【2ch文連登式演繹】服魂：日本網友靈異體驗

我包好浴巾出返廳
見到沖出嚟嘅我A子問「係咪門嘅圖案啊？」
我就話「牆啊！有手掌印囉唔該！」我將A子帶去浴室
B美就捉住我浴巾尾跟埋嚟 搞到我差啲甩巾出晒全相 呢度令到我當時更加急

「唔係A子你整蠱我啊可？」我一路望住A子
大美人嘅A子個樣成個變晒 變到好似惡鬼咁款 原文寫般若
平時好好笑容嘅人嬲起上嚟真係好得人驚
比起吊頸同手印 呢個時候A子個樣先最得人驚
我想打覺得幽靈恐怖嘅自己
我知道咗原來A子發惡嗰陣係好恐怖

粒聲唔出嘅A子走咗去鬼房
我同B美從後跟上 聽到好多砰砰聲（後來知原來係A子喺度踢衣櫃道門）
「我頂你個肺死肥婆！你搞到人間屋咁算點先！一毫子租都冇交畀你喺度白住重喺度串串貢玩嘢！」聽到A子係咁鬧

睇嚟隻鬼都覺後悔到寧願死咗佢好過好刺激

「惡作劇同玩嘢唔同囉」
「畀得你喺度住唔該謙厚啲啦」
「客人唔係用嚟嚇係用嚟招待㗎嘛」
教女咁講咗大輪後
「我返嚟之前好同我整返乾淨佢！唔整返乾淨嘅話今日起你間房就係洗衣機 我日日開着佢轉轉轉 轉到你頭暈！」講完A子就行返出嚟
「sorry 不如我哋出去飲杯嘢」A子個樣非常唔好意思咁 而我哋都逆唔到佢意
B美就一直口up up咁「轉轉轉」睇嚟有啲中佢笑點

喺附近嘅bar待咗陣 各種恐怖感都散咁啲
比起幽靈 A子個樣由正常變到惡鬼咁嘅metamorphose（蛻變）大問題啲囉
明明到目前為止幽靈嘅惡作劇佢都冇嬲過 而且都係笑住咁講 點解佢今次會嬲成咁

M到？

A子講返點解佢跳晒掣
乾咗嘅血會再黑色啲 而且唔會覺紅
所以嗰啲唔會係血嚟 多數係乾咗嘅泥
泥同血唔同 沖啲泥入排水口會留低喺水管度
佢尋日先省到個浴室立立令 所以饒恕唔到整污糟

死肥婆發言
係因為個手印睇嚟好似係肥手
雖然成個印細過自己隻手 但手指同手指之間幾乎冇咩空位所以覺得係肥人嘅手嚟

阿姐你真係冷靜
小妹我哋睇到就冇諗咁多嘢喇

整污糟浴室係唔啱

黥乾咗嘅M血？

到底幽靈識唔識抹牆呢
既然整得污糟就應該識得抹返乾淨
啲怪談故成日都有話整污糟地方或者整爛嘢 之後點處理就唔會講
睇嚟啲手印都係就咁留低？
我哋一路討論 講應該會抹返乾淨嘅
我哋同埋有啲失望feel嘅A子返去

我諗我哋喺bar留咗2個鐘
距離山手線頭班車重有冇耐 因為係夏天所以個天都已經幾光
全靠咁要返去都唔覺得好驚

原來係山手線沿線

首先就入浴室睇 見到冇晒手印痕跡 可以話好乾淨添
明明冇耐前A子都有沖過涼 但啲水氣就冇晒 我好記得乾淨到好似用布抹過咁

A子「咪做得幾好～」心情靚返晒咁入去間鬼房
「惡作劇可以但唔准再咁樣玩嘢法知唔知我哋都為對方着想咁一齊生活啦」
乜有人會同鬼講呢啲嘢㗎咩

因為A子發嬲嗰陣講嘅嘢 再加埋浴室抹到立立令咁 我哋話乜咁灰姑娘feel嘅
就由嗰日起 幽靈個名就叫 Cinderella

瞓醒已經係中午
尋日冇去到沖涼 起身想去返 A子借咗set話可以俾我哋着埋返去都OK嘅衫

紅色T同埋薩克森藍嘅短裙 重有焦茶色嘅過膝襪
牛仔褸同碎花小背心 牛仔短褲 係魅惑的牛仔撞牛仔
講多次 A子係穿搭達人嚟
佢唔似係會咁樣配搭法
過膝襪重係A子春天已經着過 呢套完全無視季節感嘅穿搭嚟
我諗我當時個樣係「你叫我着呢啲返去？」

吊頸搖搖下都唔算玩嘢只係惡作劇？
咁樣隻鬼都迷晒唔知條線喺邊啦
重點係唔係使唔使打掃或者執手尾嘅時間呢？

「呢set係Cinderella襯嘅」
「咁大整蠱」
「1次過放兩set都係第1次 我諗係佢為你哋準備嘅」

唔係娘到笑出嚟嗰隻 我諗講娘到唔敢講嗰隻正確啲
真係令人唔敢接受嘅熱心

呢段就係我第一次嘅靈異經歷
之後都有去過過夜好幾次 只有一次喺浴室見到門外有人影
同埋入到廁所後有好有rhythm嘅敲門聲 只係咁
Cinderella穿搭就每次去親過夜都有準備到 但就完全唔見fashion sense有改善喇

Cinderella

間唔中諗起會問「最近Cinderella點？」
「一播Beatles或者Rolling Stones嘅話房門就會打開少少 睇嚟佢鍾意聽呢啲」
「Metal就唔多鍾意 啲CD俾佢入到亂晒」
「我有條靚料嘅毛巾唔知去咗邊 喺佢個衣櫃度搵返」
喺A子口中只係聽到啲日常小劇場

據A子所講 當初搬去嗰陣佢驚有實體嘅跟蹤狂多啲 連出門口都唔敢 得自己一個喺屋度唔知可以點
就喺精神崩潰嘅時候 好有存在感嘅Cinderella出場令佢安定返啲
完全冇覺得驚過嘅記憶 一出現就同佢講嘢咁 睇嚟A子都受咗好大壓力

#54
我諗你係咪差唔多要出門口 但都問問
10年前嘅事係咪已經唔喺嗰度？

>>54 諗住之後寫 A子已經唔喺嗰度住
我喺租屋網度見到嗰個單位放租 但啲租金按金等等正常返晒
Cinderella已經唔喺嗰間屋度

A子既唔驚又冇好似之前嘅住客咁逃走
可能係嗰陣我哋去過夜見到我哋反應咁好 high得滯先玩大咗搞個浴室
A子都話全靠咁先教乖咗佢
講真我覺得對A子嚟講 Cinderella就好似一隻有啲蠢蠢地嘅狗仔咁

A子大學畢業冇再住嗰度
亦都好少再提起「Cinderella」呢個字 我都幾乎唔記得有件咁嘅事

就係咁好耐冇一齊出嚟食飯嘅時候 A子話「我嚟緊會搬屋」
佢話會同男朋友一齊住 所以再減少咁啲嘢
喺佢唔要嘅衫入面如果有想要嘅就隨便拎走
就喺呢個咁着數咁happy嘅邀請下幾年久違去A子屋企過夜

好正！
超自然台都沒落緊 如果重有咩嘅話都再開PO講下
我都要加油！！

呢個時候我已經唔記得咗Cinderella嘅事 講緊「地段咁好都唔住真係大徙」之類嘅嘢我入去間鬼房
然後 佢喺度
喺房入面嘅一個桐木櫃前面 有個人背向住我呢邊跪坐
一樣我都只係記得「有個人跪坐喺嗰度」咩體型等等完全唔記得
但的確喺度 係Cinderella
不過當A子開着燈後就冇人喺度 只係得啲衫喺啲半pack好嘅箱度亂晒出嚟咁

咦？！未完？

「Cinderella重喺度？」
「係啊 好精神添」
我唔係問佢別來無恙囉

好精神

冇以前咁驚
以前嚇到我腰都冇力 但今次只係「喔Cinderella喺度」咁樣嘅feel
一路揀想要嘅衫 一路都好在意有啲亂亂地嘅房
我話咁亂唔似A子你 A子就話「pack好啲箱放工返到嚟全部打開晒」
「搞到我啲嘢pack極都pack唔好囉」A子喺度呻 但我就諗會唔會俾佢跟埋你走㗎之類嘅迷信嘢

「係Cinderella搞到咁亂嘅？」
「可能我搬出去佢覺得寂寞呱」
「咁唔大鑊咩？」
「大鑊啊 咁搞法趕唔切搬嗰日前pack好啲嘢超大鑊添」
頂唔係呢啲囉

「我晾衫嗰陣見到佢坐喺啲和服前面 睇嚟佢鍾意和服而且佢淨係冇用過和服嚟惡作劇」
「頭先都見佢喺桐木櫃前面」
「我可以留低一套畀佢嘅 但衣櫃度有套和服喺度我諗都好難搵到人租」
「話唔定好似A子咁嘅人住入嚟呢」
「咁嘅話Cinderella就唔會寂寞喇」

當然Cinderella冇應我哋
但我諗佢一定都有聽到
我本身冇陰陽眼
怪談對我嚟講又只係娛樂 就算有人同我講話佢對嗰啲嘢有少少feel我內心都只係笑下就算
但唔知點解得Cinderella咁真實 去到而家都係

執好拎返去嘅衫 借個浴室沖完涼就瞓
同以前一樣A子屋企好乾淨 Cinderella都冇做惡作劇
睇嚟A子真係教乖咗佢

只係CInderella穿搭依然健在 一瞓醒見到佢交出嚟嗰set嘢真係一睇到就醒晒
淡粉紅色嘅裙配紺藍色嘅外套 同埋黑色嘅短靴
當時係6月

Fashion呢家科係愈前衛就愈騎呢
即係話Cinderella最前衛

返到去我第1件做嘅事就係上租屋網
我用距離最近鐵路站幾多分鐘嘅條件去到 睇下有冇放租
A子個單位我用2，3分鐘就搵到
租金同雜費等等都同市價一樣 雖然理所當然 但冇描述到係凶宅嚟
話唔定係A子住咗6年都冇嘢 地產嗰邊諗住冇問題
不過Cinderella就仍然確實重喺度

至於點解我而家想講返件事出嚟 係因為早幾日幾年冇見A子同佢提返起Cinderella

就喺最後過夜後嘅一個月 A子打嚟同我講佢已經搬咗新屋
我本來諗住問佢Cinderella點 但有少少驚所以只係講其他嘢冇問到

因為嚟緊迪迪尼有套戲上所以講開 2015年上映真人版

「以前A子屋企個Cinderella係肥肥地 但套戲個Cinderella好靚」
「可能因為肥肥地所以鍾意和服呱 洋裝嘅話都着唔落我嗰啲」
「之前喺桐木櫃前面見到佢 真係嚇一跳」
「而家喺桐木櫃入面啊」
喺度？！

重有冇見到佢？
應該話佢跟埋嚟唔大鑊咩？
都估到佢點解會跟埋嚟
A子有冇事㗎
喺我一輪咀問之下 A子照舊笑笑口咁

嗰日之後都係咁搞亂啲嘢 搞到真係就嚟趕唔切搬
所以喺有啲和服入面揀咗一套design同顏色都好young已經着唔起嘅留喺衣櫃度試下
「呢件和服你啱嘅話我送畀你丫嚟緊我唔會再一個人而且第時都會生小朋友
如果Cinderella你再出現嘅話我都會有啲苦惱
不過如果好似而家咁我哋互相為大家着想咁保持距離嘅話 我哋一齊走丫」
喺講完咁樣之後第2日就冇再搞亂啲嘢 最後都趕得切pack好嘢搬

我問佢點解知真係有跟到佢走
佢話個桐木櫃有一格係放Cinderella件和服
間唔中寧寧舍舍得嗰格打開咗
雖然唔係成日發生都冇特別擺上心 但唔係打開少少係開晒呢點好有Cinderella作風
佢重話到佢死咗諗住連埋一齊燒

可以咁講嘢嘅A子我諗我一世都敵佢唔過

唔知幾時個故變到咁窩心

之後A子嘅人生如果有咩嘢嘅話我都會諗會唔會就係因為佢俾嘢跟住
但係A子嘅生活就好似畫一樣咁幸福美滿
可以話喺今時今日罕有地咁一帆風順添
夫妻又和睦 小朋友又得意可愛
佢哋新買嘅house亦都冇話有任何鬧鬼嘢
除咗A子用嚟做衣帽間嘅大入牆櫃嘅裡面之外

我諗住再5年前問下關於Cinderella嘅嘢
但一定都唔會聽到坊間嗰隻嘅靈異故㗎喇 我同B美都係咁諗

希望Cinderella就咁一路繼續轉行做肥肥地嘅座敷童子 一種妖怪 據說屋度有就會有福氣

就係咁
多謝大家睇咗咁耐

我夠鐘返工

好行喇～
幾好睇！

唔錯！Thanks
好行

#81
唔唔 幾得意
死後係唔係都有意識？
如果真係有靈體我想咁樣諗

>>81 假設有靈體 死咗嘅話我諗會變成同活人唔同嘅嘢
因為已經物理上唔存在

所以我嘅理論就係意識同思考 價值觀都會變晒去另一個世界

將靈體同人諗埋同一樣係唔得

只係重係人嗰陣嘅思想強烈嘅話會有啲念留低咁？
未察覺到自己死咗嘅話

幾得意 A子好勁

有趣
冇蒲超自然台好耐 呢啲故好耐冇睇好開心