有冇人接受唔到，屋企寵物突然離世？？

正常 我隻狗養左10 年 突然死左 就唔想再養
事隔咁多年 都冇再養過
因為唔想再承受多次突然離開既感覺

我都係10年，同你差唔多感覺
依家一得閒好多時會落去金魚街/勝利道
睇吓啲狗仔懷緬下就算

細個養過隻狗睇住佢最後一個星期老到食又食唔到，行又行唔到，自己日日以淚洗面. 之後都唔敢再養

我隻貓貓又係生cancer
醫左幾個月都無用
走之前個日醫生已經話就唔得所以請左假陪佢
夜晚訓覺不時都會叫好似唔捨得我地咁
最後第二朝就響我抱住佢個陣走左
而家諗返就後悔無抱佢去其他房睇下
只係就咁同佢訓廳

最近不時去貓café搵貓
但覺得自己一定要屋企有隻貓等放工先無咁寂寞
日日睇住愛協個網
但一來屋企人無咩想法接受新貓
又諗緊走左個隻會唔會唔開心

其實我貓貓走前一日，都試過一次差啲就走。
我地係見佢去唔到廁所，所以想幫佢搓肚，等佢易啲屙到尿。
但係一抱起佢搓佢個肚，佢就大叫，然後一下落咗貓砂盤。仲不停咁用口呼吸，低聲呼嚕呼嚕（聽得出係痛苦嗰種叫法），仲好似抖唔到氣咁，雙眼瞳孔放大。。
跟住佢就望向我地叫咗幾聲，我覺得佢嗰吓應該真係準備講拜拜。
但之後我斟咗兜水俾佢，沾少少水喺佢嘴邊，佢見有水飲又即刻企返起身。
抖咗十幾分鐘佢就平伏返啲。
經歷完嗰搓次之後，我其實都有心理準備佢真係就快離開，但無諗到隔一日就要面對

我喺佢走咗嗰晚完全瞓唔到，不停喊，第二日都請假無返工。

一齊生活咗19年，由bb養到宜家，佢可以話係同我一齊長大。真係好難接受佢走咗。

抖咗一日之後再返工都喺公司喊咗幾次，又無胃口食嘢

咁快？

好多野都取代唔到佢

好多時，貓狗都唔想主人知佢咁辛苦，想匿埋

呢種不捨嘅感覺好難平服
希望貓貓係貓星會幸福，永遠記住主人

接受唔到30k?
我岩岩執左隻貓半個月都用皮幾，唔係好接受到

咁大洗費 fip？

始終本身果隻咁耐，都好難話一時之間要新，睇怕都要返啲時間去接受

慢慢離世都唔好
睇住佢越嚟越差

醫得好就冇所謂

感冒又肺炎又皮膚問題，因為屋企有貓就唔拎返去住
住左兩晚院，如果無好轉就諗住搵人接手，有好轉就拎返屋企隔離
拎左返屋企隻舊貓又抑鬱又要睇醫生，過左半個月就好左啲啲

以前嘅貓貓過身我都忘記左隔幾耐先養新
不過印象中唔太耐
最主要係我唔想做到有個確實嘅時間，好似過左幾耐就唔洗理直接養得
唔知係咪今次過身嘅係養左最耐最親人
前排同屋企人提起炒大獲就無再講過
不過都唔想做到以前嘅過身接受到養新，得最近呢隻唔可以
我自己都唔想搞到好無情咁
但咁多年都有貓貓陪住而家全部走哂個心好唔平衡
有時訓教或放假留屋企又會突然眼濕濕掛住佢地
唯有多d搵時間去貓café

好彩

諗起以後冇貓夜晚叫，搞你，要你同佢玩
確實好難搵新貓代替到，但相信貓貓都想你開心

醫生有冇話咩事？

膀胱發炎去唔到廁所 醫生都唔100％肯定 總之就去唔到尿 超聲波見到膀胱有晶石

將你畀佢嘅愛，延續去下一隻到，佢幫你搵左接班人架啦