喺美國NIKE App & SNKRS買嘢返香港

已經下載同埋註冊咗美國NIKE App同埋SNKRS嘅帳戶請教一下大家如果喺唔識人住喺美國嘅情況下要喺美國NIKE買嘢運返香港唔俾人Cut單有咩要注意 / 條件?希望類似經驗或者清楚流程嘅巴打分享下Thanks最好當然順便可以幫埋其他同我有類似諗法同埋情況嘅人。

有人可能會問點解唔俾多幾十蚊搵代購要搞咁多嘢咁複雜我嘅答覆係我想要嗰啲鞋款都係要按時搶 / 抽籤，啲代購唔會咁得閒喺度陪我癲啦佢地只會幫你買啲上官網任買嘅鞋款，甚至依家好多代購都唔敢接又係因為驚俾人Cut單，所以喺我角度搵代購只係適用於一啲唔追求限定鞋款而且隻腳超撚大喺香港根本冇你Size焗著要去美國買嘅人。

咁我自己都上網搵咗啲資料，就係要有美國嘅真·私人地址 (我諗住喺淘寶買或者租個，可行性如何? 有冇咩伏位要注意?)、電話號碼 (喺淘寶買地址嗰陣點都會有埋電話掛)、Check Out嗰陣要係連緊美國IP (呢個都係聽聞姐，唔太肯定同埋清楚如果係真嘅話依家市面上嘅付費VPN解唔解決得到呢個問題?) 同埋美國信用卡 (諗都唔駛諗暫時解決方法又係上淘寶買嗰啲美國NIKE禮品卡...有冇人係買過可以Share下? 驚係嗰啲所謂黑卡好伏)

美國信用卡嗰度我上網都搵到有個App叫Dupay，可以申請美國虛擬預付卡但另一個問題就係唔知美國NIKE嗰邊會唔會Detect度嗰張係預付卡然後Cut單......有冇巴打係用過美國虛擬預付或者信用卡喺美國NIKE買嘢順便分享下經歷?

我諗解決曬呢啲難題之後運返香港嗰Part應該就唔係咩大問題最多都係錢嘅問題另外都想問下各位通常一對鞋US 9 / 9.5嘅鞋包埋個盒大概一公斤至一公斤鬆啲通常要幾多錢運費? 唔該曬大家

咁其實除咗美國仲有啲咩地方係冇咁煩英國NIKE OK嗎?

推

英國Nike 都一樣啦
而家咁多人移民，應該易借到英國地址
信用卡你可以試下照用香港卡，睇下過唔過到數。唔得去HSBC開個英國户口
其實外國都係難中，零售價本身又貴過香港

美國NIKE計過條數其實OK至少點都抵過食炒，係風險問題姐。英國NIKE睇過啲價了，呢個都係決定咪搞，就咁計對鞋嘅單價都貴香港兩三舊水。