯示佢上季場均(90分鐘)扭波11.1次、6.72次成功過人都係歐洲5大聯賽No.1，皇家馬德里嘅雲尼斯奧斯祖利亞場均(90分鐘)都有接近10次扭波，但謝利美杜古扭波成功率超過6成，而雲尼斯奧斯祖利亞連4成都唔到，足證謝利美杜古扭波效率奇高。
走馬列斯，光頭佬呢條小氣鬼寧願係farmer league執件21碎未見過世面既靚仔，都唔加少少錢買被扭波扭文猥瑣佬PR吹到連自己都唔知自己想要既猥瑣佬，話哂禁區扭波次數高過梅西喎，咁唔俾面？
