歡迎想砌模型嘅巴絲入嚟 (192) 講句公道說話, 希望大家打交前貼下作品先

請問aqueous 稀釋左之後，可以存放幾耐？ 會唔會乾哂？

我剩係底灰成支開
一兩個月唔用要搞搞暈佢
純色隨心用倒用幾多倒幾多

唔該哂

邊到多滲線液買
搵極都冇深灰色買

買琺瑯油自己開吧

近排噴完HG風靈改，GUND-BIT總係甩色：

想問我整嘅過程有咩問題：
剪件加磁石再封膠
底色：Mr. Hobby H系水性底灰
主色：Mr. Hobby H系水性白色+ 雙星X10鐵色珐琅油，因噴出界可抹走
面漆：Mr. Hobby H系消光

似係珐琅油附着力唔夠，一拔GUND-BIT就甩，想問有冇方法可以加強附著力？

買水油自己開

自己溝啦

個個po都有人問
有無巴打放頭po

有黑同灰 可唔可以由黑直接倒入去灰嗰度 直到覺得夠深灰為止

去買兩支琺瑯油 自己加x20直接去試啦

講開琺瑯滲線液，小弟用過上圖呢五隻，分別係Black、Gray、Dark Gray、Brown、Dark Brown，分享下少少經驗，歡迎巴打補充指正。


上色效率
如果底色係淺色（例如係白色），用Black滲一定係上色效率最高，但由於對比感太強烈，好多人都唔prefer喺白色件上滲黑色，而選用灰色系/啡色系。
但係好遺憾，孖星嘅gray同brown滲線液喺白色件上嘅上色效率真係非常之低，滲完條線勁淡，好似無滲咁。用dark gray同dark brown嘅情況係會好啲，但大前提係一定要搖勻支滲線液。如果冇搖，啲顏料就好似下圖咁沉晒喺樽底，個掃索到出嚟滲嘅，就只係面嗰浸溶劑aka毀天滅地嘅X20


DIY琺瑯滲線液
雖然我唔覺得dark gray、dark brown特別難買，但久唔久都見有巴打話搵唔到，咁搵唔到可以點搞呢？其中一個做法就係自己溝，買支XF1、XF2同埋毀天滅地嘅X20琺瑯開油水，就幾深幾濃嘅灰色滲線液都溝到出嚟喇


抹滲線工具
咁滲出界用咩溶劑抹好呢？可以參考頭po “X20爆膠問題”，裡面有比較唔同溶劑嘅優缺點。
至於用咩工具，最簡單就係棉花棒，但一般藥房買嘅棉花棒其實幾易甩毛，同埋個棉頭都幾大，操作上未必咁得心應手。想好用啲嘅可以買模型專用嘅棉花棒，會冇咁易甩毛，個頭細啲，同有唔同Shape嘅棉頭揀。


除咗棉花棒，其實仲有呢類海棉頭嘅清潔棒，一來佢無毛可甩、二來亦比較襟用，一般情況下我覺得會好用過模型專用嘅棉花棒，都值得考慮。


其他滲線小貼士
(1) 除非自問滲線技巧高超，否則應避免喺已消光嘅漆面上面滲線，因為已消光嘅漆面一定唔係完全平滑，一旦滲出界，滲線液啲顏料係會滲咗入漆面表面嘅微小凹坑，好難抹得走，搞到抹完都好似一撻撻漬咁。
建議次序：光油>滲線>消光

(2) 點溶劑抹滲線時，唔好點得太過火。點得太多溶劑係有機會將原本坑線入面嘅顏料溶返出嚟。

(3) 抹滲線時，應從外向凹坑方向抹，邊抹邊滾動棉頭，可避免坑線內嘅顏料擴散出嚟。

(4) 棉花棒/海棉頭都係消耗品，雖然海棉頭係襟用啲，但用到咁上下都係要換過個新嘅，個棉頭用到太污糟仲繼續用，就即係一邊抹滲線，但同時又將棉頭啲污漬抹返上嚿件度，只會沒完沒了。

(5) 如果唔係素組滲線，而係會先噴油嘅，建議噴油前先將刻線加深，因為如果條坑線本身就唔深，咁噴完灰噴完油分分鐘條坑線就畀啲油填得七七八八，到時就好難做到滲線。

其他旁門左道
如果噴好晒油，先發覺有條線唔記得事前加深，而條線又真係唔夠深去滲，而咁啱你係想用灰色，咁呢個時候，鉛芯筆幫到你


直接用鉛芯筆喺條線上面描返出嚟，效果其實拍得住用dark gray滲。


呢度其實有啲線係用鉛芯筆補飛嘅，我自己都搵唔返邊條係滲出嚟，邊條係補飛描出嚟。

希望可以加入頭post

下個post 可唔可講下刻工具同用法

可以喔

刻刀就要靠三森巴喇
我都等緊佢頭po刻線刀比較嘅更新版
https://sites.google.com/view/lihkg-model/%E6%A8%A1%E5%9E%8B%E5%B7%A5%E5%85%B7%E9%81%B8%E6%93%87/%E5%88%BB%E7%B7%9A%E5%88%80%E6%AF%94%E8%BC%83

https://x.com/KLPOk5d9Sof5LhO/status/1701539552861749713?s=20
玩嘢丫

請問買水油再溝稀做滲線液又得唔得呢？ （用緊油性油做底）

初黎報到 有冇軍模同噴罐黨？btw 雙星陸自16式

歡迎新人加入
不過呢度笨大討論區軍模應該冇人理

太詳細

玩下呢d幾治癒，咁細粒又易d開無視大法

離離去去得你同三森會單打人淨砌bamdie 咋嘛
明明不嬲都有人post 女同軍模，又何來bamdie 討論區呀
自己唔砌bamdie 就好似有優越感咁成撚日係度單打你自己討論落去算