[純愛/樓主被罵成狗] 溝唔到普通女仔, 轉溝女神竟然1 take pass (6)

我都唔撚get點解咁跳躍

TVB劇情咁

根本就見完外母後就起痰，MILF fk boy

你嘅心路歷程咪就喺永遠依分鐘嘅你打倒上分鐘嘅你

應承唔掂你 -> 扑野
媽咪我應承會同你嗰女結婚 -> 分手

再加埋三十歲人郁啲就情緒勒索 自己錯 拒絕溝通block咗人就算鳩數

如果依件真喺真人真事 我好鄧M小姐擔心

屌你老母

樓主係大家眼中既形象：

毒撚—>有錢仔—>食女王—>渣男—>人渣

而家對樓主感覺差咗唔少 不過咁先係真人真事 睇得出樓主冇為咗寫文而美化自己人生比我地睇 真係似記錄緊自己感情史 純粹帶埋我地一齊睇埋咁解 真正the good the bad, and the ugly 幾respect

渣男 屌你老母 屌埋你外母出文呀

樓豬有啲嘢唔係好明

所以Chole其實仲鐘意你？放唔低你？

停d位越嚟越過分 快d起身出呀

陸卓謙呢下欲擒先縱高招～

分手都出埋睇嚟樓豬啲中二病真係好嚴重

完美主義揮手區又要有完美主義 又唔夠tough唔夠能力將件事變成自己理想嘅咁然後發現左就覺得自己好廢 想逃避

應該係m小姐直覺嚟啫，講真Chole嘅真實感受都唔重要了，有啲嘢唔知好過知，你有你生活，我有我忙碌就算，最重要係身邊嗰個
反而好奇，之後M小姐或者樓豬真係再冇見過Chloe?

我覺得m小姐咁都肯搵返黎證明係愛你 但樓主好痴線 大佬前fwb 撞到正印 仲要同個fwb 有close contact 仲要咁易既就講分手 乜春sales skill黎

你自己將心比心 m 小姐幫個ex用手抹眼淚你自己點諗呀 有時信任唔係話做完講真話就得 係建基於另一半點諗而唔去做d傷害佢既野 唔通你殺完人去自首你就叫岩咩

不過樓主劇透過話好結果 都祝福你地無事

Same

睇到樓主既處事手法好嬲
發生d咁既事就話要分手
又講到自己幾愛幾愛M小姐
你話你同M小姐同年都算
但仲要大佢咁多年
一開始咁保護人 宜家咁樣hurt佢
真係傷多兩錢重

用分手黎逃避 甚至係威脅
樓主都係係度博一鋪

雖然明你真係唔知點面對
但今次既處理手法真係好唔成熟
唔明點解唔可以冷靜左情緒先再好好解釋
衝動講出黎既說話係最傷人
希望你同M小姐和好如初後 唔好再有下次了

冇錯，明明前一秒話諗通左自己好鐘意逃避，下一秒對m小姐講分手逃避，到抵做乜鳩？我以為會諗通左要面對過去展望將來啲濕鳩嘢。

M小姐仲嬲緊自己仲要講分手block 鳩埋人仲要嬲緊嘅人返嚟氹佢...

不過幾真實幾好睇，亦都表現到樓豬嘅不完美但又溝到女，屌

以退為進
btw 屌你老母

形勢一面倒
初初開始 個個屌M小姐乜柒都未Ready
宜家到樓主 因為發生左d未至於要講分手既事而講分手
就係要有喱d經歷 先會覺得段感情夠刻骨銘心

樓主好睇 繼續出文

借啲意中出即飛姐

文呢？

不過樓主等我地幫你釐清毒撚既定義
以你既歷史可以談不上「玩家」
但你絕對唔係毒撚

毒撚無FWB 唔會係港青
大部份唔會做GYM
Social skills 係0
通常只係係屋企打飛機

:陸卓謙...!
:你中左招?

我勉強再撐大眼皮, 望清楚D
:寶媛...? 唔係天使? 定係幻覺...
我依然無力癱係床到, 勉強朦朦之間見到有人影

發燒同身體各處痛楚令到我好混亂
究竟係我太掛住M小姐有幻覺, 定係真實
我介乎半睡半醒之間, 覺得好迷幻

忽然我感覺有人過嚟摸我額頭同身體
:你好熱呀, 幾多度? 無食藥?
M小姐把聲再次傳到我耳邊

我睜開眼, 見到M小姐坐咗係我床邊
手上拎住我嘅covid測試棒, 應該係放係廳比佢見到

:真係你...唔係幻覺...
我氣若浮絲, 全身軟荏荏發唔到力

:幻你個頭呀, 咁夜我飛的過嚟
:本身想睇下你玩乜, 係咪真係想分手, 諗住俾返鎖匙你就走
:如果係第個我一定唔會理佢, 陸卓謙你幾好嘢
M小姐話

:你走啦...唔想傳染你
:我係垃圾配你唔起, 你唔好理我, 由我喺到啦
我擰過頭面向枕頭, 繼續伏喺到
其實我除左全身痛, 個心都拿住好酸好痛

:你唔舒服又唔講, 又唔聽電話, 仲block我? 係咪有病?
:呃...你係有病...
M小姐講完馬上知自己講錯

我無任何回應, 繼續瞓係到

:我番到屋企有諗過..
:我係overreact咗...今朝的確唔係你刻意造成
:對唔住
M小姐話

:唔關你事, 係我handle得差, 整到你咁嬲
我癱係到講, 無望過M小姐
我唔係嬲佢嬲我, 我係自覺無資格面對佢

霎然, M小姐過嚟拉我轉身
:喂呀唔好講呢D, 你望住我先
:你食咗藥未呀問你
M小姐問

:無藥
我無力擰擰頭

:咁夜晚果餐呢呢, 有無食?
M小姐又問

:好晏啦咩...?
我無睇過鐘, 唔好講時間, 連空間感都唔係好實在, 個人有D wing

M小姐反白眼反到一個點
:12點幾啦...
:陸生...你係咪想自殺?

「......」
我無回應, 因為我都諗緊自己係咪想死咗就算
應該唔係, 我只係無力同無諗過咁辛苦
全身超痛超攰

:如果我無嚟, 你點算..?
:unbelievable....
M小姐無好氣講道

:你走啦不如...會傳染...
我無力講道

:你好唔想見到我? 定係你真係想分手
M小姐翹起雙手認真望住我

我用力趴過去攬住M小姐條腰, 個頭瞓係佢大腿之上
:唔係...唔係想分手...我係有病
:唔好話分手, 諗起以後見你唔到, 聽唔到你把聲已經好想死
我係呢個位終於忍唔住喊咗出嚟
雖然我全身都痛, 但對比心痛都係微不足道
我指有病係個心有病, 而且應該病得不輕
我絕對唔想分手, 分開都唔想

我個頭感覺到有隻手係頭頂輕輕撫摸...
:我當你今次係發燒亂講嘢...
:但你如果再輕易講出呢兩個字...
:陸卓謙, 我一定唔會原諒你
聽到M小姐講完, 好快就聽到佢明顯啜泣聲

我勉強撐起上半身, 望住喊緊嘅M小姐
我覺得自己係白癡...唔明點解咁輕易就講出口...
明明唔係咁諗, 個手就咁做咗
我捉住M小隻手

:對唔住...對唔住...
:我寧願死都唔會再講呢兩個字...
講完我雙手抱緊M小姐

:你個弱智人馬座...宇宙大衰人
M小姐都攬番住我

兩個人抱住對方, 哭成淚人