自親海駅II「平爆」開價後，東九龍一帶睇樓量下跌逾半之餘，成交亦變得淡靜。當中觀塘凱滙及油塘全區，包括私人屋苑及居屋，本月均未錄承接；藍田麗港城及滙景花園則各錄1宗成交，成交價個別發展。
港聯置業營業董事方健勝表示，麗港城本月成交單位為1座高層C室，實用面積522平方呎，採2房間隔，向東望山景。單位放盤約1個月，原本叫價$690萬，於周三（9日）以$630萬沽出，較滙豐估價$700萬低1成，呎價約$12,069。原業主則於2006年以$210萬買入單位，現轉手帳面賺約$420萬，期內升值兩倍。據了解，業主原本態度強硬，一直拒絕減價；直至早前親海駅II低價推出，態度方軟化，但仍堅持有票才可議價。日前有買家帶票睇樓，在淡市下決定減價沽貨。至於買家雖有入票新盤，惟因單位面積較麗港城細，加上樓花期達兩年多，最終改為入市麗港城。
相反，滙景花園日前成交的3房套單位，造價卻高銀行估價接近1成。美林物業高級客戶經理林小燕稱，該單位為17座低層G室，實用面積718平方呎，屬3房套間隔，外望內園泳池，日前由$1,120萬累減至$1,033萬易手，累減約7.8%，造價較中銀估價$940萬高約9.9%，呎價約$14,387。原業主於3年前曾花約$80萬裝修全屋；買家因鍾情單位靚裝而入市。不過，按其於2019年7月的買入價$1,060萬計算，是次轉手仍需蝕約$27萬，蝕幅約2.5%離場。
