加拿大移民放負區 (12)

要炒返旺個場

個stream ab都搞左兩年, 但好似呢半年先多人放負

因為大部分尼年先過黎

早兩年嚟嗰啲上晒岸

21年嚟嘅大部份都過得唔錯，低人工都好但至少搵到本行，但今年嚟嘅人炒車機率好高，連工都搵唔到所以先咁多人放負。
始終「做足心理準有機會要返超市」同「冇得揀冇人要只可返超市，但超市都未必請」係兩種心理狀態嚟
所以話人「好多嘢你未嚟之前就應該知」嘅人，應該冇咁大同理心去理解人地個處境

因為加拿大大環境係22年尾先開始轉差

早兩年環境都唔同

最難頂應該係環境差咗 但支出照升 housing market照升 wage追唔上

呢兩年個通漲咁得人驚

係
所有嘢都加咁多
係人工冇點加

想問你哋諗住之後會點？我估佢都會keep住升
積極轉工搵份高人工嘅？搵多份工？搬遠啲平啲？買嘢再慳啲？

轉工邊有咁易
去到要搵多份工嘅地步，咁啫係仲衰過以前喺香港
唉，都唔知喺度掙扎到多幾耐

Stream A畢左業5個月都未搵到份工
唯有再煮平啲同去多啲food bank拎食物

呢到d歧視好似都幾明目張膽
見到有個坐輪椅嘅伯伯係st clair 等車
個巴士停地見到之後居然揸走左

會唔會做住餐飲pt 再搵其他工
餐廳包餐，可以煮少餐
當然搵餐廳工都可以收rejection

聽日出bonus了fatfat

咩科

黎左多倫多兩個月，覺得自己越黎越孤僻
好多不如意嘅事想呻，但最後都係自己食左佢
比如同屋企人又唔想佢地擔心
同朋友講又驚自己好煩好怨婦撚
返工又同d同事唔太夾，雖然好多人都話返工係搵錢唔係搵朋友，但返餐飲工8成時間好得閒，其他同事係隔離大聲講大聲笑，自己戇戇居居咁企埋一邊
再加上手生+騰雞性格，今日比同事叫我企埋一邊算
而且搭鐵冇signal，成程都不斷係到諗緊自己係咪好失敗

今日中午收到interview通知，果下好開心，因為搵左兩個月ft，send左百幾份cv，第一次有人respond
但就連咁開心嘅野，我都冇同任何人講
會諗好多野比如冇offer、同人講完但藍剔or negative feedback
呢下先係我最唔開心嘅地方，覺得自己真係變左好多

唔知點講好都唔知自己想點，一邊打一邊忍唔住喊
可能淨係想搵個地方講晒心底嘅說話出黎

好在你有入嚟講！
恭喜你呀ching!
有interview 係個好開始！第一次in係會緊張啲
但比啲信心自己豁出去就掂
我當初interview 我啲英文都1999 最後都有offer
支持你 等你上嚟報喜

我完全明你感受ching 半年前自己一個人拖住兩隻喼就過左嚟加拿大，體驗過無數次interview，試過返返吓工比仆街香港人老細layoff，試過拎住resume洗街，夜晚打比屋企人都唔敢表露自己唔開心嘅情緒，唔想佢哋去擔心，另一邊廂呢邊朋友都冇幾個，就算識落都唔敢太快交心，變相好多野都係自己吞 但好在而家總算搵返本行做同埋啱啱過左probation，個人先慢慢定落嚟。預祝你interview成功，就算最後冇offer都當賺返個經驗

真呀，我英文都講到1999最後鬼佬老闆都請我，敢講就得㗎喇！！ 唔洗騰

我都係愈黎愈收埋自己好在有隻貓陪下 唔係都熬唔到

我可以做聽你講嗰個

放負區需要tg

啱嘅 係驚推po就比人話五毛放負