有無人係真心唔想拍拖

唔分手都唔記得咗原來單身咁舒服
但有時想有個旅伴/有個人攬下係真嘅
如果有啲價錢合理嘅ptbf 應該會幾啱自己

ptbf兼係難搵 有考慮過拍散拖 但都係唔及單身自在

當然會有，真心唔想拍拖嘅大有人在，
我亦識得啲靚仔靚女選擇單身，就係真心唔想拍拖。

所以我一向都好反感啲人成日係度話人⋯
你/佢咩唔拍拖啊？ 點解你/佢仲未有伴嘅？ 點解佢仲未有人埋單嘅？
其實呢啲諗法真係好痴線！ 亦好自以為是！
而家呢知個年代，大家選擇單身有咩問題？

而我嘅情況係，以前拍過好多次拖，但好多都係散拖或各取所需，
真心愛嘅，一隻手數得哂。
坦白講，如果我係出身有錢家庭，完全唔需要擔心錢嘅問題，
我而家都會好想拍拖！
因為我由細到大都無家庭溫暖、無安全感、好需要有另一半陪伴等。
但係而家人大咗，單單係日常生活都好夠煩！
主要就係要返工搵錢呢樣嘢去生活(其實係生存)，
已經用哂大部分嘅時間同精神⋯⋯
咁嘅情況，真係會搞到無心力去尋求愛情！ 就算有心都無力！
唔係真係唔想，唔係真係唔諗，只係做真係做唔到。
當自己真係無信怪去拍拖，自然就真係變成真心唔想！

呢個問題，我同身邊朋友都傾過、討論過，
結論就係，結果唔係現實問題，無金錢上嘅煩惱嘅話，
大部分人都會想有另一半陪伴。
(就算有炒少部分人都係唔想，但呢個起碼真係個人嘅選擇！)
要再簡單啲、好現實咁講，
如果唔需要再為搵錢而煩惱嘅話，咁樣先可以真正享受生活！

補充，講漏咗一樣嘢，
上面講完係一個好現實嘅問題，要搵錢令到自己無咗大部分嘅時間同精神等。
咁舉埋一個假設，以我同身邊朋友角度嚟講，

如果有人係唔介意我無錢、無樓、無儀式感(係唔想有)、唔介意一齊捱等嘅話，
你嚟問我，有一個咁嘅人出現，我會唔會想拍拖？
我好坦白咁答你，「會！」
如果真係有個完全夾到自己嘅話，我諗唔到有咩理由去拒絕！
而呢個答案亦帶返去上面嘅話，當無咗現真實嘅問題，我當然會想有另一半！

最後，祝同樣嘅單身嘅巴絲打共勉之，
希望我哋至少可以由生存變返做生活，
可以開開心心咁過每一日，呢樣嘢一定係最重要，
至於次之後會唔會有真正嘅另一半，隨緣啦！

你已經好勁。攰到狗都唔得要散步，俾到盡都係兔仔。

40 A0冇得強求啦

當然會有，真心唔想拍拖嘅大有人在，
我亦識得啲靚仔靚女選擇單身，就係真心唔想拍拖。

所以我一向都好反感啲人成日係度話人⋯
你/佢咩唔拍拖啊？ 點解你/佢仲未有伴嘅？ 點解佢仲未有人埋單嘅？
其實呢啲諗法真係好痴線！ 亦好自以為是！
而家呢知個年代，大家選擇單身有咩問題？

而我嘅情況係，以前拍過好多次拖，但好多都係散拖或各取所需，
真心愛嘅，一隻手數得哂。
坦白講，如果我係出身有錢家庭，完全唔需要擔心錢嘅問題，
我而家都會好想拍拖！
因為我由細到大都無家庭溫暖、無安全感、好需要有另一半陪伴等。
但係而家人大咗，單單係日常生活都已經好夠煩！
主要就係要返工搵錢呢樣嘢去生活(其實係生存)，
已經用哂大部分嘅時間同精神⋯⋯
咁嘅情況，真係會搞到無心力去尋求愛情！ 就算有心都無力！
唔係真係唔想，唔係真係唔諗，只係真係做唔到。
當自己真係無信心去拍拖，自然就真係變成真心唔想！

呢個問題，我同身邊朋友都傾過、討論過，
結論就係，如果唔係有好現實問題，無金錢上嘅煩惱嘅話，
大部分人都會想有另一半陪伴。
(就算有少部分人都係唔想，但呢個起碼真係大家嘅選擇！)
要再簡單啲、好現實咁講，
如果唔需要再為搵錢而煩惱嘅話，咁樣先可以真正享受生活！

補充，講漏咗一樣嘢，
上面講完係一個好現實嘅問題，要搵錢令到自己無咗大部分嘅時間同精神等。
咁舉埋一個假設嘅情況，以我同身邊朋友角度嚟講，

如果有人係唔介意我無錢、無樓、無儀式感(係唔想有)、唔介意一齊捱等嘅話，
你嚟問我，有一個咁嘅人出現，我會唔會想拍拖？
我好坦白咁答你，「會！」
如果真係有個完全夾到自己嘅話，我諗唔到有咩理由去拒絕！
而呢個答案亦帶返去上面嘅話，當無咗現真實嘅問題，我當然會想有另一半！

最後，祝同樣嘅單身嘅巴絲打共勉之，
希望我哋至少可以由生存變返做生活，
可以開開心心咁過每一日，呢樣嘢一定係最重要，
至於次之後會唔會有真正嘅另一半，隨緣啦！

唔好意思，上面原來打錯唔少字，修正返。
感謝有睇哂同有同感嘅巴絲打。

好撚長
不過講真我都有分析過點解唔想拍拖
1.唔想洗太多錢人工又唔係高 拍完拖基本上好難儲錢 而唔儲錢將來九成九又會比人嫌棄
2. 已經大部分時間返工 拍埋拖真係可能同frd打機食飯都難 已經唔計拍著個公主病對自己心理上既負擔

總括嚟講的確有錢係有資格去愛人同被愛
要返工要儲錢只能夠取捨

你講得好岩 無論單身好有伴好都唔應該以己度人 畢竟係自己既選擇 但至弊呢個社會風氣塑造到人一定要拍拖 單身就係有問題

但係我經濟冇問題都唔想拍拖 反而覺得拍拖好麻煩 如果有多一個人進入我生活 我會有d唔知點算 習慣左自己一個 可能我份人係怪

投入一段關係我覺得就要認真去對待
散拖嘅話好無謂 結果因為呢啲莫名其妙對一段關係嘅責任感 就更加覺得單身生活一身輕
咁不如正正經經真金白銀請個ptbf 想佢喺度先俾錢佢

讀緊書嗰陣已經咁諗

拍拖有咩好？
利申：33A0

退返一步咁講，
如果要忙於搵錢生存嘅話，
就算拍散拖，都金錢、時間、精神，
只係比例上較少同無咁多責任負擔咁解。
連拍散拖都覺得累嘅話，何況係真心拍拖？

所以對於大部分人嚟講，
呢個問題係直接帶起好現實嘅問題，
有部分人係真心唔想拍拖，
有部分人係因為取捨之後，自己無信心、唔想互相拖累等，
自然變成唔想拍拖。

點會覺得你怪，正如我上面咁講，係個人選擇，
你過得開心，有邊個有資格指點？

我上面嗰段假設情況，主要係講大部分唔想拍拖嘅人。
呢個帖，可能係因為主題上問題，
係而家少數連登佔大部分留言都係符合返現實！

(得極少數嗰啲，係度老屈人媾唔到仔/女嘅留言，
佢哋多數都典型真正現實嘅失敗者，覺得自己做唔到，人哋就一樣，
係度拎優越感，自動無視。)

你睇吓或者現實聽多啲就會知道，大部分人唔想拍拖，
都離不開，無金錢、時間、精神等。
好現實又好無奈⋯

講到底，大家都係努力想開心啲過日子，
所以，大家想唔想拍拖，真係要互相尊重個人嘅決定。

PS. 總有啲時間，係唔會諗起現實嘅問題⋯
有時候，我都想有個人可以係身邊陪伴吓，可以隨時傾吓心事，
隨緣。

咁你覺得點
佢地想AA既話

但散拖都唔係可以hea拍架咩 我見有啲都係拍左幾個月就換畫啦喎

我對人好，人哋唔一定對返我好，不如唔拍，唔使哂心機

我意思係散拖都係拖 一旦有咗呢個名份我心理上好難去hea拍
會覺得自己有責任去付出嘅同時期待對方都會付出
令到段關係可以維持落
當然呢個完全係個人心理上嘅偏執
而且散拖都可能要一個禮拜見一次
俾錢可以再見得疏啲 …

唔想拍拖還唔想拍拖
但想唔想有Fwb先

唔想

我會想知ptbf去邊度搵

巴打係咪做緊自己有興趣既工？感覺你好有衝勁

一個唔好彩拍著啲難湊嘅港男
一樣出事

連登大把狗公