容祖兒要求男友身家清白有頭髮五官正常就夠

airfan 2023-08-14 22:24:59

容祖兒自爆擇偶條件「打開胸圍」公開招親
on.cc 東網
樂壇天后容祖兒的34場《ANOTHER SIDE…… JOEY • MY SECRET • LIVE》演唱會第19場，分別有Tyson Yoshi，魏浚笙（Jeffrey）、林家謙，李嘉欣、鄭希怡（Yumiko）偕女兒梁浸浸、黃依汶及兒子陳真等等捧場，每晚的點唱及安歌部分，她都與歌迷影大合唱，而在大合照時，她更扮zombie，非常搞笑，陳真一聽到扮zombie好興奮，於台前狂扮不同動作，引得觀眾及她哈哈大笑。

台上她又搞笑問：「做咗24年歌手，係咪冇歲月痕迹？睇吓條馬甲線…係咪好fit呀？喺社會做咁多年嘢，我仍然相信世界係充滿色彩，相信世界係善良及好有希望同美好。之前有段日子，冇辦法要離開香港工作，錄咗首新歌都冇辦法返嚟宣傳，我真係冇諗過首歌竟然唔返嚟宣傳都可以得到大家厚愛，五台兩星期連續雙冠軍，連ViuTV我都冇去過，都係兩星期雙冠軍，應該係我人生史上第一次咁好成績，好溫暖，好多謝所有支持呢首歌嘅所有朋友，多謝大家咁愛呢首歌，所以我同自己講，我可以返香港我就一定會係舞台上同大家分享呢首歌《東京人壽》。呢首歌教會我活在當下，珍惜現有，珍惜身邊一切。」

祖兒笑指好多朋友都戥佢着急：「佢哋成日話，我再唔搞就冇得生架啦！」觀眾大叫：「點搞先？搞咩先？我喺度呀，結婚啦……」引爆全場笑彈，她聞言忍笑答：「唔係呀，即係『搞掂』佢呀，哈哈哈…呢度好色情呀….我企番後啲先，哈哈…..」又自爆擇偶條件：「其實我要求好簡單，只希望五官端正，身家清白，有頭髮….點解咁難搵？所以我覺得一定係我心態問題，於是我同自己講，唔好諗咁多啦，打開個胸圍…打開個胸懷先係….哈哈哈…..」，當她將「打開胸懷」講錯為「打開胸圍」時，全場爆笑。祖兒又謂其實她天生13點，收藏了不少私人小故事，又指演唱會已進行了一半，會隨心情即慶再爆些小故事，之後每晚會否有新驚喜就等要拭目以待。

肯定就是你 2023-08-14 22:38:06

同女仔拍