日本好去處 淡路島 二次元之森X 鬼滅之刃 刀匠村篇

期間限定合作活動 二次元之森X 鬼滅之刃 刀匠村篇
24/7/2023-27/1/2024

二次元X鬼滅官網：https://nijigennomori.com/zh-TW/木目津_淡路/

二次元之森官網：https://nijigennomori.com/zh-TW/


二次元之森係位於兵庫縣 淡路島北部
揸車距離大阪1個鐘 神戶半個鐘左右
有高速巴士從阪神出發
時間大概係自駕既1.5倍左右



二次元之森入面有好幾個唔同主題區
例如蠟筆小新、哥斯拉、火影等
呢d都係常駐既主題
係YouTube都有唔少人有介紹呢幾個主題係玩咩
有興趣可以上去睇睇
我見好似都幾好玩咁



而今期同緊cityhunter同鬼滅做緊合作活動
不過冇睇過cityhunter所以冇玩到
咁岩去旅行日子撞正鬼滅開始頭幾日
所以即刻冇理到其他區直接去左玩鬼滅



鬼滅有分日間(1000-1630)同夜間活動(1730-2200)
每個活動玩～90分鐘
重有日夜套票買
日間分成單人同雙人mission
單人 2000yen
雙人 total 3000 yen

重有小童價 詳情上官網睇番
兩個都係解謎遊戲
但得日文版冇其他語言
唔識日文我認為可以唔洗俾錢玩日間
要玩夜間就每個人都一定要買票
夜間有指定時間開始


嗰日一行三個人晏就去
買票嗰陣話我地日場可以淨係買一個單人mission玩都得
咁我地就淨係玩左個單人冇玩雙人嗰個
再加夜間三個人既票
買左有個file套 入面有解謎用既資料同答案


重有每人一把扇
最好用就係呢把扇 熱到呢




Car park E一出就係鬼滅個位
（停車場免費）


有好多紙牌俾大家影相
右邊係買飛既地方

轉身180度見到兩個booth
有兩個唔同角色既印仔扱


嗰陣去玩d staff都唔係好熟重叫我地去扱印仔唔好太晏去
好似係Ard 6點就會收起 d booth
點知後尾發現呢d印仔唔係for單人Mission
而係雙人mission
不過我地有理冇理都照印左係手上有既紙上

沿途有解謎既牌
同好多個唔同角色 既印仔booth


上面有講解謎遊戲得日文版冇其他語言
唔識日文可以唔洗俾錢玩日間
重點係日間活動既成條路係冇俾錢都可以行
如果唔係想要個file同把扇
直接去影相同扱印仔就得

推

lm

我地好開心咁搵哂所有印仔扱

之後就揸車出番去出面食野
夜間我地買左8點嗰場
入口係間紀念品店對出
出左停車場E轉左一路行就係間店
日間mission都會經過到


活動係係森林行一條充滿燈光同聲音既1.2分里長公園
會成批人一齊入去行
入面係冇廁所
停車場隔離有 記住去左先
行既行程唔算短 有少少上落
可以影相但唔可以開閃光燈同錄影

沿途會好似重睇左刀匠村篇個故事咁
D光同聲重有d話面會令到你好似親歷其境
係條村同大家一齊戰鬥咁
有d位都睇到嘩一聲

話說個任務係收集造刀既礦石
成條路有5個point
每個point有3個石揀

買夜間票嗰陣每人有條手繩有粒野hi落個石到收集
到終點每人會收到唔同人物既報告書

我嗰個係炭治郎


整體黎講覺得個夜間體驗好正
Even其中一個fd冇睇鬼滅咁諗
如果有睇鬼滅真係可以去下夜間

原來有啲咁既野 好似幾好玩

樓主咁有心機圖文並茂竟然無人留言

想去夜間，唔識日文齋搾google translate 夠唔夠？ 會唔會有聽日文既任務

好正

夜晚個活動其實係好似慢行緊段家樂徑咁
有小小上落 唔難行既
好多人一家大細去
沿途會有d唔同色既燈照住d樹黎營造氣氛



每行一陣就會有塊大布
上面會投射住刀匠村某段劇情
每段唔會播好長
由頭行到終點個劇情會不斷推進
第一幕冇記錯係炭治郎剛醒

最後嗰幕禰豆子
會好似重新睇哂嗰11集咁
全部都係日文原聲冇字幕

至於個mission係收集鍛刀既石
成條路有5個point
每個point有3個石揀
其實求其揀一個拍落去就得
同fd 三個人每人每個point各揀一個
最後終點有個point拍一下
個staff就會俾番屬於你既人物報告書


簡單d講
mission係唔洗用腦
個樂趣係係行嗰段路上睇同感受個氣氛
如果真係鍾意睇鬼滅既話可以去行
佢d景係整得幾靚
如果係想好有挑戰性 遊戲體驗既話就唔係


開始到慢慢行完 中途停低睇同影相
大概一個鐘左右
再行出去搭番佢個免費shuttle去停車場
就一個半鐘內完到


真心建議自己揸車去
玩到咁夜 唔洗再諗幾時邊到有車搭
有自己車可以即刻揸番出去係真心好爽
而且泊車又唔洗錢
基本上淡路島好多地方都免費泊車

再想請問多樣
如果4pm先到，去玩完火影 再去鬼滅普通區
最後先玩活動，夠唔夠時間

見火影有好幾個活動玩
每個玩既時間都唔同
同埋好似冇規定開始時間
預番鬼滅夜間開始個時間就得
鬼滅日間條路好短
係條路兩邊有d角色既紙牌同印仔booth
同有間細細地既原創商品店
好似開到2100
如果對d紙牌同印仔冇興趣其實可以唔洗去日間嗰個位

除非所有人都識日文
如果唔係都唔洗玩個解謎遊戲
解謎遊戲最後開始時間係1630
好似話1800左右就收起d印仔
如果要扱印仔就要睇住d時間
再唔係好似我咁出去食完野再番黎玩夜間


睇下你鬼滅夜間玩幾點
因為夜間有規定開始既時間

可以當日先買飛
不過當日先買可能開始既時間得番晏d既
好似我咁晏就4點幾先去買就得番8點或之後
如果真係決定去可以網上買定飛
咁就可以早d開始
不過我認為天黑左先開始應該會好d
因為條路有唔少燈光營造氣氛
Maybe 7點(8-9月)、6半(10-1月)或打後開始


我當日既行程：
1615 買日夜場既飛 之後努力研究點玩
1630 嘗試解謎
1655 解左幾題後放棄 去左影紙牌同扱印仔
1700 入左間店睇 冇買到野 之後繼續影紙牌扱印
重有影下相咁
1740 番番架車攞d紙再重新去扱過d印仔
因為d印仔好靚
1800 揸番出去食野
1950 番番黎停車場E 去個toilet 再行去個入口等
2010 開始行
2110 終點 再行去搭shuttle
途中都有同幾個角色既紙牌影相
2125 搭完shuttle到停車場E

多謝巴打詳盡解答

咁我放棄火影game了

雖然對 chop印仔無咩興趣
但係 夜晚山路搞呢d 合作event 真係幾吸引
好想去行下

我上次去火影都幾正
不過個一樂拉麵就唔好食，同漫畫入面都唔同樣

點解唔玩火影
見YouTube d人好似玩得幾開心

咁你淨係去玩夜晚嗰個咪得
日間扱印仔可能係女仔/細路會比較有興趣d

見d人唔識日文都玩到火影嗰d
係鬼滅日間嗰個係解謎
唔識日文真係玩唔到咁解

我無睇過yputube啊，我唔想劇透咁無聊
我怕唔識日文阻住人，更怕有互動尷到仆街

即係其實呢part唔識文都ok?

係YouTube見火影有中英文翻譯
可能因為呢d係常駐既主題
所以有特登翻譯俾外國遊客睇

係鬼滅呢d期間限定先冇中英文
同埋係日文字既解謎 應該做唔到翻譯

好似好正咁

應該高速舞子 或者三宮都有巴士去淡路島

同埋而家淡路島都有短期觀光巴士
黎緊都會去
所以都做過research

黎緊11 都會去
多謝巴打教路

本身諗住夜晚係淡路島hea 下算
而家有多個選擇
唯一缺點係冇自駕
要諗下去完之後點返歸


之前有個手塚治虫既夜行火鳥
都好吸引
可惜而家冇左

我四月份去完玩DQ Island(係停車場F 果度，火影係停車場E，剛剛好中間)
我都係無自駕，大阪落機先去廣島>姬路>大阪
但我係先回到大阪先
第二日全日坐車去淡路島

第一個方法係
大阪可以直接坐JR Bus 去
https://www.kousokubus.net/JpnBus/zhtw/

搵大阪 to 兵庫再選大阪/神戶<>洲本
再睇邊個站落，入邊有Nijigen No Mori (Awaji-Highway Oasis)
但落車呢度唔係E停車場，好似有得轉shuttle 或者行返過去
而且高速巴士要買定飛，我去果陣復活節太多人我買唔到，所以我用第二個方法

第二個方法係
去舞子轉2次車，落車位就係F 停車場再行返去E
如果你想直接由姬路，唔想由大阪過去，呢個方法應該都啱
不過呢個方法D 轉車等車位全部好隔涉

你要由JR姬路坐過去JR 舞子
JR 舞子站出來後，印像中出閘後左轉會行到一個類似屋宛平台咁既地方，沿路睇指示會指你去「高速舞子」
最後你會去到一個類似屋宛平台既防火門既地方就係入口
唔好懷疑，推門入去吧
入邊係一座乜柒都無既建築物，得樓梯同升降機
(有畏高既話建議你坐升降機，果條長扶手好恐怖，欄又矮果度又大風)
上到頂其實就係跨海大橋既高速公路旁邊
路線時間可以呢度搵
選 高速舞子 去 淡路IC
https://busmo.656.ch/

去到淡路IC 落車後，你會係一個草地落車
旁邊會望到一個大停車場，果度就係淡路interchange，有食堂、有手信鋪，有時間你可以搵路兜過去，無時間就沿樓梯落樓，過底下行人隧道盡頭出來，會到達一個馬路邊等免費shuttle，時間表如下，其實只係一個站

https://awaji-bus.com/pdf/timetable.pdf

之後落車就係停車場F，再行返過去E就Okay

勁