瘦係一種罪

Episode 1

我已經辭左職，如果話我串、太醒而得罪人既話，我抵死。但係我無，好唔開心點解我既身型會成日比人攻擊既原因。

我係做Design 既(2x歲男仔，身型偏瘦)，因為做design需要有空間，所以公司比我同另一個同事坐係一間房做野，e個同事係接近30歲既肥婆，至少160磅，近佢dd都會聞到佢發出陣陣酸縮惡臭，佢叫 Emba。

第一日番到公司15mins，都係抄下開機開門password，d野放係邊之類。抄抄下既時候...

emba: 你見工果日唔係咁著個wor！(我見工果日著件恤衫，番工果日就 t shirt+長褲+波鞋)

我以為佢捉我儀容啦，心諗又唔係做文職，又唔係背心短褲，唔係t shirt 都唔得掛？
我就話係啊，今日好熱所以無著外套啊

emba: 你好瘦啊
我: 嗯...
emba用鄙視既口吻同目光: 早知你咁瘦，我地真係唔會請你！

我: ☺?

心諗e個同事應該好玩得，講笑姐。點知佢黑面對我再講多次

早知你咁瘦，我地真係唔會請你囉！(2 combo!!)

我: 苦笑... (你有份interview我ga肥西)

到 Lunch 啦，肥西emba就話帶我去搵食，去到 lift 口有十幾個同事等lift，有人就問肥西

Chery: 新同事啊？
emba: 係啊, 你自己介紹自己啦
我叫竹仔
chery: HAHA 人如其名咁瘦
大家仲等緊lift，仲越黎越多同事聚集係lift口

肥西好大聲講
佢啊? 真係太瘦啦！早知係咁真係唔想請佢囉！(3 combo!!)

我: 😨
chery: 下？關咩事啊...? 我地唔係做地盤bo...
emba: 太孱啦

瘦同孱係兩回事啊，肥都唔代表抵抗力好好，當肥西講完之後第2日，佢就帶口罩帶左兩個星期

Episode 2

完全唔明點解瘦都得罪人，反思多好多次係第一日番工短短 15mins 內既所有行為、回應之類，我敢講我係keep 住 smile、有禮貌、唔該前唔該後...

半年後我搵到原因...先留個伏筆

活到老學到老，不論你去到幾高位，都總係會有新既野而你係唔識既。更何況係我e d 無經驗既新丁。emba 堅持話唔係我上司，但算係我前輩，佢教我野我一定拎本簿抄低。之但係同一樣野係可以有好多方法做，例如 save file，你可以用mouse係左上角搵 save file 個掣又得，你用 short-cut Ctrl+S 都可以save 咁解。

emba: 拿！你可以禁e粒掣做e樣野
我: 噢！原來有e個掣可以用，我平時唔係用e個方法嫁，學多樣野好方便wor，謝謝你！

跟住發生既事，我以為拍戲先會見到，remind 大家佢係一個肥西先。佢將雙手放左係個咀前面，好似 whatsapp 隻馬騮 emjoi 咁，不過曲手指，然係慢慢轉個豬頭望住我，用開心、雀躍、輕挑既態度開佢個豬口...

嘩~~~ 你e 粒掣都唔識用啊~?
嗚啊~~ 我好驚~~啊~~~~~~
我好驚你過唔到 probation~~啊~ 哈哈哈哈哈哈哈哈哈哈哈哈哈哈哈~

( ~既意思係拉長個音 or 好似皆大歡喜 趙學而講野個口吻，講最後一粒字前會停一停先chok個尾音出黎)

佢一路哈哈哈哈哈 既時候一路行左出房，然後過左隔黎房搵佢d fd (隔黎team 同事)，然後我聽到佢地一齊 哈哈哈哈哈哈哈哈哈哈哈

Episode 3

前提講到肥西 emba 係過左隔離房哈哈哈哈哈。

佢係房出面係識好多人既，大家都唔知佢係房入面變左樣既真面目，佢仲成日扮cute 扮可愛，我親眼見過人地問佢野，佢先轉身用胸貼近牆，然後用爪扮貓爪度牆，左右手一上一落，再用高八度+可憐扁咀樣講: 唔知啊.. 嗚嗚....

我見到佢咁樣爪真係覺得毛管棟，彷彿冬天飲雪水，心都寒一寒...

佢唔係向住我做以上動作，但做完另番黎見到我行緊過去佢度睇到佢咁既動作之後，立即黑面。

講番佢係房外既朋友，佢地係有邀請過我出去同大家一齊 Lunch 既，但去過2-3次我就決定唔再一齊食。個段日子3色台係做緊武媚娘既，我欣賞3色台將劇中較為沉悶既劇情砍左，令到成段劇更緊湊，小弟亦鍾意睇古裝，所以星期1-4都會買外賣係自己個位度食，煲劇又好，慳錢食飯盒又好，到星期5先會 join 大伙。

有一日我又如常地買飯盒係自己個位度食Lunch。emba e隻肥西就好鐘意唔敲門 bom一聲咁開門衝入黎，唔敲唔緊要，但係大力到度門會撞牆彈番轉頭就一定用左內功囉。

Bom!! emba 開門入來，
我已經聽慣左佢開門都要用武功，唔理，繼續食我既飯...

emba: 咳嘿(清喉龍) 我呢~~~~ 就好唔鐘意人買野食係間房度食，d野食味局到成間房都係味(隻手係個鼻度fing下fing下)，

我有潔癖嫁！

講完當然又行開左啦，o岩既，我搞到間房有陣飯味係唔好，咁我去 pantry 食。

第二日，我見到佢買M記係自己個位開餐。

你覺得叉雞飯既香味會贏到M記成個餐既香味？試過答巴士係上層有學生食杯面，已經好香，下個站另一個學生拎住袋M 記上黎，無開個紙袋，已經蓋過左杯面既味。emba係個位度食香到我連買咩餐都聞得出啊，仲一直聞到放工都仲係比麥落雞餐既香氣擁抱。跟住我見到好多包過野既 "雲吞" 係佢張台度，再remind 大家，佢係有酸酸縮縮既怪味由身上傳出，潔癖!??

潔癖!??
潔癖!??
潔癖!??

如果你咁都叫潔癖，我一定係身穿白衣一粒塵都無既天使。

------------------------------------------------------------------------------------------

好啦，到星期5啦，大伙一齊 Lunch

女群眾A: 嘩~ 竹仔你真係好瘦啊~
女群眾B: 係囉係囉~ 食多d 野啦
女群眾C: 你係咪一直都咁瘦？

我: 係啊係啊... 無重過無輕過... 我身體唔係好吸收...

女群眾B: 我識啊邊個邊個都係咁瘦嫁，但男仔咁瘦真係唔係咁好囉

我: 哈哈哈哈哈哈 (扒飯/保持微笑 Loop)

女群眾C 細細聲: 咁瘦都唔知係咪有暗病

我: !?

男群眾: 點解你星期1-4 唔同我地食既?

我將欣賞3色台同鍾意睇古裝講比大家聽

女群眾C: 我以為你鍾意睇李治庭添~~ 你咁瘦又唔高又青靚白淨，So gay~

我: ................................................................................

e一次係我第一次同佢地 lunch ，之前無接觸過...

Episode 4

我條 team 得3個人，Boss、emba肥西、我。今日要為大家介紹肥西以外，隊目之中的另一個人渣 - 隊長 yoga。

Yoga
一個年近40既男人婆中女，嚴重煙癮的臭女人(煙臭)，唔係每日都會見到佢嫁，因為佢會出去開會，但見親佢一定係以深色 t-shirt + 黑色賴屎窄腳褲現身。

正所謂上樑不正下樑歪，我深信emba用內功開門既方法係學佢既。 yoga bom一聲咁撞門入黎：

「竹仔，請到你真係太好啦！交比你既功課做得好好睇！」

因為佢交比我既工作到現時為止，就算佢幾憎我都好，都會用email 覆我 Great! Good! Well Done! 之類既詞語 forward 比所有人。咁當然唔ok既就會公開丙，boss 係咁好正常。但係yoga講完e句後，我感到肥西的不洩氣場。yoga講完要交低既野佢就會出房，因為佢係隊長，自己坐一間房既。


emba 用高8度既聲線「你又話唔識 after effect (design 既software，下稱 AE) 既!? 點解你會識short-cut，又識得做嫁!? 你見工唔係咁講個wor！你咁樣 yoga 一定覺得你好勁啦，佢唔識 AE 嫁，你一定呃到人啦，特別呃到佢，佢實覺得你好勁囉！」

「我淨係識e d... 難d既我唔識嫁...都要慢慢 pick up or 慢慢學....」我又保持我慣有既微笑回應

跟住佢又黎料啦...

「你識唔識隔黎 team 個品仔？」

「我唔識啊」我心諗我新黎既... 點會識咁多人... 雖然我係幾間大既 design 公司做過.. 但係都唔係識好多人嫁...

「你知唔知人地大你一年嫁炸？」emba 繼續講
「人地大你一年已經係senior designer，你睇下你~ 哈」

慣性講完又行左出房...

我番左e 度好短日子既時候，好多野都唔知放邊，我一定要求佢，我就問佢

「emba，唔好意思，請問e個 file 係咪放係e個位啊？」
佢個仆街真係要推薦佢去3色台拍宮庭劇，問完佢之後佢先冷笑一下，

「哈! 你問我啊?」然後就另番個頭繼續做自己野，無答

我唔係問你有無拍拖啊... 係做緊正經野啊大佬... 你要做公主都唔好係我面前做啊... 你搵到仔既話係佢面前先做公主啦... 但我覺得ok 既，你唔答，我樣野又急，我咪問多次，佢就好似我係佢工人咁呼喝答我...

Episode 5

其實肥妹的工作量唔多，只係佢不停地雕花。舉個例，佢會不停咁望住自己做好既 graphic 發呆，偶然會微調一d 郁唔郁都無所謂既地方。我起初欣賞佢e 種追求完美的做事方式，但後來發現完來佢係望住個 mon 訓著左，眼角會睇到佢鍾眼訓個頭突然高速墜落，然後鍾醒左就求其執下d位...

話雖如此，佢既工作唔多，但好似做到好辛苦咁，事關佢成日都唉聲嘆氣，仲要叫得好姣好淫果種。如果用AV情節黎形容，佢既聲就好似個女優比人摸緊胸時發出的輕輕呻淫聲，而唔係入曬果種喪叫。但係佢一做野就會每 10 mins 淫叫一下... 我有問過佢...

我: emba, 你係咪唔舒服啊..?
emba: 唔係啊? 點解咁問？
我: 你不停咁唉聲嘆氣... 叫得好密...
emba: 係咩!? 我自己都唔覺wor @@

如果個女仔靚既、香既，坐同一間房仲要每 10mins 叫一下，係幫助叉電既。但肥西既『龍之吐息』係干擾！

有人問我係咪故仔... 我強調，所有節情都係實在發生過。
------------------------------------------------------------------------------------------------
我地每月要交番工時間既excel表，就係將你番工既時間/SL/AL/PH 日子都要寫一次係excel表既文書工作。

我: emba, 我地番成11點，日日放工時間都唔同，咪好麻煩？
emba: 唔洗，我地全部寫 0900-1800 。
我: Thanks!
emba: 點解你個表打得咁快?

唉.... 諗起e件事就心酸
有做文職既朋友都知道，excel 表入面有無數個長方形既格仔，如果你在任何一格填左野，當你用 mouse 指向格仔右下角時，都會出現一個細既十字，而細十字既功能...

我: e度有個十字仔，扯落去就會連表格入面d formula 都會一齊 copy。唔洗逐個 Ctrl+c/Ctrl+v。
emba: 我頭先扯唔到個十字架既!?
我: 咁樣 (我示範一次)，就扯到啦。
emba: 下!? 我扯唔到wor! 陣間再試，我出一出去先。
我: haha.. 好啦, 我扯到啊，你陣間番黎再試。

肥西係門口位停左係度，大叫

我唔覺得好笑囉!!!!!!!!!!!!!!!!!!!!! 極大力開門 bom 一聲山門走左。

我: @@?

後來回想番.... diu... 佢唔咪覺得我性騷擾佢啊.... 我係講 excel 個十字仔扯落去，我係扯到啊，但唔係講扯旗啊... 我點會無女到要同你性暗示啊... 就算係講性，我都無講錯，我係男人，我扯到你扯唔到係正常既，你何必要發曬難炸呢...
更何況... 我真係唔會對肥西講黃色笑話.......

如果個結局係屌爆個肥婆我會正皮

幾好笑

俾標題呃左我睇晒

無睇，
但好認同，女仔又瘦又靚喺肥婆圈子更加難以生存，
肥婆真喺世界級嘅又煩又是非八卦又自卑，

肥婆真係好煩 經常性要引人注意 但自知樣衰 所以成日踩低人
樓主 完左啦？

屌你咩開返講故台啦，我自選block撚咗講故架

你講咁耐都未到重點嘅，你個伏筆伏咗去邊啊喂

靚

樓主去左邊？ 幾好睇

如果個結局係屌爆個肥婆我會正皮

有屌爆個肥婆啊, 不過鬧佢唔係結局

幾好笑

身處係果度好慘嫁... :(

肥婆真係好煩 經常性要引人注意 但自知樣衰 所以成日踩低人
樓主 完左啦？

未完啊..

靚

極醜惡

Episode 6

之前有提及過本小隊除了肥西之外，還有另一個人渣之中既畜生 - yoga (前文有形容佢既資料)。
Yoga雖屬故事的支線，與我接觸亦不算多，但與主線故事有不可分割的關連。

yoga 成日開口埋口都話: "都無邏輯既！邏輯呢？唔合邏輯啊！"

原來成日話人地無邏輯既人係最無邏輯既，佢睇到人地有條刺，但睇唔到自己有成條樑木隊左係個頭度。

-----------------------------------------------------------------

yoga: 我知道你其他software都熟，但你要離開自己個 comfort zone 嫁，今次我比你既功課用你唔熟既 AE 做啦。
我: 好啊，我都想練習多d，但我怕d功課趕...
yoga: 唔趕啊，我地大把時間。
我: ok!

咁我就努力咁用我比較唔熟既 AE 做e份功課啦，到第二日下午...

yoga 又 bom 門入黎...
yoga: 你做咁耐既？你用邊個 software做?
我: 我用 AE...
yoga: 下!? 你用 AE? 唔怪得咁慢啦! So Stupid! SO~~~~~~ Stupid ！
我: 你叫我用...
yoga: 做功課當然用自己熟既software 做嫁啦~ (又講多次) SO~~~ STUPID~~
我: .................................
yoga: 好啦，我睇過你份野，你e個位隔開少少啦 (佢手指係指住一個位)，少少得嫁啦，好似油同鹽咁加少少~~ 哈哈哈哈哈~
我: 哈哈哈哈 (我都唔明佢有咩咁好笑，當陪笑囉)

隔左一陣

我: 改好了，請看。
yoga: 點解淨係e個位隔開dd?
我: 你話e個位，唔o岩???
yoga: e個位，o岩！但我話油同鹽加少少，油、鹽係兩。樣。野。即係有兩個位要改，唔好要我踢一踢先郁得唔得！
我: .................................

咁既外表，一身煙臭味，無理取鬧，一定係單身，
我願你單身一萬年。

lm

LM
I love Emba

加速

文呢