長文慎入 overseas prewedding 大中伏

事前無做research就被sell到join婚展大檔布拉格prewedding，事後爬文網上稱黑店都心慌慌，結果真係大中伏

1. Join嘅時候仲喺疫情尾聲，佢地講到點點疫情價，又無憂咩都幫你諗好，傾好價錢碌梗卡之際就同你講個價錢唔包化妝師外跟，只化一次妝，要外跟就加$2000，呢part都無得你話唔加，3套裙唔通套套一個髮型咩

2. Sell果陣話佢地係派出2位大師，同其他公司唔一樣，會多個一個側拍。注意，用嘅字眼係派出，係咪會覺得會係香港或台灣飛攝影師過去呢？結果就係騙案啦。攝影師只有一位，同化妝師都係住當地嘅大陸人，連燈光助手都無。未出發嘅時候知道就問啦，佢地即刻話安排有助手。結果助手唔係打燈，裙擺亦唔幫你拉好，最多就係幫手拎下花球，仲要同攝影師一齊share一支電子煙同話太早起要求飲咖啡，明顯就係臨時拉夫黎過骨架啦

3. Add on價錢仲有當地交通，包車一日話收$3000，仲話你自己book都要呢個價。我地唔加住問左下其他公司布拉格景點近可以行+uber兩三程車，但攝影師話必定指定要求包車，果陣離拍攝日子仲有幾日但我地試下自己book啦，發現$3000呢個價食水頗深，仲要我地book嘅時候已經好多包車公司full左但都平佢個價一截

4. Sell果陣又係話有名牌裙又有晒高級飾物配襯咁。名牌裙真係見唔到，飾物頭飾就係淘寶中最平果D仲要殘殘舊舊咁，頭飾之類根本揀唔落手，個皇冠歪到張相影出黎都見到，仲要好彩我自備左D耳環最後都係用自己嘅

5. 同樣收錢果陣講到無限景點拍攝8-10小時唔收OT費一定幫你影晒，結果攝影師第一時間就同你講下午2點拍攝完畢，當日仲走佬走得勁快。佢suggest行程7個點，每條裙2-3個景點（所謂景點其實好多都係隔離架啫），一般6至7小時拍攝完畢。但我話跟佢嘅行程會導致背景唔襯條裙，我自己爬文，俾左個大約嘅plan佢，攝影師一開始話佢拍攝有自己節奏跟唔到呀咁，後來又應承我個plan，但最後就梗係無影晒D景點啦，仲要total係唔足8小時拍攝時間。攝影師根本就無心了解同你傾行程，扮晒野話全部同你影但就一D都無心了解你想影咩或者同你商量，影到中間仲叫你自己keep time，大佬著到咁身上點會有顯示時間嘅任何工具！？明明住當地應該好熟路，條路線點樣行得通，邊D唔夠時間大可以傾好先，而唔係咁上下時間就一句盡左力走都走唔徹咁，話之你個行程係點想影咩景

6. 你話有興趣影教堂佢話教堂係唔可以從事商業用途唔入得去影嘅，但明明好多間婚攝公司都有得影布拉格教堂，貌似係要book定又或者要付費之類，但就唔係無得影。總係覺得佢地大話連篇唔老實，D野呃下氹下就又過到骨，繼續婚展sell係一回事，出到黎又係另一回事

7. 當你開始心軟拎左張信用卡出黎，第一時間同你碌全數先，正路少少嘅公司都仲有落訂之類，明明拍攝日子都未firm。拎衫亦同你扣起過萬蚊嘅按金，千祈唔好唔見野，淘寶幾蚊個嘅bowtie都收200

8. 以上嘅所有只要D相影得靚嘅我都可以放下，重點係相唔靚！！！

- 由室外到室內，環境暗左，竟然連ISO都無推返大少少，結果我地火車站嘅相全部唔合格。果一站我加入係覺得個室內裝飾同拱頂好特別，仲要係特登去嘅。而且有一個點係一張相都見唔到，但睇相時間公司話全部喺晒度，懷疑都係因為setting有問題或out fo之類全部唔要得

- 構圖都好有問題，例如花園有棵好得意形狀好特別嘅樹，喺樹前影梗係影埋樹架啦，但佢只影人！？有D影側面連樣都睇唔到，但個身又俾D brushwood遮左其實想影咩！？有個路過覺得好靚嘅白色洋房，屋前有好多鬱金香嘅靚景，攝影師叫我地行黎行去行左3，4次，但影出黎嘅好似偷拍照咁，明明正正經經影就已經好靚，點解要影得咁鬼祟？又一張都要唔到。逆光逆到成個樣都睇唔到但又唔係影剪影，似random出現相中嘅2個人而唔係幫新人影相，仲一邊影一邊話靚？仲有用紗半遮塊面佢影左好耐話好有藝術感覺但我就真係唔識欣賞，果堆我一張都無揀到。火車站係影個室內設計嘅宏大，但佢打直影完全無左果個feel，應該係因為當時無換廣角鏡就影唔到啦。我地去到charles bridge好多遊客，多遊客都有多遊客嘅影法去突出返新人，不過似乎佢就唔識點做，影到不止10個遊客仲要同新人一樣大一樣清楚，但間公司同我講D人係P唔走嘅。 what? 仲有為左影到晒個塔佢將新人放喺廣角鏡嘅邊緣，都估到出到黎張相係新人distort左。原來俾幾皮佢出嘅攝影師係你要verify佢影左D咩同話佢知個角度，可惜當時我無咁做

- 好多動作擺pose其實好靠攝影師lead住，但個攝影師淨係識得叫我地自己玩，行黎又行去咁，同埋“親一下”。結果我地好多相都真係“親一下”同埋唔知喺度做梗咩，連攬嘅角度都唔好睇但攝影師無糾正過我地。如果影唔到果種interaction嘅氛圍，其實可以叫我地企定定做指定動作咁影，但呢樣都做唔到

- 事前間公司有問過我地想要咩style我都上網做左功課俾埋sample，連某D角度我覺得值得參考都有俾左D佢地，但成件事係個攝影師好求其根本就無理過。我話想要合照多，個人照唔太需要但佢就影我個人影到好hyper咁。都話想要合照囉！

- 第一次睇相同我講攝影師已經調好色，真係睇到我O晒咀，個相機直出都仲靚D。明明果日藍天勁靚佢調到個天變左白色，真係唔知講咩好。咁佢地話喜好嘅野好個人，問我再拎多D sample了解多D先跟到黎調色。好啦再搵sample俾機會佢第二次調色，更加係離晒譜，有好幾張都調到勁黃，黃到由個景到個人都好黃，又唔係少少菲林效果果種，完全係覺得究竟你識唔識架！！？明明我send嘅調色sample，入面一張都無偏黃

- 講到呢度都知個攝影師無咩技術啦，中間個攝影師仲提左一句話你地D相嘅成功率好高。😅咁即係呢個攝影師平日影出黎嘅好多都唔成功？成件事就好似撞手神咁反正你只需要揀幾十張。個攝影師似係背左D 標準角度淨係識影果幾個地方，俾D新景佢就唔識影

- 另一樣野係如果主要用定焦鏡，作為專業攝影點都拎兩部機啩，但佢就一部然後成日要等佢換鏡。燈光呀其他攝影器材呀係零。咁同我自己搵friend影有咩分別？D friend都影得好過佢器材仲齊過佢。命中率低得黎又要趕收工，又要係咁浪費你時間影埋晒D奇怪相，又唔理解客人需要。影左半日竟然先問我鍾意近境定遠景多D。正路係咪近遠都要有D，而且要有可以揀到做油畫嘅相？仲有如果係要知呢樣，係咪一早就已經可以問，而唔係影左半日先問？當我早早就應要求send左sample出去（雖然D sample最後根本就完全被無視）

9. 講完拍攝講睇相。揀相無理由唔sell你買相啩，而其中一個sell相嘅理由係，排版相簿係規定3張相2頁嘅，原來當日簽嘅contract仲要列明呢條咁奇怪嘅rule。之前亦有位絲打提過佢地D排版好唔掂結果佢自己排返，而間公司亦有意無意間講到要你自己排版俾佢地跟咁。

算啦黎到呢度我真係失望至極，我亦都唔想再搵sample再俾意見佢地嘅“作品”，亦唔想要佢地D相簿相架，我話黎到呢度提早終止合約啦，佢地肯用淘寶價賠償餘下嘅精修服務同紀念品。無得多真係淘寶價，仲指責當日我影完相揀埋相都無反映有問題。扣減左我都俾左兩皮幾去買呢50張連色都調唔好嘅相，間公司真係賺到你盡。咁樣做生意法，網上嘅負評都真係唔係浪得虛名。間野喺新加坡都有分枝，如果用英文google，同樣會搵到大堆負評。

為此我有打去消委會了解，消委會職員亦表示極有問題好多介入點，但因為間野係台灣公司佢地咩都做唔到，甚至仲俾台灣消委會聯絡叫我追究......😅

講真個價錢喺第二D公司已經係包香港crew飛過去同全原檔回。當初會join係基於以上點2同點5嘅誠意游說，而且放出黎嘅sample都靚嘅，但完全唔係呢一會事。間公司只係想收錢cut budget而唔係想幫你影靚相。相唔靚俾幾多相架souvenir都無用，浪費大家時間，浪費靚景，浪費我地歐洲trip一直拖住一喼裙鞋西裝花球等。超後悔，唔想有其他人再有類似經歷所以打出黎分享。

婚攝公司：法x巴x

純文字討論？

睇到最後竟然唔開名

樓主都幾撚多意見

上黎講都唔開全名

Tldr, 連名都唔開已經冇討論價值

名都唔開

打咁多字就係唔肯打公司全名

點解呢D控訴唔開名?
怕咩?

再post過
新post喺最頂開全名喺，仲要size 18 , color red

俾錢請埋人去外國pre wedding已經戇居

陳年拎返出黎，哦呢兩公婆住香港，平時會去布拉格

啲相有幾可拎返出黎睇？

影得pre-wedding都知你係傻仔喇

個名擺到咁後咁都唔係好嬲啫

唔開名不如唔好講

本來就唔應該係婚展join pre wedding
換來一定係一肚氣
強烈建議唔好係婚展join任何野

Tldr 冇做功課就去婚展錄碌咭咪當智商稅

台灣公司都唔開名 搞錯呀

婚展好多伏
其中影pre wedding一定係大伏

雖然咁講可能好mean
但我都真係唔明點解要飛去一個靚景但無感情既地方影pre wedding
影婚紗相唔係要記住兩公婆之間既回憶咩？
咁唔係應該係啲最多回憶既地方影咩
見到而家啲人成世人都未去過歐洲但又專登去個度影婚紗相就覺得好搞笑

肯比咁多錢
但又唔肯用少少時間做research

認真 未玩過呢啲
點解要係香港請人去? 唔直接搵返當地local影?

唔mean，事實

不過實有人話睇連登啲comment好可悲

pre wedding 都可以創造大家新既experience/回憶都得既姐
兩公婆一齊explore somthing new唔係仲窩心咩

婚展行行下截住人嗰啲所謂攝影真係見到都驚正常人見到都急急腳走，點會坐低同佢哋傾

係呀，唔駛揾個攝影公司