時空門：
沉敍一時嘅飛機陳有新野爆
https://lih.kg/3309472
有無人識食日本妹無數既飛機陳
https://lih.kg/2312565
係2020年4月嘅時候，陳飛機故意隱瞞已婚嘅身份，呃左個韓裔日本女仔同佢發生關係(下稱N)。N係2020年12月22日 + 2021年1月9日，唔知佢已婚嘅情況下同佢發生左關係，大左肚。
由於N本身患有先天性左心房心臓畸形、大動脈血管畸形，加上意外懷孕，所以打算墮胎，但係陳飛機嘅堅持同埋承諾下，N冒住生命危險生左呢個BB（懷孕期間停止服用控制心臟病情嘅藥），BB係2021年9月14日順利出世，可惜患上左再生障礙性貧血，需要親人嘅骨髓捐贈 - 即係陳啟榮 陳飛機嘅骨髓。
而捐骨髓呢件事 由2021去到2023年嘅今日，都仲未發生。
由有左BB開始，陳就承諾會幫手供養小朋友，出世後會接佢番香港交比屋企人照顧。
但自從BB出世發現有病之後，陳就態度突變，否認呢個BB，迴避一切關於佢地嘅事。
陳仲連同朋友一齊嘲笑N同埋自己個仔。每當有人向陳提起N，陳就不斷周圍散佈謠言，指控N係為錢財用小朋友威脅自己。小朋友因病＋COVID感染，斷斷續續有生命危險。N亦因為本身嘅病、獨自照顧患病BB嘅壓力，加上陳言語攻擊精神虐待，係2022年8月至11月昏迷咗好長嘅時間。
喺N昏迷期間， 陳嘅態度變得更差，甚至話希望N同BB快啲死。當時N嘅保險遺產之類，受益人係陳飛機，陳當然想佢地死。N嘅朋友係去年7月起嘗試聯絡陳以及陳周圍嘅朋友，希望陳捐骨髓、繳付BB嗰段時間嘅醫療費用、簽字放棄繼承保險遺產，陳全部都拒絕。
陳同N友人嘅對話
當時甚至連韓國大使館直接聯繫陳飛機，佢都係cut線唔理。一啲認識陳嘅人同佢聯絡上，叫佢捐骨髓，佢就散播謠言話N扮可憐喺度呃錢，一係就扮晒無辜話，唔識得呢個女仔。話出世紙個老豆唔係自己。而實情係，陳威脅N如果登記佢個名落出世紙就會斷聯絡，N亦曾對陳提出，只要肯捐骨髓，以後係唔需要陳再比一分一毫。陳啟榮你唔好再侮辱個女仔貪你D錢！
喺N終於醒返後， 身體狀況好差，未能正常活動甚至講嘢。陳當然一如既往唔理會佢同BB，繼續言語攻擊N，話佢哋嘅死就係佢最幸福嘅事，而陳至今亦逼N自殺無數次，叫身邊嘅朋友不斷msg轟炸叫佢去死！
陳身邊嘅朋友對N嘅言語攻擊：
事件發酵到今日，2023年8月，講大話成性嘅陳飛機繼續滿口謊言。套劇宣傳開始之前，陳係佢IG同FB寫咗一份虛假道歉文。文中表現自己係一個好父親同負責任嘅男人，指自己唯一可以做嘅就係經濟支持，同朋友嘅對答都交代自己即將會去韓國為BB捐骨髓。
但實際上佢今年完全冇支付過任何撫養費同治療費（去年N昏迷期間佢亦曾偽造轉帳紀錄）。而所謂嘅準備捐骨髓，亦都係大話。最諷刺嘅係 佢明明post左篇文交代私生子，呢邊認左，嗰邊又不停同人講佢唔係個仔嘅爸爸，話N係因為佢拍劇紅左突然出黎貪佢嘅嘢，甚至屈N係BB嘅出世紙登記咗第二個男人，意圖否認自己為小朋友親父。
直到而家，N因為心臟問題同3年黎嘅衝擊，BB同N身體情況都變得好差， N甚至得返三十幾kg咁瘦、甚至經常有吐血嘅情況，食止痛藥食到肝腎有問題都止唔到痛。兩個都唔能夠正常生活，係兩條垂死嘅人命。其實仲有好多反映到BB同媽媽身體情況嘅相，但唔想大家睇完不安都係唔好post...
所以呢篇文，除咗想比大家知道呢個怪物，避免有下一位受害者，亦都想 懇請各位認識陳飛機 陳啟榮嘅人，唔好再幫佢圓滿佢嘅謊言，你哋對陳嘅包庇等於幫手推緊兩條人命去死！ 有人性嘅話，請你哋勸喻佢出嚟承擔返責任，為BB捐骨髓！做返佢道歉文入面嗰位會負責任嘅男人！
陳飛機你本人見到呢篇文，希望你勇敢面對返自己做嘅錯誤，去為BB捐骨髓。從來冇人想搞大件事，係你一直嘅逃避令到件事越搞越大。
